Read bassa SHƐZUNGA TUZUNGANGANA AGWANGWAMA 140 Bible Online

SHƐZUNGA TUZUNGANGANA AGWANGWAMA 140 - bassa bible

SHƐZUNGA TUZUNGANGANA AGWANGWAMA 140

¹No Ofwo Iyɛri ya Azụnjɛ: Azunga na ge Devid Zunganganɛ AGWANGWAMA Oo AGWANGWAMA, n le no olugwo atwa awɛ, n untangana lapiya iwɛ atwa shɛbwagara,

²a na a haŋsa iyi iwɛ na shɛmɛ sha aba aka elele; a na ɛ ishicinjɛ ujasa aka elele.

³Irɛtu ya aba i shɛ gana ene ahwa a na a kwụna bụtụ. N-ndumwa mu unu wa aba mɛ shɛ gana mangayɛ me egbezhi.

⁴Oo AGWANGWAMA, n leshiji ni i'ɛlɛ yo ogworozwo; n untangana iwɛ atwa shɛbwagara, anaa na ma n haŋsagana maa a n 'imɛ nu ugwuru wa aba.

⁵Atwa unyangana e m biteni ugwuru, e biteji modugwulo keeni igwune nụ ụzalụ uhwaŋna iwe mi, maa a n 'imɛ.

⁶Ibɛ po Ngɛɛ hiɛŋ AGWANGWAMA, gabụ bɛ shɛ Agwatana mi; Oo AGWANGWAMA, shilo ụcɛbɛ na tutabwa ti mi!

⁷Oo AGWANGWAMA Mokondo, gabụ bɛ shɛ bileleji mi bu ukpahiŋ, gabụ bi intanɛ la uhiuhiu mu nụ ụjita ujasa.

⁸Oo AGWANGWAMA, ta pana ogworozwo iyi nɛ aa jala o; to lono kaa maa tuhaŋsa ta aba tụ wɛ ti 'yagana aŋ eshe o!

⁹To lono maa atwa i'ime mi a n lasụ o;[108] gɛ iyi iwɛ nɛ aa ma n 'imangana gwuri no ohiuhiu aba!

¹⁰Ga akanga ulwa 'waŋ no ohiuhiu aba, ga a 'wɛŋ aŋ na ashapa, a na aa zha shɛ a banɛ ya kwukwuŋ!

¹¹Kede iyi 'yagana atwa na a patana bụtụ iwɛ alaacɛ eshe o; gɛ iyi iwɛ vwuteni atwa abwagara, maa i iricinji aŋ kakayɛ!

¹²AGWANGWAMA, M mepi maa gabụ ba lashaga okofwo; gabụ kaa ba dumangana atwa na zasa iyi ụshɛrɛya u tishiriri.

¹³Iwɛ-tɛkana, atwa tiririri zhɛ a shɛtana izeci bu; aba kaa zhɛ a nama na agba bụ.