Read bassa SHƐZUNGA TUZUNGANGANA AGWANGWAMA 64 Bible Online

SHƐZUNGA TUZUNGANGANA AGWANGWAMA 64 - bassa bible

SHƐZUNGA TUZUNGANGANA AGWANGWAMA 64

¹No Ofwo Iyɛri ya Azụnjɛ: Azunga na ge Devid Zunganganɛ AGWANGWAMA Oo Agwatana, hwuga uswejinu mu, N namɛ na amɛ-tụhaŋtụ! Ma nda inyɛsɛ ya atwa i'ime mi, m bicinji!

²N leshiji no olugwo iyi iwɛ nɛ ogworozwo ma n imangana keeni rundu ru unyama wa atwa na a nda iyi iwɛ.

³A lụba irɛtu ya aba gana otokwobi, aa dwa a'inla aba, ibɛ shɛ n-ndumwa mu na ma gwụcɛnga bụtụ tụdụma.

⁴A kala a'inla ata aba no olugwo na aa swakacɛ maa o to bụtụ na zasa n-ndumwa-tụwụma; a kala bu aŋ eshigiri zawa inyɛsɛ.

⁵A mama hicanganụ u'waba na ti'imanganga tụ wɛ! Aa haŋsa iwɛ ofwo na ɛɛ zhɛ o bitogo ogwuru aba. Ɛɛ hiɛn, I zasa bụtụ be elele ụtụ kwụbɛ o.[42]

⁶A nduwa tuhaŋsa ta aba tụ wɛ, ɛɛ hiɛŋ, Tụ ụrụcɛngwa ti'imanganga tu tu ti ci'nyɛ hwɛɛ. Amɛ bụtụ keeni ahaŋsa ubwa swacɛ taa dụlụ.

⁷Ama Agwatana zhɛ a tagana aŋ a'inla ubwa; ɛ zhɛ a ala ụngwụ eshigiri.

⁸Bi zhɛ ba nda aŋ ufwu iwɛ n-ndumwa ma ata ma aba;[43] atwa elele na kwụbɛ aŋ, ɛ zhɛ na nda aŋ asada na azhɛkwa.

⁹Atwa kpaaŋ zhɛ a nda inyɛsɛ, ɛɛ zhɛ a haŋsa iwɛ iyi nɛ Agwatana njɛ; ɛɛ zhɛ kaa a ananga ugondu ubwa.

¹⁰Atwa tiririri kpaaŋ zhɛ a bwada unyasa iwɛ iyi nɛ AGWANGWAMA nduwa. Ɛ zhɛ o gwushigo ofwo tuswaka maa e bini no ofwo ubwa; atwa na shɛmɛ sha aba shɛ namɛ ririri kpaaŋ zhɛ a shɛtana bụ.