Read bassa SHƐZUNGA TUZUNGANGANA AGWANGWAMA 21 Bible Online

SHƐZUNGA TUZUNGANGANA AGWANGWAMA 21 - bassa bible

SHƐZUNGA TUZUNGANGANA AGWANGWAMA 21

¹No Ofwo Iyɛri ya Azụnjɛ: Azunga na ge Devid Zunganganɛ AGWANGWAMA. Oo AGWANGWAMA, agwuma a nda unyasa iwɛ ukpahiŋ na ebi peni bu; ba bwada kaa unyasa, iwɛnɛ ebi mbiyeni bu maa lasatagwụ!

²Gabụ bi shiyeni tukwulana na amɛ ubwa; gabụ kaa bi peni bu iyi nɛ baa lụpa.

³Gabụ bu 'waŋnanɛ bụ uwebiye i'wɛtwɛ ifwugwo; ebi peteni bu kaa udara wa azhɛnarɛya nu uhiuhiu.

⁴Bụ bụ lụpɛ uraiŋ, ebi peni bu uŋ, ubwa shɛ uraiŋ urugbo tiya tutu unyizo-nom.

⁵Ụjɛrụma ubwa gembi tedure no timbiyono tụ bụ; gabụ kaa bi peteni bu urishi keeni igɛhi.

⁶Ewebiye na ebi peni bu namɛ nu ubwa tutu unyizo-nom; tunama na agba bu kaa to shidingo bu nu unyasa ụ'wụtụ.

⁷Agwuma patanɛ AGWANGWAMA rishe, tedure kaa ni inyɛmɛnyɛmɛ bụtụ ata Hwuri Kpaaŋ, i zasa iyi elele nɛ zhɛ yo zhingoto bu o.

⁸U'ala bụ zhɛ wa ima atwa i'ime bu kpaaŋ; u'ala bụ ubiye kaa zhɛ wa ima bụtụ be elele na ubu to ni i'ime.

⁹Gabụ kaa bi zhɛ ba nda aŋ ufwu gana ulwa ụ'wụtụ, na aka na te ebi hikeni. AGWANGWAMA zhɛ a twala aŋ ni isɛbwɛ ibwɛ; ulwa kaa zhɛ wo hwoŋzhingo aŋ kwunduu.

¹⁰Gabụ bi zhɛ bo iricingo ajalalo aba na cɛnjɛ tu unyizo, ta atwa aba ekwunyi maa e beni na ashashɛ miaụŋ ma atwa.

¹¹Ɛ zhɛ ma bụ haŋsagana maa abɛ njɛ iyi iwɛ, ama kaa i zha shɛ ya 'yagana aŋ eshe o.

¹²Gabụ bi zhɛ ba ta aŋ a'inla bụ, ɛbi zhɛ kaa ba nda aŋ maa e bitiriji maa ebi gezhigeni.

¹³Oo AGWANGWAMA, ta bụ shɛtana iwɛ ukpahiŋ ata bụ ụ'wụtụ! Ti zhɛ ta zunga azunga maa ta shɛtana ukpahiŋ ata bụ.