Read bassa SHƐZUNGA TUZUNGANGANA AGWANGWAMA 49 Bible Online

SHƐZUNGA TUZUNGANGANA AGWANGWAMA 49 - bassa bible

SHƐZUNGA TUZUNGANGANA AGWANGWAMA 49

¹No Ofwo Iyɛri ya Azụnjɛ: Azunga na Miaụŋ-me-eyi mu Kora mu Zunganganɛ AGWANGWAMA Ahiɛba atwamwa kpaaŋ, hwuga ma inɛ gɛ! Shɛlaga ma ahiɛba na hiɛ jɛjɛ na cɛnjɛ tu unyizo kpaaŋ,

²ta atwa na gwụmwatangwụ, ta atwa na gembenji, ta azhɛgba, to okofwo hwɛɛ!

³Nu unu mu Ngɛɛ zhɛ ma dumanga n-ndumwa mɛ ti'inta, N zhɛ tuba mɛ bɛcinjɛ iyi ti'eshicigo na amɛ mi.

⁴N zhɛ ma nyɛngɛcɛnga acɛbɛ mi no ofwo eshi tisho, mɛ bɛcinjɛ tuba ecilo eshi mi nu ugweje ti'nyama.

⁵Iwɛmbe po Ngɛɛ zhɛ ma nda inyɛsɛ na aka ụbaụta, na aka na ta atwa i'ime mi o n rungwutwonuu?

⁶Aba shɛ atwa na patanɛ uduciya wa aba rishe, a na kaa a duma ishɛkɛ iwɛ iyi ya aba ti'yaga nɛ hwuleji aŋ.

⁷Iwɛ-tɛkana i zasa bụtụ na eri meme gwube[22] kwukwuŋ; i zasa kaa du bụtụ na eri ba tụpa Agwatana ulumo uraiŋ ubwa o.

⁸Iwɛnɛ po ulumo u tugwube tu uraiŋ bụtụ u hwuleji ugombo. Iyi nɛ baa 'yajɛ maa tụpa zha shɛ ya waŋna kwukwuŋ

⁹maa i lakanɛ bụ tizha ne e'uye, maa nama apata unyizo-nom o.

¹⁰Iiŋ, bụtụ be elele eri ba kwụba maa okwo bụtụ bi ti'inta bo 'wo, gana na du ta shɛlagwụ na atwa na teshi eshe o 'wo. Ɛ zhɛ kaa a gangana anya aba uduciya wa aba kpaaŋ.

¹¹Okwo ta a 'yagawa la cɛnjɛ ta aba ti ikɛnyi aba, e'uye,[23] aba shɛ ya nhwaŋ ma aba unyizo-nom; apata kaa ɛɛ zhɛ a nama ya tutuu.

¹²Ugombo ụjɛrụma u bụtụ eri shi wo bicingo bu no tu'wo; bi zhɛ bo 'wo waa gana isundɛ ye ehilo.

¹³Iyi nɛ ye teneni atwa na mama patanɛ-rishe ta, urobwo wa atwa na amɛ aba lemi ni iyi ya aba ti'yaga na,

¹⁴ukwunanga wa aba ụ shɛ tu'wo gana agwụdụ, tu'wo kaa ti zhɛ ta sha bi'iywa ba aba. Atwa tiririri zhɛ o rukoto aŋ, gana na tu'waba ta aba ti zhɛ to fwoso kakayɛ ne e'uye na shɛ nhwaŋ ma aba!

¹⁵Ama Agwatana tuba zhɛ me n gwube; ubwa kaa zhɛ mo m bicingo nu ukpahiŋ tu'wo.

¹⁶Kede ibu gwumanɛ aka na ta bụtụ bu ko shɛ bɛzhɛgba, tu uduciya ubwa wa kaana ugombo duwa o;

¹⁷bi zha shɛ bo sugo uŋ hwuŋ na ka na ti bee 'wi o; ụjɛrụma[24] ata ubwa kaa zha shɛ wa 'wa bụ nu u'uye o.

¹⁸Okwo yaa shɛ amɛ bụtụ lemi na tunama tu uraiŋ ga, atwa a dumanga bu iwɛnɛ ti iyi elele ya zhɛmana bụ,

¹⁹bi zhɛ bo togwu ne eshi ubwa hwɛɛ ne e'uye na tishi tu unyizo-nom tu namɛ.

²⁰Ugombo ụjɛrụma bụtụ eri shi wo bicingo bu no tu'wo; bi zhɛ kaa bo 'wo waa gana usundɛ we ehilo.