Read bassa IZIKƐL 48 Bible Online

IZIKƐL 48 - bassa bible

IZIKƐL 48

¹Nzeci ma alamụ ata na: Ga Dan zhɛ ba lashɛga ma tu bwa te kwune tuzuba, tugwungwu tu bwa ti zhɛ ta palangana Hɛt-lon uuwa i ci odubo tuta tu Hamat, uuwa i ci Haza-inon, no tugwungwu tu Damaskos nu Hamat, hwɛɛ tuba ti zhɛ ta sha ma tu bwa te kwuni nu uwaŋna-banụ uuwa i ci uwaŋna-twonuo.

²Ga Ashɛ zhɛ ba lashɛga ma tu bwa, te kwune nu uwaŋna-banụ uuwa i ci uwaŋna-twonuo, ubwa 'yajɛ tugwungwu na Dan.

³Ga Naftali zhɛ ba lashɛga ma tu bwa, te kwune nu uwaŋna-banụ uuwa i ci uwaŋna-twonuo, ubwa 'yajɛ tugwungwu na Ashɛ.

⁴Ga Manasɛ zhɛ ba lashɛga ma tu bwa, te kwune nu uwaŋna-banụ uuwa i ci uwaŋna-twonuo, ubwa 'yajɛ tugwungwu na Naftali.

⁵Ge Ifrem zhɛ ba lashɛga ma tu bwa, te kwune nu uwaŋna-banụ uuwa i ci uwaŋna-twonuo, ubwa 'yajɛ tugwungwu na Manasɛ.

⁶Gɛ Rubɛn zhɛ ba lashɛga ma tu bwa, te kwune nu uwaŋna-banụ uuwa i ci uwaŋna-twonuo, ubwa 'yajɛ tugwungwu ne Ifrem.

⁷Go Juda zhɛ ba lashɛga ma tu bwa, te kwune nu uwaŋna-banụ uuwa i ci uwaŋna-twonuo, ubwa 'yajɛ tugwungwu nɛ Rubɛn.

⁸A shɛ a haba cɛnjɛ tu na tu 'wa tụ, iwɛ uhwara uko u ticinji, tɛ shɛ ta sha avwuna igbɛɛ-woshi-ni-bɛ-iyebi-na-akpakwụ-a-ta, (45,000) tu ụnjɛswa tu uholo, te kwune nu uwaŋna-banụ uuwa i ci uwaŋna-twonuo, gana na ma tu ta oo dwotwogonu alamụ aba tu namɛ ta. Na ma tu ga ibɛ ohwolu tijilo zhɛ o shikono na ashashɛ tuba.

⁹A shɛ a pana AGWANGWAMA mo tu ko cɛnjɛ na ashashɛ, ụnjɛswa tuba ụ shɛ wa sha avwuna igbɛɛ-woshi-ni-bɛ-iyebi-na-akpakwụ-a-ta, (45,000), uholo tuba ụ shɛ wa sha avwuna igbɛɛ-woshi (40,000).

¹⁰A shɛ du a muna onongbo cɛnjɛ tu ga te tijilo, te kwune nu uwaŋna-banụ uuwa i ci uwaŋna-twonuo. Ụnjɛswa ma ta aba ụ shɛ wa sha avwuna igbɛɛ-woshi-ni-bɛ-iyebi-na-akpakwụ-a-ta (45,000) uholo tuba ụ shɛ wa sha avwuna igbɛɛ-umpwa (20,000). Na ashashɛ cɛnjɛ tu ga ibɛ aa shɛ a ma ohwolu ata tijilo.

¹¹Ohwolu ata tijilo a shɛ a sha a na onongbo a na shɛ ajalalo Zadok. A n ndanɛ ugondu na tɛcara, o togwu su na atwa Isrɛl avwɛ na tuvwula ta aba, gana na tụ ụlamụ wa Alivai avwɛ njɛ o.

¹²Iwɛbɛ po aa shɛ a 'yaga ofwo ata ticinji a na 'wa ohwolu Alivai, aba zhɛ a sha ofwo ata jirimi uhwuri ofwo vwɛ hwɛɛ.

¹³Alivai du a shɛ a 'yaga ohwolu ticinji geri bu tuta to onongbo. Ụnjɛswa tuba du ụ shɛ wa sha avwuna igbɛɛ-woshi-ni-bɛ-iyebi-na-akpakwụ-a-ta (45,000), uholo tuba ụ shɛ wa sha avwuna igbɛɛ-umpwa (20,000), tɛ shɛ te kwune nu uwaŋna-banụ uuwa i ci uwaŋna-twonuo.

¹⁴Ohwolu ata ee shileni AGWANGWAMA aba shɛ ofwo na ngezeni ofwo vwɛ hwɛɛ nụ ụzhɛ na cɛnjɛ ta ata. I zasa ofwo elele aa shɛ a sanga tu, kwo kaa aa shɛ o shoyingo tu kwo kaa aa shɛ a pana bụtụ be elele ụtarụtụ u tuba o. Tɛ shɛ cɛnjɛ te tijilo ta AGWANGWAMA.

¹⁵Ofwo ata ta vwɛ no ohwolu ata ticinji, ụnjɛswa tuba ụ shɛ avwuna igbɛɛ-woshi-ni-bɛ-iyebi-na-akpakwụ-a-ta (45,000), uholo tuba ụ shɛ avwuna igbɛɛ-itɛ-na-akpakwụ-a-ta (11,000), ma tuta ti jirimi shi ya o, tɛ shɛ iwɛ maa atwa ata hwɛɛ njɛ uhwara. E eri a nama apata, a na nda uhwara na tuba, ụshɛpwụ wa aba ụ shɛ wa nama na ashashɛ tuba dongo.

¹⁶Ụ shɛ wa nangwụ tụ ụnjɛswa tu uholo, tu ụzalụ tuzuba, tụ ụzalụ tuta, tu uwaŋna-banụ, tu uwaŋna-twonuo, tɛ shɛ ta sha avwuna igbɛɛ-ineshi-na-akpakwụ-a-ta (9,000), tụ ụnjɛswa tu uholo.

¹⁷Ga cɛnjɛ ta tiyaga tu nama iwɛ ụshɛpwụ ata. Avwuna tuba a shɛ a sha akpakwụ-eyebi-ni-dipi-yebi (500) tụ ụzalụ tuzuba, tụ ụzalụ tuta, tu uwaŋna-banụ tu uwaŋna-twonuo tutu rungwutwonu ụshɛpwụ ata.

¹⁸Cɛnjɛ ta ata tụ vwɛ tuta to ohwolu ata tijilo, te ebi henici ụshɛwpụ ata, tu gata ụnjɛswa tuba ụ shɛ avwuna igbɛɛ-woshi (40,000), uholo tuba ụ shɛ avwuna igbɛɛ-woshi, ti geri bu uwaŋna-banụ, tuba atwa na jɛjɛ nụ ụshɛpwụ ata zhɛ na hwaŋ ntuma maa iyimɛyɛ nama.

¹⁹Bụtụ be elele na namɛ nụ ụshɛpwụ ata, ụlamụ we elele baa shɛ, tuba bɛɛ zhɛ na hwaŋ.

²⁰Cɛnjɛ ta ata tu namɛ na ashashɛ ata hwɛɛ tu nangwụ uholo tu ụnjɛswa, tɛ shɛ avwuna igbɛɛ-woshi-ni-bɛ-iyebi (44,000), tu ụnjɛswa tu uholo. A 'imɛ ta ma tu ụshɛpwụ ata wa atwa ata jɛjɛ hwɛɛ.

²¹Cɛnjɛ ta ata oo mo ohwolu tijilo umwono wa Agwatana, ti geri bu uwaŋna-banụ ti geri bu uwaŋna-twonuo, ta cɛnjɛ to onongbo, ta ma tu ta Alivai hwɛɛ, tụ ụshɛpwụ ata. Cɛnjɛ te elele tu vwɛ ya, tɛ shɛ ma tu ta agwuma na ta patanɛ na tugwama. Ụnjɛswa tuba ụ shɛ avwuna igbɛɛ-woshi-ni-bɛ-iyebi (44,000).

²²Cɛnjɛ ta Alivai, na cɛnjɛ tụ ụshɛpwụ ata, tɛ shɛ ta nama na ashashɛ ukpogwu cɛnjɛ ta agwuma. Ukpogwu cɛnjɛ ta agwuma ụ shɛ wa nama na ashashɛ tugwungwu tu Juda no tugwungwu tu Bɛnjamin.

²³Yaa shɛ inɛ alamụ na vwɛ: gɛ Bɛnjamin zhɛ ba lashɛga ma tu bwa, te kwune nu uwaŋna-banụ uuwa i ci uwaŋna-twonuo.

²⁴Ge Simion zhɛ ba lashɛga ma tu bwa, te kwune nu uwaŋna-banụ uuwa i ci uwaŋna-twonuo, ubwa 'yajɛ tugwungwu nɛ Bɛnjamin.

²⁵Ge Isaka zhɛ ba lashɛga ma tu bwa, te kwune nu uwaŋna-banụ uuwa i ci uwaŋna-twonuo, ubwa 'yajɛ tugwungwu ne Simion.

²⁶Gɛ Zɛbulon zhɛ ba lashɛga ma tu bwa, te kwune nu uwaŋna-banụ uuwa i ci uwaŋna-twonuo, ubwa 'yajɛ tugwungwu ne Isaka.

²⁷Ga Gad zhɛ ba lashɛga ma tu bwa, te kwune nu uwaŋna-banụ uuwa i ci uwaŋna-twonuo, ubwa 'yajɛ tugwungwu nɛ Zɛbulon.

²⁸Tugwungwu ta cɛnjɛ tu na ee peni ụlamụ Gad tu kwune nu Tama, na bụ'aŋbụ bu tuta geri bu uwaŋna-twonuo uuwa i ci uwapa Kadɛsh, keeni bụ'aŋbụ bu tuzuba geri bu uwaŋna-twonuo na namɛ no tugwungwu ti Ijipti ni Itekwu ɛtɛ I'wɛtwɛ.

²⁹Nazhɛ AGWANGWAMA Mokondo hiɛŋ, Gana aa shɛ o dwotwogonu cɛnjɛ orubwo orubwo ta, iwɛ maa alamụ atwa Isrɛl 'yaga.

³⁰Gana shidubo shɛ ụshɛpwụ ata ụ'wụtụ shi zhɛ sha sha na: shi kwuni tuzuba, ụnjɛswa bimenji bụ ụzalụ tuzuba bɛ shɛ avwuna igbɛɛ-ineshi-na-akpakwụ-a-ta (9,000),

³¹e petengeni shidubo sha ata nzeci ma alamụ Isrɛl. Shidubo shɛ tatụ shɛ na shɛ namɛ tuzuba shi zhɛ sha sha odubo Rubɛn, no odubo Juda, na a na Alivai.

³²Shidubo shɛ tatụ shɛ namɛ geri bu uwaŋna-banụ, ụnjɛswa bimenji bụ ụzalụ bu uwaŋna-banụ bɛ shɛ avwuna igbɛɛ-ineshi-na-akpakwụ-a-ta (9,000), odubo oko shɛ a na Josɛf, odubo oko shɛ a na Bɛnjamin, ono oko shɛ a na Dan.

³³Shidubo shɛ tatụ shɛ namɛ geri bu tuta, ụnjɛswa bimenji bụ ụzalụ tuta bɛ shɛ avwuna igbɛɛ-ineshi-na-akpakwụ-a-ta (9,000) odubo oko shɛ a na Simion, odubo oko shɛ a na Isaka keeni odubo Zɛbulon.

³⁴Shidubo shɛ tatụ shɛ namɛ geri bu uwaŋna-twonuo, ụnjɛsma bimenji bu uwaŋna-twonuo bɛ shɛ avwuna igbɛɛ-ineshi-na-akpakwụ-a-ta (9,000), odubo oko shɛ a na Gad, odubo oko shɛ a na Ashɛ, keeni odubo Naftali.

³⁵Ụnjɛswa uba na rungwutwonu ụshɛpwụ ata ụ'wụtụ hwɛɛ ba esugwulumi ata eneshi ụ shɛ avwuna igbɛɛ-umpwa-ni-bɛ-tindɛtu (36,000). Te kwuni na aka ga izeci ụshɛpwụ ata zhɛ ya sha, AGWANGWAMA-NAMBA-APATA!