Read bassa SHƐZUNGA TUZUNGANGANA AGWANGWAMA 77 Bible Online

SHƐZUNGA TUZUNGANGANA AGWANGWAMA 77 - bassa bible

SHƐZUNGA TUZUNGANGANA AGWANGWAMA 77

¹No Ofwo Iyɛri ya Azụnjɛ: Azunga na ga Asaf Zunganganɛ AGWANGWAMA N ugananɛ Agwatana taawụụ, N ugananɛ bụ taawụụ, ibɛ po baa hwụjɛ rụhwụŋ ri mi.

²N zhegeni AGWANGWAMA na aka tiriri ti mi. Ngee suji i'ɛlɛ mi na azuba uuwa gi iyi yo holo, ohwulu mi kaa lacɛ ti'ingatanga.

³Aka na Eme teyinje Agwatana, Ngee ngwuleni; Ama ta aza, u'waba n kwuswa.

⁴Gabụ bu untanganɛ ololobo eshe mi maa kede mo utogo aŋ uuwa iyi heri; amɛ mi hashɛganụ te hwuleji n-ndumwa tụdụma.

⁵Ma haŋsa iwɛ aka ụngwụshɛ na koshikwo, keeni shiywa shɛ na shɛ namɛ cala cala.

⁶Ma haŋsa tuhaŋsa[66] tu na ti 'yajɛ ikɛnyi nụ ụjita; Ngoo to aza, Ngee meme heŋteni, Ngɛɛ hiɛŋ,

⁷Asha AGWANGWAMA zhɛ mo tu jinoko suu mbowuu? Asha amɛ ubwa zha shɛ o lomo ya no tu kwukwuŋ ree?

⁸Tulubo tu bwa ti tikpeke to kwu suu unyizo-nom? Onu ubwa tishilogo zhɛ o kwu suu tutuu?

⁹Isɛbwɛ inyɛmɛnyɛmɛ tihioko 'wi suu Agwatana? Isɛbwɛ suu leshiji ohwolu iwɛ ubwa tumapa?

¹⁰Ibɛ po Ngɛɛ hiɛŋ, Tugwumana ti mi tu na, Agwatana na Hwuri Kpaaŋ sheyinji masha mu bwa.

¹¹AGWANGWAMA, N zhɛ me teyinje iyi i'wɛtwɛ nɛ abu ndanjɛ; N zhɛ me gwuricinje tudama tu na abɛ njɛ la cala.

¹²N zhɛ mu na ta aza iwɛ iyi elele nɛ abu nduwa; N zhɛ kaa me teyinje ugondu bu ukpahiŋ kpaaŋ.

¹³Oo Agwatana, uhwaŋna bu shɛ una tijilo. Agwatana naa shɛ a na a'wụtụ gana bu na shɛ Agwatana tuu?

¹⁴Gabụ bɛ shɛ Agwatana na ba nda ugondu wa arụhwajɛ; gabụ bi mbiseni ukpahiŋ bụ na ashashɛ atwamwa.

¹⁵Nu ukpahiŋ bụ ebi bicinji atwa bụ, aba shɛ ajalalo Jekob keeni a na Josɛf.

¹⁶Oo Agwatana, aka na meni mu ufwugwo mụ bụ kwụbɛ, ibɛ po maa njɛ inyɛsɛ, iiŋ, me'ilwo mi itekwu du mu zhingotu.

¹⁷Odomu 'wɛŋ eshilo, oto a kala na tụla, ɛbɛrɛ begeteji ofwo geri geri.

¹⁸Rundu ro oto bu ro jirongwu, ɛbɛrɛ na a nda peni unyizo uhioko-uhwaŋna; cɛnjɛ tɛ zhɛgɛjɛ too zhingotu.

¹⁹Uhwaŋna tahaŋnụ tụ bụ kaa duri itekwu, aba kasha kaa itekwu nɛ iri, ama e eri shi a kwụba kaa avwuna bụ o.

²⁰Gabụ bu 'yagajɛ la atwa bu gana agwụdụ tedure no Moses keeni Aron.