Read bassa IZIKƐL 15 Bible Online

IZIKƐL 15 - bassa bible

IZIKƐL 15

¹Nazhɛ AGWANGWAMA jɛmɛ n-ndumwa ne mi, bɛɛ hiɛŋ,

²Ɛ-yɛu bụtụ, Gana naa ukparɛ ufwafwa zhɛ wa manga nụ ụ'wụ'wụụ? Imbe ukparɛ ufwafwa zhɛmɛ ni ibɛ woo hwuri ụ'wụ'wụ uwapaa?

³Bi eri suu ba shapa ukparɛ maa njɛ ụ'wụ'wụ na ebi eri ba nda iyi elele? Bi eri suu ba shaba uŋ maa njɛ igbɛlu iyi tuswata?

⁴Ulwa kiri waa zhɛmɛ tishana. Aka na tɛ ɛpɛpɛlu ubwa hwoŋni, ta ashashɛ ubwa hwɛɛ, i ta 'yajɛ waa iyi elele ebi te eri ba nda nu bwa hŋ?

⁵Aka na tu ulwa te hwoŋzhinji shi uŋ la, u zasa uhwara we elele o, tu wee hwoŋni ya waa shɛ ma'alụ, tụwụmangwụ waa wụmangwụ ya.

⁶Ibɛ po AGWANGWAMA Mokondo hiɛŋ, Gana na tɛ ɛ jwɛ ukparɛ nu uwapa ee hwoŋzhinji nu ulwa, gana ata du Ngɛɛ zhɛ ma nda atwa na namɛ nu Jɛrusalɛm.

⁷N zhɛ ma pana aŋ ulwapɛ. O bonongwonuo ulwa uko, ama tuba ulwa kaa de tɛ zhɛ wo hwoŋzhingo aŋ. Aka na Ngee peni aŋ ulwapɛ, nazhɛ ɛhi zhɛ hia mapa maa Gamba AGWANGWAMA na.

⁸N zhɛ ma nda u'una ata uwapa, iwɛnɛ ta a n shanɛ shɛ atwa tɛcara. AGWANGWAMA Mokondo ubwa dumwa.