Read bassa SHƐZUNGA TUZUNGANGANA AGWANGWAMA 149 Bible Online

SHƐZUNGA TUZUNGANGANA AGWANGWAMA 149 - bassa bible

SHƐZUNGA TUZUNGANGANA AGWANGWAMA 149

¹Shɛtana ma AGWANGWAMA! Zungangana ma AGWANGWAMA azunga ofwo; shɛtana bu ma na tu'ulwa ta atwa ubwa tɛcara!

²Ga atwa Isrɛl njɛ unyasa iwɛ bụtụ ata karɛ aŋ; ga miaụŋ mu Zayon, mu bweji unyasa iwɛ Agwuma aba!

³Shɛtana ma izeci ibwɛ na tɛhiɛba, 'Nyama ma apalụ keeni shiduma na ashɛtwa ubwa!

⁴Amɛ AGWANGWAMA o lomo na atwa ubwa, baa muna atwa na meme zucinje ụjɛrụma, boo bicingo aŋ kaa tutu uce.

⁵Ga atwa tijilo Agwatana bweji unyasa nụ ụjɛrụma wa aba; ga a zụnjɛ azunga unyasa uuwa gi iyi yoholo.

⁶Ga ashɛtwa Agwatana nama no orworwo aba taawụụ; maa otokwobi na lacɛmɛ apada hweehwe nama ni i'ɛlɛ ya aba,

⁷maa a cɛpɛ itɛpwɛ yo ohiuhiu aba no ofwo edenji; maa e peni atwamwa ulwapɛ;

⁸maa e umpi shɛgwuma sha aba na ashɛnjɛ; maa e umpi atwa aba na 'yajɛ nzeci ne shigbo sha ashɛmbɛrɛ;

⁹maa a jɛmɛ ụshɛrɛya wa aba nu gana na tu wee 'nyeci! Inɛ gɛ i shɛ ụjɛrụma wa atwa tɛcara kpaaŋ. Shɛtana ma AGWANGWAMA!