Read bassa JƐRƐMIA 47 Bible Online

JƐRƐMIA 47 - bassa bible

JƐRƐMIA 47

¹AGWANGWAMA m mbishi n-ndumwa iwɛ Afilistia, tobwolo agwuma Ijipti ta tefwuleji shi la Gaza o,

²bɛɛ hiɛŋ, Hioko! Meni mi zhɛ ma fwukanɛ tuzuba, mɛɛ zhɛ ma fwunga gana Urefu na wa zhagajɛ. Mi zhɛ mo ubo cɛnjɛ keeni iyi elele nɛ namɛ na tuba, ta ashɛpwụ keeni atwa elele na namɛ na aba. Atwamwa zhɛ na suyana atwa timbiyono; bụtụ be elele na namɛ na cɛnjɛ tu unyizo zhɛ na kala n'ungwa gboo.

³Ɛ zhɛ a hwuga e'inji ogwogwozwo idɛkwɛ, keeni rundu ri ihɛŋtu ujasa, keeni rundu ri ikɛgbɛ. Eshi miaụŋ eri shi e gwure iwɛ miaụŋ ma aba o, iwɛnɛ ti i'ɛlɛ ya aba zasa ya ikɛnyi.

⁴Aka ci ya maa e iricinji Afilistia, maa e becinji atwa timbiyono elele a na ga ta vwɛ nu Taya keeni Saidụn. Gamba AGWANGWAMA, n zhɛ me iricingo Afilistia hwɛɛ, ta atwa elele na banɛ nu ukwoswo meni mu Kafto.[84]

⁵Ụngwụ-tuhwuga ụ'wụtụ vwuteni atwa Gaza, atwa Ashkɛlon kaa namɛ shiruu.[85] Ụkwụmbwụ naa tuba atwa vwɛ ni Filistia zhɛ a kwunanga ụkwụla wa aba tutaa?

⁶Gabụ, utokwobi wa AGWANGWAMA, ugana! Bi zhɛ suu ba uranga atwa tukaba tutuu? Gwulo nu ufwutwa bụ, shiyono apata saiiŋ maa na ta ụhinjanụ!

⁷Ama gana naa kwuŋ we eri wa ta ụhinjanụ,[86] ti Ngee te peni uŋ ugondu tɛndaa? M peni uŋ unu maa u tefwuleji Ashkɛlon keeni atwa na namɛ nụ ụpalanụ itekwu.