Read bassa SHƐZUNGA TUZUNGANGANA AGWANGWAMA 43 Bible Online

SHƐZUNGA TUZUNGANGANA AGWANGWAMA 43 - bassa bible

SHƐZUNGA TUZUNGANGANA AGWANGWAMA 43

¹Oo Agwatana, m peni n-ndumwa-zhɛ iwɛnɛ tu Ngaa zasa n-ndumwa-tụwụma, maa n tụpananɛ itɛpwɛ no ofwo atwa na ubu patanɛ shɛ rishe; n leshiji no olugwo atwa na shɛ ehelekeci keeni atwa na jɛmɛ shɛ ụshɛrɛya u tishiriri!

²Gabụ kaa bɛ shɛ Agwatana na Ngaa datanɛ; iwembe po ebi n jinecii? Iwembe po mo rungo nụ ụkwụla-tuta iwɛnɛ atwa i'ime mi ma n nda umungwutaa?

³Tumwanɛ uhioko-uhwaŋna keeni iwɛ-tɛkana bụ; maa o no mo mbisono uhwaŋna maa e n gwuricinje ni ishɛmɛ bu tijilo keeni umwono bu na abu namɛ!

⁴Oo Agwatana, nazhɛ Ngɛɛ zhɛ ma zha nu utukwu-ụrụpɛ bụ; no olugwo na amɛ-olom mi a'wụtụ a banɛ. Oo Agwatana na shɛ Agwatana mi, N zhɛ ma 'nyama ugweje mu maa ma bu zungangana azunga.

⁵Iwembe po amɛ mi hashɛganụụ? Iwembe po Ngaa namɛ na amɛ-tụhaŋtụụ? N zhɛ ma shɛlana Agwatana, N zhɛ kaa ma shɛtana bụ sasana, ubwa shɛ Bibicinji mi na Agwatana mi.