Read bassa JƐRƐMIA 45 Bible Online

JƐRƐMIA 45 - bassa bible

JƐRƐMIA 45

¹Ti ge Jehoiyakim yɛu Josia yɛ tugwama tu Juda, yaa namɛ shiywa shi neshi, nazhɛ ga Baruk yɛu Nɛria 'nyeci iyi elele nɛ Ngee swegeni bu nu utakada ata. Ngee mbishi bu, Ngɛɛ hiɛŋ,

²AGWANGWAMA na shɛ Agwatana Isrɛl, hiɛŋ, Oo A-Baruk,

³bi hiɛŋ ree, N zhɛ ma nda hwuŋ adangboo! Iwɛnɛ ta AGWANGWAMA keeni ụngwụ mu tuhwuga ugombo. N lukwumi no tungwulo, N gwushiji shi ụhinjanụ we elele kwukwuŋ o!

⁴Ama Gamba AGWANGWAMA, n hiɛŋ, Mbiso bu maa, AGWANGWAMA hiɛŋ, Mo hwuŋzotongo iyi nɛ Ngoo ngo mowoŋ, Omo mushongo kaa iyi nɛ Ngaa nga bilwa. N zhɛ kaa ma nda ijɛ na cɛnjɛ tu unyizo hwɛɛ.

⁵Ba dwalakaka suu tɛnɛnjɛ tu ko ti ticinji iwɛ uhiuhiu bu? Ta dwalakaka o. N zhɛ me sugeni atwa kpaaŋ abara-ne-ebe, ama okwo gana elele ti yaa shɛ, uraiŋ bụ zhɛ wa banangana no ofwo elele na ebi teni. Gamba AGWANGWAMA, N dumwa.