Read bassa SHƐZUNGA TUZUNGANGANA AGWANGWAMA 99 Bible Online

SHƐZUNGA TUZUNGANGANA AGWANGWAMA 99 - bassa bible

SHƐZUNGA TUZUNGANGANA AGWANGWAMA 99

¹AGWANGWAMA a ya tugwama; ga atwa na zhɛgɛda! Bɛ jɛjɛ ni idwɛtwɛ ibwɛ, na azuba iyi-uumwa ɛtɛ 'yajɛ apiambɛ, ibɛ po cɛnjɛ tu unyizo to zhingotu!

²AGWANGWAMA gembi tebiye nu Zayon; ubwa kaa patanɛ na azuba edenji elele.

³Bụtụ be elele zhɛ ba shɛtana ugombo ubwa keeni izeci ɛtɛ ibwɛ igɛhi! Tijilo tɛ shɛ ma tu bwa!

⁴Agwuma ukpahiŋ,[80] gabụ bo lubo iyi nɛ teni cɛŋ; gabụ bi shikicinji ụshɛrɛya u tishiriri ni Isrɛl; gabụ bu shapɛ tiririri keeni iwɛ-tɛkana.

⁵Shɛtana ma AGWANGWAMA na shɛ Agwatana tu. Zhɛba bu ma ni idwɛtwɛ ibwɛ! Tijilo tɛ shɛ ma tu bwa!

⁶Go Moses na Aron namɛ na ashashɛ onongbo ubwa, ga Samuɛl du namɛ na ashashɛ atwa na njɛ adua pu bwa. A suyanɛ AGWANGWAMA, bɛɛ jishijɛ aŋ.

⁷Ubwa namɛ nu udomu ata u tuwam baa jɛmɛ n-ndumwa na aba; a hwụjɛ-unu wa andwa ubwa keeni onu-tupana na bee peni aŋ.

⁸Oo AGWANGWAMA na shɛ Agwatana tu, gabụ bi jishijɛ atwa bu; gabụ bi mbiseni aŋ maa bɛ shɛ Agwatana na ba gangana aŋ, okwo te ebi peni aŋ ulwapɛ iwɛ iwɛwɛ ya aba nɛ aa njɛ.

⁹Zhemonjino ma AGWANGWAMA tu, zhɛba bu ma ni ishɛmɛ ibwɛ tijilo; AGWANGWAMA na shɛ Agwatana tu shɛ tijilo!