Read bassa TƐRƐCƐ 33 Bible Online

TƐRƐCƐ 33 - bassa bible

TƐRƐCƐ 33

¹Edingbe tahaŋnụ tu na unyama wa atwa Isrɛl zhe ta a banɛ ni Ijipti tedure na ti'yagaga tu Moses keeni Aron a na shɛ ehwurembe aba na:

²Go Moses 'nyeci edingbe ofwo na ee zhegeji na tahaŋnụ ta aba nu umama 'wanụ, nu gana na ta AGWANGWAMA peni bu unu.

³Atwa Isrɛl banɛ nu Ramesis na shɛ cɛnjɛ ti Ijipti nụ ụjita umpwa-ni-bɛ-itɛ nu upiana uhiiŋ ni iyi tuholo na ta a yɛ iyimɛyɛ tɛkashɛka ihiiŋ. Atwa Isrɛl banɛ na tụlasụ tụ 'wụtụ ne eshe atwa Ijipti kpaaŋ,

⁴na aka na ta atwa Ijipti o no miaụŋ ma aba me eyi mu umbe mu na AGWANGWAMA kwụnɛ. Tedure ni inɛ ɛtɛ ibɛ AGWANGWAMA peni tuwa ta aba ulwapɛ.

⁵Gabata atwa Isrɛl beni nu Ramesis, ee jwe ugba wa aba nu Sukot.

⁶Te e beni nu Sukot, ee jwe ugba wa aba ni Itam, na namɛ ni ipɛlu ụshɛka ata.

⁷Te e beni ni Itam, ee gwure ne ekwunyi ee zhe Pihahirot, na namɛ nu uwaŋna-banụ Balzɛfon, ee jwe ugba wa aba to dongonu Migdol.

⁸Te e beni nu Pihahirot, ee keshici itekwu ee teni nụ ụshɛka, ee zhe tahaŋnụ ijitɛ itɛtu na amɛ ụshɛka ata Itam, nazhɛ ee jwe ugba wa aba nu Mara.

⁹Te e beni nu Mara, ee ci Ilim. Ɛmɛzhinjɛ meni umpwa-na-ba-eyebi namba apata keeni iyi ike sụbɛ ishiwɛ, i namɛ dupu-nu-woshi (70). Ee jwe ugba wa aba apata.

¹⁰Te e beni ni Ilim, ee jwe ugba wa aba nụ ụpalanụ Itekwu Ishenje.

¹¹Te e beni nụ ụpalanụ Itekwu Ishenje, ee jwe ugba wa ba nụ Ụshɛka Sin.

¹²Te e beni nụ Ụshɛka Sin, ee jwe ugba wa aba nu Dofka.

¹³Te e beni nu Dofka, ee jwe ugba wa aba na Alush.

¹⁴Te e beni na Alush, ee jwe ugba wa aba ni Rɛfidim, no ofwo na meni mu zasaba maa atwa ata swe.

¹⁵Te e beni ni Rɛfidim, ee jwe ugba wa aba nụ Ụshɛka Sainai.

¹⁶Te e beni nụ Ụshɛka Sainai, ee jwe ugba wa aba ni Kibrot-hatava.

¹⁷Te e beni ni Kibrot-hatava, ee jwe ugba wa aba nu Hazɛrot.

¹⁸Te e beni nu Hazɛrot, ee jwe ugba wa aba ni Ritma.

¹⁹Te e beni ni Ritma, ee jwe ugba wa aba ni Rimon-pɛrɛz.

²⁰Te e beni ni Rimon-pɛrɛz, ee jwe ugba wa aba ni Libna.

²¹Te e beni ni Libna, ee jwe ugba wa aba ni Risa.

²²Te e beni ni Risa, ee jwe ugba wa aba ni Kɛhɛlata.

²³Te e beni ni Kɛhɛlata, ee jwe ugba wa aba ni Ishɛmɛ Shɛfɛ.

²⁴Te e beni ni Ishɛmɛ ɛtɛ Shɛfɛ, ee jwe ugba wa aba nu Harad.

²⁵Te e beni nu Harad, ee jwe ugba wa aba nu Makɛlot.

²⁶Te e beni nu Makɛlot, ee jwe ugba wa aba nu Tahat.

²⁷Te e beni nu Tahat, ee jwe ugba wa aba ni Tɛra.

²⁸Te e beni ni Tɛra, ee jwe ugba wa aba ni Mɛtka.

²⁹Te e beni ni Mɛtka, ee jwe ugba wa aba nu Hashmona.

³⁰Te e beni nu Hashmona, ee jwe ugba wa aba nu Mosɛrot.

³¹Te e beni nu Moshɛrot, ee jwe ugba wa aba ni Bɛnɛ-jakan.

³²Te e beni ni Bɛnɛ-jakan, ee jwe ugba wa aba nu Hagidgad.

³³Te e beni nu Hagidgad, ee jwe ugba wa aba nu Jotbata.

³⁴Te e beni nu Jotbata, ee jwe ugba wa aba na Abrona.

³⁵Te e beni na Abrona, ee jwe ugba wa aba nɛ Ɛzion-gɛbɛ.

³⁶Te e beni nɛ Ɛzion-gɛbɛ, ee jwe ugba wa aba nụ Ụshɛka Zin, (ubwa gatata shɛ Kadɛsh).

³⁷Te e beni nụ Ụshɛka Zin, ee jwe ugba wa aba ni Ishɛmɛ Ho, nɛ namɛ nu ukwunanga cɛnjɛ ti Idụm.

³⁸Nazhɛ ga Aron bunongbo ata munji Ishɛmɛ Ho, nu gana na ta AGWANGWAMA peni bu la unu, bee 'wi apata; nụ ụjita uhiiŋ nu upiana utana,[24] nu uywa buhanda, na ta atwa Isrɛl banɛ ni Ijipti.

³⁹Ga Aron namɛ shiywa dipi-yebi-nu-woshi-na-shɛba-shɛ-tatụ (123) te e meci bu, nazhɛ bee 'wi ni Ishɛmɛ ɛtɛ Ho.

⁴⁰Nazhɛ bụtụ bi Kenan, bu ko na shɛ agwuma Arad, na jɛjɛ tuta ta cɛnjɛ ti Kenan, hwụjɛ maa atwa Isrɛl e ci ba.

⁴¹Te e beni ni Ishɛmɛ Ho, ee jwe ugba wa aba nu Zalmona.

⁴²Te e beni nu Zalmona, ee jwe ugba wa aba nu Punon.

⁴³Te e beni nu Punon, ee jwe ugba wa aba nu Obot.

⁴⁴Te e beni nu Obot, ee jwe ugba wa aba no tuhwuŋzwotongwu ta Abarim, no tugwungwu tu Moab.

⁴⁵Te e beni no tuhwuŋzwotongwu ta Abarim, ee jwe ugba wa aba ni Dibon-gad.

⁴⁶Te e beni ni Dibon-gad, ee jwe ugba wa aba na Almon-diblataim.

⁴⁷Te e beni na Almon-diblataim, ee jwe ugba wa aba nu nshama mu Abarim mu na mu dongonu Ishɛmɛ Nɛbo.

⁴⁸Te e beni nu nshama mu Abarim, ee jwe ugba wa aba nu udadarɛ Moab nụ ụpalanụ Jodan ne eririri Jɛriko.

⁴⁹E jwe ugba wa aba nụ ụpalanụ Urefu ata Jodan, te kwune ni Bɛt-jɛshimot tutu Abɛlshitim na namɛ na adadarɛ Moab.

⁵⁰Nazhɛ AGWANGWAMA mbishi Moses iwɛ na adadarɛ ata Moab nụ ụpalanụ Urefu ata Jodan, bɛɛ hiɛŋ,

⁵¹Mbiso atwa Isrɛl maa, Aka na ehi keshi Urefu Jodan, ehi teni cɛnjɛ ta atwa Kenan,

⁵²i shɛ tilɛɛ maa hi unzhi atwa na ga jɛjɛ na cɛnjɛ ta ata hwɛɛ. Nda ma ntatanuwaŋ ma aba ma atayɛ, na mu na mi i'wɛ'wɛ mu naa na ee shebi keeni mu naa na ee mengeni ufwu kpaaŋ keeni tikpekwu ta ata ta aba aa zha tɛzhɛba, hwuŋzotongo tu ma kpaaŋ.

⁵³Lashɛga ma cɛnjɛ ta ata maa hi 'yaga tụ maa hi gɛga na tuba, Gamba n hi peni tu maa hi 'yaga.

⁵⁴Ni icɛcɛ tu'waŋ ɛhi zhɛ hio dwotwogonu atwa amwamwa hiŋ cɛnjɛ ta ata. Pana ma ụlamụ na gembi cɛnjɛ tu na ti gembi du, ụlamụ na gwumwa, pana aŋ ma cɛnjɛ tu na tu gwumwa du nu gana na ta a yɛ icɛcɛ.

⁵⁵Ama yaa shɛ ehi unzhi shi atwa na jɛjɛ na cɛnjɛ ta ata, asha atwa ata ehi genji maa avwɛ, aba zhɛ ma hi shana hwuŋ gana tɛmbɛrɛ tu na ti zhɛ tu na hi sapaga ne eshe hiŋ keeni gana esepi na zhɛ na hi sapaga hwuŋ ni i'ɛŋbi hiŋ; ɛɛ zhɛ kaa na hi pana ụbaụta na cɛnjɛ ta ata.

⁵⁶(Yaa shɛ ehi unzhi shi aŋ,) asha ahiɛba Ngɛɛ zhɛ ma nda iyi nɛ Ngee nge heŋshi maa ma nda aŋ.