Read bassa TƐRƐCƐ 26 Bible Online

TƐRƐCƐ 26 - bassa bible

TƐRƐCƐ 26

¹Na aba na te tishikpe ta ata tu hwuwowu, nazhɛ AGWANGWAMA hiɛŋ Moses keeni Ɛleaza yɛu Aron na shɛ bunongbo,

²Rɛta ma atwa amwamwa E'isrɛl hwɛɛ, te kwune na atwa na shiywa sha aba shi tuwo woshi kwo kaa uhwuri te e meci aŋ. Aba shɛ etwenyi na eri o tono maa a njɛ ujasa.

³Go Moses keeni Ɛleaza bunongbo jɛmɛ n-ndumwa na aba nu udadarɛ ata Moab nụ ụpalanụ Urefu Jodan ne eririri Jeriko, ɛɛ hiɛŋ aŋ,

⁴Rɛta ma atwa Isrɛl, te kwune na atwa na shiywa sha aba shi tuwo woshi kwo kaa uhwuri te e meci aŋ, gana na ta AGWANGWAMA peni Moses unu. Aba shɛ etwenyi Isrɛl a na banɛ ni Ijipti.

⁵Nụ ụlamụ Rubɛn, na shɛ yɛu-ye-eyi ihiiŋ nɛ ge Isrɛl meci: Atwa umwamwa Hanok, nu una Palu,

⁶nu una Hɛzron, nu una Kami.

⁷Atwa ga aba shɛ atwa umwamwa Rubɛn. Ufwugwo wa atwa amwamwa ga hwɛɛ namɛ igbɛɛ-woshi-nu-boo-ko-na-akpakwụ-atụndatụ-ni-dipi-yebi-nu-ta-alacɛ (43,730).

⁸Miaụŋ-me-eyi mu Palu mɛ shɛ ga Ɛliab,

⁹miaụŋ-me-eyi mi Ɛliab mɛ shɛ, gɛ Nɛmuɛl, na Datan keeni Abiram. Ata Datan na Abiram ga, aba la shɛ atwa ata tu'ulwatagwụ ti Isrɛl hwɛɛ ti teri maa a shɛ atwa na 'yajɛ shihwolu, aba kaa teni Moses keeni Aron tigezhe aa 'wa Kora ata teni AGWANGWAMA tigezhe.

¹⁰Ibɛ po cɛnjɛ tɛ kapɛshɛngwa tee tweri aŋ, ee 'wi, tu go Kora keeni atwa na ga 'wa bụ, aka na tu ulwa hwoŋzhinji atwa kpakwụ-nu-dupu (250); ibɛ po inɛ ɛtɛ shanɛ aŋ useyida unu-tɛtɛtagana.

¹¹Ama miaụŋ-me-eyi mu Kora tuba mu 'wi shi o.

¹²Nụ ụlamụ Simion: Atwa umwamwa Nɛmuɛl, nu una Jemin, nu una Jekin,

¹³nu una Zera, nu una Shaul.

¹⁴Atwa ga aba shɛ atwa umwamwa Simion. Ufwugwo wa atwa amwamwa ga hwɛɛ namɛ igbɛɛ-umpwa-nu-boo-ko-nu-kpakwụ (22,200).

¹⁵Nụ ụlamụ Gad: atwa umwamwa Zɛfon, nu una Hagi, nu una Shuni;

¹⁶nu una Ozni, nu una Iri,

¹⁷nu una Arod, nu una Arɛli,

¹⁸Atwa ga aba shɛ atwa umwamwa Gad. Ufwugwo wa atwa amwamwa ga hwɛɛ namɛ igbɛɛ-woshi-na-akpakwụ-eyebi-ni-dipi-yebi (40,500).

¹⁹Nụ ụlamụ Juda: Miaụŋ-me-eyi mu Juda mi yebi ge Iri, keeni Onan mu 'wi la na cɛnjɛ ti Kenan.

²⁰Atwa na shɛ ya ajalalo umwamwa Juda na: atwa umwamwa Shɛla, nu una Pɛrɛz, nu una Zera,

²¹nu una Hɛzron keeni una Hɛmul.

²²Atwa ga aba shɛ atwa umwamwa Juda. Ufwugwo wa atwa amwamwa ga hwɛɛ namɛ igbɛɛ-talacɛ-ni-bɛ-tindɛtu-na-akpakwụ-eyebi-ni-dipi-yebi (76,500).

²³Nụ ụlamụ Isaka: atwa umwamwa Tola, nu una Puva,

²⁴nu una Jashub, nu una Shimron.

²⁵Atwa ga aba shɛ atwa umwamwa Isaka. Ufwugwo wa atwa amwamwa ga hwɛɛ namɛ igbɛɛ-talacɛ-ni-bɛ-yebi-nu-kpakwụ-ni-dipi-yebi (64,300).

²⁶Nụ ụlamụ Zɛbulon: atwa umwamwa Sɛrɛd, nu una Ɛlon, nu una Jaliɛl.

²⁷Atwa ga aba shɛ atwa umwamwa Zɛbulon. Ufwugwo wa atwa amwamwa ga hwɛɛ namɛ gbɛɛ-talacɛ-na—akpakwụ-eyebi-ni-dipi-yebi (60,500).

²⁸Nụ ụlamụ Josɛf na meci miaụŋ-me-eyi mi yebi, ga Manasɛ keeni Ifrem.

²⁹Nụ ụlamụ Manasɛ keeni una Ifrem, atwa umwamwa Maki, ga Maki meci Giliad.

³⁰Atwa ga aba shɛ atwa umwamwa Giliad; ge Iyɛzɛ, nɛ Hɛlɛk,

³¹nu umwamwa Asriɛl, nu una Shɛkɛm,

³²nu una Shɛmida, nu una Hɛfɛ,

³³Ama ga Zɛlofɛhad na shɛ yɛu-ye-eyi Hɛfɛ zasa miaụŋ-me-eyi o, semi mu na mo o kiri bee meci. Nzeci mu miaụŋ-mo-o mu Zɛlofɛhad na: Ga Mala, na Noa, no Hogla, ne Milka keeni Tiza.

³⁴Atwa ga aba shɛ atwa umwamwa Manasɛ. Ufwugwo wa atwa amwamwa ga hwɛɛ namɛ igbɛɛ-woshi-ni-bɛ-cihiŋ-na-akpakwụ-atatụ-ni-dipi-yebi (52,700).

³⁵Atwa ga aba shɛ atwa umwamwa Ifrem: atwa umwamwa Shutɛla, nu una Bɛkɛ, nu una Tahan.

³⁶Umwamwa Ɛran aba shɛ ajalalo Shutɛla.

³⁷Atwa ga aba shɛ atwa umwamwa Ifrem. Ufwugwo wa atwa amwamwa ga hwɛɛ namɛ igbɛɛ-umpwa-ni-bɛ-cihiŋ-na-akpakwụ-eyebi-ni-dipi-yebi (32,500). Amwamwa ata aba shɛ ajalalo Josɛf.

³⁸Nụ ụlamụ Bɛnjamin: atwa umwamwa Bɛla, nu una Ashbɛl, nu una Ahiram,

³⁹nu una Shɛfufam, keeni una Hufam.

⁴⁰Atwa umwamwa Adi keeni una Naman, aba shɛ ajalalo Bɛla.

⁴¹Atwa ga aba shɛ atwa umwamwa Bɛnjamin. Ufwugwo wa atwa amwamwa ga hwɛɛ namɛ igbɛɛ-woshi-ni-bɛ-yebi-na-akpakwụ-atụndatụ (45,600).

⁴²Nụ ụlamụ Dan: atwa umwamwa Shuham.

⁴³Atwa ga aba shɛ atwa umwamwa Dan. Ufwugwo wa atwa amwamwa ga hwɛɛ namɛ igbɛɛ-talacɛ-ni-bɛ-yebi-na-akpakwụ-eyebi (64,400).

⁴⁴Nụ ụlamụ Ashɛ; Atwa amwamwa Imna, nu una Ishvi, nu una Bɛria.

⁴⁵Atwa umwamwa Hɛbɛ nu una Malkiɛl, aba shɛ ajalalo Bɛria.

⁴⁶Ga Ashɛ meci yɛu-yo-o ike nɛ ɛɛ hiɛŋ ge Sera.

⁴⁷Atwa ga aba shɛ atwa umwamwa Ashɛ. Ufwugwo wa atwa amwamwa ga hwɛɛ namɛ igbɛɛ-woshi-ni-bɛ-cihiŋ-na-akpakwụ-e-cenje (53,400).

⁴⁸Nụ ụlamụ Naftali: atwa umwamwa Jaziɛl, nu una Guni,

⁴⁹nu una Jɛzɛ, nu una Shilɛm.

⁵⁰Atwa ga aba shɛ atwa umwamwa Naftali. Ufwugwo wa atwa amwamwa ga hwɛɛ namɛ igbɛɛ-woshi-ni-bɛ-yebi-na-akpakwụ-ecenje (45,400).

⁵¹Ufwugwo we etwenyi Isrɛl a na aa rɛcɛ hwɛ hwɛɛ namɛ igbɛɛ-akpakwụ-talacɛ-na-akpakwụ-atụndatụ-ni-dipi-yebi-nu-talacɛ (601,730).

⁵²Nazhɛ AGWANGWAMA hiɛŋ Moses,

⁵³'Waŋ ma icɛcɛ maa hi dwotwogonu azajɛ, nu gana na tu ufwugwo nzeci ma aba namɛ.

⁵⁴Ge peni ụlamụ na gembi uzajɛ na gembi, pana ma ụlamụ na gwumwa uzajɛ na gwumwa du. Ge peni ụlamụ we elele uzajɛ wa aba gana na tu ufwugwo wa aba namɛ.

⁵⁵Hiɛ shɛ hio dwotwogonu azajɛ ata nu gana na tu nzeci ma alamụ eshi aba namɛ.

⁵⁶Gana na ta atwa yɛ icɛcɛ, ibɛ ɛhi zhɛ hio dwotwogonu aŋ azajɛ ata, ibɛ shɛ na ashashɛ atwa na gembi ufwugwo na atwa na gwumwa ufwugwo.

⁵⁷Ụlamụ wa Alivai gana na ta amwamwa aba namanjɛ na: atwa umwamwa Gɛshon, nu una Kohat, nu una Mɛrari.

⁵⁸Atwa ga du shaananɛ amwamwa Alivai: aba shɛ umwamwa Libni, nu una Hibron, nu una Mali, nu una Mushi, nu una Kora. Go Kohat, ubwa shɛ bishi Amram.

⁵⁹Ɛ hiɛŋ izeci biyikwo Amram go Jokɛbɛd yɛu-yo-o Livai na aa macɛ ni Ijipti. Ga Amram, ubwa meci Aron, no Moses keeni bụngwụfwụ ba aba ge Miriam.

⁶⁰Miaụŋ mu na ga Aron meci na: ga Nadab, na Abihu, ne Ɛleaza keeni Itama.

⁶¹Ama ga Nadab na Abihu 'wi, aka na ta a shananɛ AGWANGWAMA ulwa na shɛ shɛ una tijilo.

⁶²Miaụŋ-me-eyi ma Alivai mu na aa rɛcɛ te kwune na atwa na ci upiana uko kwo kaa uhwuri ya te e meci aŋ. Ufwugwo wa aba hwɛɛ namɛ igbɛɛ-umpwa-nu-boo-ko-na-akpakwụ-a-ta (23,000), iwɛnɛ ta a rɛcɛ shɛ aŋ na ashashɛ atwa Isrɛl, e peni shi aŋ du kaa azajɛ na ashashɛ atwa Isrɛl vwɛ o.

⁶³Go Moses ne Ɛleaza bunongbo, aba rɛcɛ amwamwa atwa ga Isrɛl hwɛɛ nu udadarɛ Moab nụ ụpalanụ Urefu Jodan ne eririri Jɛriko.

⁶⁴I zasa bụtụ okwo bu ko na amɛ atwa ga namba la na ashashɛ atwa Isrɛl na go Moses na Aron rɛcɛ la hiiŋ nụ Ụshɛka Sainai o.

⁶⁵Iwɛnɛ po AGWANGWAMA jɛmɛ iwɛ na atwa Isrɛl maa ɛ zhɛ o 'wo nụ ụshɛka ata tilɛɛ. I zasa ga kaa bụtụ aba okwo bu ko vwɛ na 'wi shi o, semi ga Kalɛb yɛu Jifune keeni Joshua yɛu Nụn kiri.