Read bassa SHƐZUNGA TUZUNGANGANA AGWANGWAMA 53 Bible Online

SHƐZUNGA TUZUNGANGANA AGWANGWAMA 53 - bassa bible

SHƐZUNGA TUZUNGANGANA AGWANGWAMA 53

¹No Ofwo Iyɛri ya Azụnjɛ: Azunga Ụzhɛla na ge Devid Zunganganɛ AGWANGWAMA Shɛlagwụ shi mɛmɛ hiɛŋ, Agwatana zasaba o. E teni ụdamụ kpaaŋ aba, a nda iyi iwɛ nɛ pilanụ sụ; bụtụ na ba nda iyi ibiye zasaba okwo bu ko.

²Agwatana namɛ na azuba baa mbiyanɛ miaụŋ ma atwa maa kwụba okwo i 'yajɛ bụtụ be elele na incɛ, na kaa ba dwalakaka Agwatana tu'wa.

³Hwɛ hwɛɛ aba vwulwagwa; hwɛ hwɛɛ aba a 'wa iyi tisashɛ. Bụtụ na ba nda iyi ibiye zasaba okwo bu ko gba zasaba o.

⁴AGWANGWAMA heŋteni iheŋtene, bɛɛ hiɛŋ, E mepi shi suu? Atwa ata a nda iyi iwɛ, ogbodu suu aa shɛ? Uraiŋ wa aba tiya ụ shɛ atwa mi tiya gana na ta a ya iyimɛyɛ, a n suyanɛ shɛ suu?

⁵Ama nazhɛ uriri ụ'wụtụ zhɛ wa 'ima aŋ, unaa na ta 'imɛ shɛ aŋ la gana ata kwukwuŋ, iwɛnɛ ta Agwatana zhɛ a garataga o'umpwo atwa i'ime atwa ubwa. Agwatana jineci aŋ, ibɛ po ezuye zhɛ a sha aŋ.

⁶Oo gana na ma nda adua maa go tibicingo tu banɛ nu Zayon tu zhajɛ no ofwo atwa Isrɛl. Na aka na ta Agwatana gwuricingeni atwa ata tɛzhɛmana ta aba sasana; ge Jekob zhɛ ba bwada unyasa, amɛ Isrɛl kaa zhɛ o lomo.