Read bassa SHƐZUNGA TUZUNGANGANA AGWANGWAMA 65 Bible Online

SHƐZUNGA TUZUNGANGANA AGWANGWAMA 65 - bassa bible

SHƐZUNGA TUZUNGANGANA AGWANGWAMA 65

¹No Ofwo Iyɛri ya Azụnjɛ: Azunga na ge Devid Zunganganɛ AGWANGWAMA Oo Agwatana, gabụ bi teni cɛŋ maa ta bụ shɛtana nu Zayon maa ta ụrɛcɛnga onu na eti bi shilegeni,

²iwɛnɛ aba hwuga shidua. Ibɛ po atwa ofwo elele zhɛ a zhajɛ pụ bụ

³ne tusweji ti iwɛwɛ ya aba. Aka na andwa tu tubwada a tụ lasụ,[44] ama gabụ kaa bi ti gengeni aŋ.

⁴Atwa na ebi teri gwoje, agata ebu suje maa a nama nu umwamwa bu, Amɛ tu zhɛ o lomo ni iyi ibiye nɛ zweni nu umwono bu, ibɛ shɛ uwebiye umwono bu tijilo.

⁵Gabụ bi ti jishijɛ tedure na tụlasụ tu na ebi ti peni, abu ndanjɛ iyi ya arụhwajɛ maa iti bicinji. Atwa elele na namɛ nu unyizo kpaaŋ ta atwa ụdụlụ a na keshi ntokwu a bu patanɛ-rishe.

⁶Ni ikɛnyi nɛ abɛ 'yajɛ ibɛ ebi shikecenji nshama nu urubwo muba, ebi mbiseni ukpahiŋ bụ ụ'wụtụ.

⁷Gabụ bu ngwuricinji n'ungwa mu ntokwu keeni rundu ra shɛdanga; gabụ du bu ngwuricinji rundu ra atwa.

⁸Tudama tɛ 'imɛ unyizo kpaaŋ kpaaŋ iwɛ iyi i'wɛtwɛ nɛ abɛ njɛ. Ugondu na abɛ njɛ u eni cɛnjɛ tu unyizo n'ungwa mu unyasa tukala te kwune nu uce cɛnjɛ tu unyizo uzalụ uko tutu ukwunanga uzalụ uyebi.

⁹Gabụ bi mbiseni cɛnjɛ iwɛ bu tumapa tedure ne eshilo na abu tumwanɛ; abɛ njɛ tu maa ti 'yaga ugwungwu. Gabụ bi shidenji ohwulwo ne meni; gabụ ba pana cɛnjɛ izɛgwu tibila. Gana abɛ njɛ iŋ ta:

¹⁰Gabụ bu tumwanɛ eshilo a'wụtụ ni itɛmɛ ɛtɛ ee bweji maa meni mi yebiji tubwada ta ata; gabụ kaa bi debecenji cɛnjɛ ti ibɛ nɛ ɛgbɛrɛshɛ iwɛ maa ge iyi nɛ kwuni tu'unshɛ waŋnɛ.

¹¹Tuwebiye ti iyimɛyɛ tudwa nɛ aba pana ti gembi duwa! Ofwo elele na ebi duri, tɛzhɛmana tu namba.

¹²Unyama wa agwụdụ shini ne ehilo tiyaga; bụ'aŋbụ be tikpekwu shini nu unyasa.

¹³Agwụdụ barɛ ne shihilo; iyimɛyɛ izɛgwu shini no olomu. Iyi elele ya kala n'ungwa keeni shɛzunga shɛ unyasa.