Read bassa SHƐZUNGA TUZUNGANGANA AGWANGWAMA 23 Bible Online

SHƐZUNGA TUZUNGANGANA AGWANGWAMA 23 - bassa bible

SHƐZUNGA TUZUNGANGANA AGWANGWAMA 23

¹Azunga na ge Devid Zunganganɛ AGWANGWAMA. AGWANGWAMA ubwa shɛ bi'iywa mi, ukekeshi iyi elele zha shɛ ma n nda ya o.

²Ubwa bo lono maa mo woto ne ehilo na 'yajɛ ambɛ olom, ubwa kaa ma n zarɛga no ofwo na meni mu tusuu mu namɛ.

³Ubwa ma m pana ukpahiŋ ufwo.[8] Ubwa kaa ma n 'yagaga ni ilɛmu nɛ teni cɛŋ, iwɛ izeci ibwɛ.

⁴Okwo Ama zha tahaŋnụ nu Ulomu Uzhizhi Tu'wo, N zha shɛ ma nda inyɛsɛ iyi iwɛ o; iwɛnɛ ta abu namɛ ne mi; okwuto bu u'iywa keeni bidingbengbere bu, ubwa ma n ingatanga.

⁵Gabụ bu ma n imangana iyimɛyɛ ibiye ne eshe atwa i'ime mi: gabụ kaa bu m munɛ ụjɛrụma gana maa bugaiŋ bu, ukwopi mu shini waa hialụ.

⁶Iwɛ-tɛkana M mepi maa uwebiye bu keeni inyɛmɛnyɛmɛ bu[9] zhɛ ya nama ne mi tutu ukwunanga uraiŋ mu; N zhɛ kaa ma nama nu umwono wa AGWANGWAMA unyizo-nom.