Read bassa SHƐZUNGA TUZUNGANGANA AGWANGWAMA 57 Bible Online

SHƐZUNGA TUZUNGANGANA AGWANGWAMA 57 - bassa bible

SHƐZUNGA TUZUNGANGANA AGWANGWAMA 57

¹No Ofwo Iyɛri ya Azụnjɛ: Azunga na ge Devid Zunganganɛ AGWANGWAMA na Aka na ti bee Gezhigeni Soul baa Swacɛ nụ ụpangwụ. Na rụhwụŋ ru na ri hiɛŋ, Te Iricingo iyi Elele Kpaaŋ o Oo Agwatana, hioko inyɛmɛnyɛmɛ mi, hioko inyɛmɛnyɛmɛ mi kaa; iwɛnɛ ti yaa shɛ gabụ bɛ shɛ bikepi bo ohwulu mi. Uhwuŋnu wa apiambɛ bụ ubwa shɛ ijilɛni mi, uuwa i ci aka na uvwugo ga wa nda iyi ufwu keshici.

²N keri Agwatana na Hwuri Kpaaŋ ụhiɛŋshɛ, ubwa shɛ Agwatana na ma m pana iyi ukekeshi mu ye elele.

³Ubwa kaa zhɛ mɛ n jishijɛ tu baa namɛ na azuba maa mo m bicingo; bi zhɛ kaa ba pana atwa na ma n nda umungwuta ezuye. Agwatana zhɛ ma n tumwananɛ tulubo tu bwa ti tikpeke keeni tɛcara tu bwa.

⁴Atwa i'ime o n rungwutwonu, a shɛ gana izeci nɛ ya ya bụtụ.[36] Shine sha aba shɛ shɛ gana nsanụ keeni a'inla; irɛtu ya aba lacɛmɛ gana otokwobi.

⁵Oo Agwatana, mbisono ugombo bu na keshici tụla keeni ụjɛrụma bụ maa uhwuri una cɛnjɛ tu unyizo kpaaŋ.

⁶Atwa i'ime mi tileni igwune maa a n 'imɛ; tiriri ti n iri ya. E hini ushapa nu uhwana mu, ama aba kaa 'waananụ nu bwa ni ikɛnyi aba.

⁷Oo Agwatana, ahaŋsa mi shikeni dimi, a njɛ shɛ bulama o. N zhɛ ma bu zungangana azunga ashɛtwa!

⁸Ohwulu mi, zhinjɛ! Aduma mi keeni ugweje mu zhinjɛ ma! Gamba du n zhɛ ma gbatụ ụzhɛngwa.

⁹Oo AGWANGWAMA, N zhɛ ma bụ 'walụ na ashashɛ atwamwa; N zhɛ ma bu zungangana azunga na ashashɛ edenji.

¹⁰Tulubo tụ bụ ti tikpeke ti gembi tee ce azuba; tɛcara tụ bu kaa ti timengeni tụla.

¹¹Oo Agwatana, mbisono ugombo bu na keshici tụla keeni ụjɛrụma bụ na uhwuri cɛnjɛ tu unyizo kpaaŋ.