Read bassa SHƐZUNGA TUZUNGANGANA AGWANGWAMA 4 Bible Online

SHƐZUNGA TUZUNGANGANA AGWANGWAMA 4 - bassa bible

SHƐZUNGA TUZUNGANGANA AGWANGWAMA 4

¹No Ofwo Iyɛri ya Azụnjɛ: ni iyi ya Azunga Ti'nyama nɛ 'Yajɛ Ihwehwe: Azunga na ge Devid Zunganganɛ AGWANGWAMA. Oo Agwatana mi tiririri, N jishijɛ na aka na tu Ngaa bu suyanɛ na adua mi! Gabụ bu n jelekeni ohwolu, na aka na tu Ngaa namɛ ne tiriri. Hioko inyɛmɛnyɛmɛ mi, maa hwụjɛ adua mi.

²Oo ahiɛba atwa ga, aka naa ɛhi zhɛ hia ganga ụjɛrụma mu ụpụrụsa tupanaa? Aka naa ɛhi zhɛ hia ganga n-ndumwa mo ohondo keeni ụzagwụ tudwalakakaa?

³Ama teyinje ma maa AGWANGWAMA momo tologwo atwa tiririri; baa hwuga kaa aka na Ngaa suyanɛ bụ.

⁴Nda ma isɛbwɛ, ama ta nda ma iwɛwɛ o; haŋsa ma iwɛ ijɛ ta 'yajɛ ikɛnyi na aka na ehi weteji no shigodo shi hiŋ saiiŋ.

⁵Pana ma AGWANGWAMA arụpɛ na teni cɛŋ, maa hiɛ patana bụ rishe.

⁶Atwa ofwugwo a nda ba adua, ɛɛ hiɛŋ, Oo AGWANGWAMA, iti keeni uwebiye tụpana. Utu mbiyanɛ ni igbɛtɛtɛ bu iwɛ tumapa!

⁷Ama unyasa na ebu zweni na amɛ mi uhwuri unaa na ɛɛ zhɛ a 'yaga aka na ti iyimɛyɛ keeni meni mu tụ'walụ ta afwafwa mu balanɛ aŋ.

⁸Aka na Ngee weci, N zhɛ ma laya malabụ na amɛ-olom. Oo AGWANGWAMA, gobuko bu ma ngbaraka maa mo bino.