Read bassa SHƐZUNGA TUZUNGANGANA AGWANGWAMA 96 Bible Online

SHƐZUNGA TUZUNGANGANA AGWANGWAMA 96 - bassa bible

SHƐZUNGA TUZUNGANGANA AGWANGWAMA 96

¹Oo zungangana ma AGWANGWAMA azunga ofwo! Ahiɛba atwa cɛnjɛ tu unyizo kpaaŋ zungangana ma AGWANGWAMA azunga!

²Zungangana ma AGWANGWAMA azunga, zhemonjino ma izeci ibwɛ; ananga ma anabarɛ tibicingo tu na bee ti bicinji iyi-heri.

³Ananga ma ụjɛrụma ubwa na ashashɛ edenji, tu ugondu ubwa ụ'wụtụ na ashashɛ atwa kpaaŋ.

⁴AGWANGWAMA hwuleji, ubwa shɛ aa shɛtana te zeci duwa; ubwa shɛ aa sụma inyɛsɛ uhwuri tuwa te elele.

⁵Tuwa ta atwa edenji elele, tɛ shɛ ntatanuwaŋ, ama AGWANGWAMA ubwa karɛ azuba.

⁶Ụjɛrụma ni igɛhi rungwutwonu bu; ukpahiŋ keeni tupilanụ shini ohwolu ubwa tijilo.

⁷Ahiɛba atwa cɛnjɛ tu unyizo kpaaŋ, shɛtana ma AGWANGWAMA; shɛtana ma ụjɛrụma keeni ukpahiŋ ubwa.

⁸Shɛtana ma tɛzhɛgba ta AGWANGWAMA; 'waŋnɛ ma upwaŋ maa hiɛ zhajɛ hi teni okpogwu ubwa!

⁹Zhɛba ma AGWANGWAMA ne tijilo tu na tu pilanụ; ahiɛba atwa cɛnjɛ tu unyizo kpaaŋ, zhɛgɛda ma nu umbe ubwa!

¹⁰Mbiso ma edenji elele maa AGWANGWAMA ubwa shɛ agwuma! Ukoshilo cɛnjɛ tu unyizo shikeni dimi no ofwo na wee eri shi wa nda bulama kwukwuŋ; ubwa kaa zhɛ ba duma ụshɛrɛya wa atwamwa ne tishiriri.

¹¹Ga atwa azuba na bwada unyasa, ga amɛ atwa cɛnjɛ tu unyizo lemi; ge itekwu na ugaga medenji iyi elele nɛ shini ni ibɛ;

¹²ge shihilo shɛ na nda unyasa, medenji iyi elele nɛ namɛ na shɛ ba. Nazhɛ i'wɛ'wɛ ye ehilo kpaaŋ zhɛ ya kala n'ungwa mu unyasa

¹³ɛ zhɛ a zunga azunga nu umbe AGWANGWAMA, iwɛnɛ ti bee ci ba maa duma ụshɛrɛya cɛnjɛ tu unyizo. Ubwa zhɛ ba duma ụshɛrɛya unyizo ne tishiriri, keeni ụshɛrɛya wa atwamwa na tɛkana.