Read bassa SHƐZUNGA TUZUNGANGANA AGWANGWAMA 26 Bible Online

SHƐZUNGA TUZUNGANGANA AGWANGWAMA 26 - bassa bible

SHƐZUNGA TUZUNGANGANA AGWANGWAMA 26

¹Azunga na ge Devid Zunganganɛ AGWANGWAMA. Oo AGWANGWAMA, duma ụshɛrɛya mu, iwɛnɛ tu Ngaa zasa n-ndumwa-tụwụma, iwɛnɛ ta Ama nda iyi nɛ teni cɛŋ Ngaa bu patanɛ kaa rishe na amɛ mi hwɛ hwɛɛ.

²Oo AGWANGWAMA, m menji, m mekeni; na yalaga ukwulana mu keeni tuhaŋsa ti mi.

³Inyɛmɛnyɛmɛ bu tihioko ibɛ hwuri umbe ne mi; tɛcara tụ bụ kaa tu ma n 'yagaga aka elele.

⁴M meme hiŋci shi na atwa tusashɛ o; N njɛ shɛ kaa iyi elele na atwa tɛnda-te-eshe o.

⁵Mo imo tutogotogwu na atwa na a nda iyi iwɛ, N jɛjɛ shɛ kaa no ogworozwo.

⁶AGWANGWAMA, N fwotwo i'ɛlɛ mi maa mo mbisono maa N zasa n-ndumwa-tụwụma o, ibɛ po Omo rungo utukwu-ụrụpɛ bụ na tɛzhɛba.

⁷Ma zunga azunga a'walụ, Ama duma kaa iwɛ ugondu bu u tudama kpaaŋ.

⁸Oo AGWANGWAMA, Mo lubo umwono wa ajɛjɛ bụ, ibɛ shɛ ofwo na ụjɛrụma bụ wa nama.

⁹Ta ma nda ufwu medenji atwa iwɛwɛ o; ama m becinji no ohwolu akwụnɛ-atwa,

¹⁰aba shɛ atwa na a nda ugondu ụwɛ aka elele, a na kaa mama 'imɛ aka elele maa e leshiji ukwuribi ugworo.

¹¹Ama yaa shɛ Gamba, Maa nda iyi nɛ teni cɛŋ; hioko inyɛmɛnyɛmɛ mi maa m bicinji!

¹²M benengeni atwa elele na a nda bụtụ umungwuta; N zhɛ mo zhemonjino AGWANGWAMA no tusotulonu ta atwa ubwa.