Read bassa SHƐZUNGA TUZUNGANGANA AGWANGWAMA 20 Bible Online

SHƐZUNGA TUZUNGANGANA AGWANGWAMA 20 - bassa bible

SHƐZUNGA TUZUNGANGANA AGWANGWAMA 20

¹No Ofwo Iyɛri ya Azụnjɛ: Azunga na ge Devid Zunganganɛ AGWANGWAMA. Ga AGWANGWAMA ubu jishijɛ na aka na abu namɛ nụ ụbaụta! Ga Agwatana Jekob ubu jilanɛ!

²Ga ma bu tumwananɛ timbiyono tu na ti zhɛ ta banɛ no ohwolu tijilo, maa kaa ma bu panɛ iyi nɛ zhɛ ma bu sa, nɛ kaa zhɛ ya banɛ ni Ishɛmɛ Zayon!

³Ge teyinje apwaŋ bu elele kpaaŋ, maa ga arụpɛ bụ tuhwoŋzhingo kwụlanɛ bụ tɛlashɛga.

⁴Ga ma bu pana iyi nɛ ma bu dwa eshe, maa kaa nda maa ga tuhaŋsa tụ bụ kpaaŋ tụ bụ 'yagana eshe!

⁵Nazhɛ ɛti zhɛ ta kalana tụlasụ tụ bụ n'ungwa mu unyasa, maa kaa to shikicingo igɛrigɛ tu ni izeci ya Agwatana tu! Ga AGWANGWAMA ubu ụrɛcɛnganɛ ilupwɛ bu kpaaŋ!

⁶Hwuwayɛ go M mepi maa AGWANGWAMA ubwa bo bicingo agwuma ubwa na bee teri; ubwa kaa bɛ jishijɛ bu taa na azuba ubwa tijilo, ubwa kaa ba pana bụ tụlasụ tụ 'wụtụ tu na tu dure ukpahiŋ u'ala ubwa ubiye.

⁷Atwa oko tɛtanɛ ihɛŋtu ya aba ujasa rishe, anya atwa oko kaa tɛtanɛ idɛkwɛ ya aba rishe; ama tu patanɛ tuba izeci ya AGWANGWAMA na shɛ Agwatana tu rishe.

⁸Atwa gana ata zhɛ a twa udukwutwa a laya; ama ti zhɛ tuba tɛ ishijɛ to shikono dimi.

⁹Oo AGWANGWAMA, pana agwuma tụlasụ; iti jishijɛ[2] na aka na atụ bụ suyanɛ.