Read bassa ZƐKARIA 13 Bible Online

ZƐKARIA 13 - bassa bible

ZƐKARIA 13

¹AGWANGWAMA na Hwuri Kpaaŋ hiɛŋ, Aka ata ci hwuŋ, ɛ zhɛ a kapɛshɛnga umɛzhinjɛ iwɛ maa a njɛ ajalalo Devid keeni atwa na namɛ nu Jɛrusalɛm shɛshɛshɛ maa e beni ni iwɛwɛ ya aba, ta tụwụma ta aba.

²Gamba AGWANGWAMA na Hwuri Kpaaŋ, N hiɛŋ, Aka ata ci hwuŋ, N zhɛ ma bacɛnga nzeci ma tuwa maa kede e teyinje tu ya na cɛnjɛ ta ata kwukwuŋ. Ngɛɛ zhɛ du ma bacɛnga sasana egesere keeni ukwulana tuwa tɛzhɛba keeni mpiala mu na mu zasa shɛshɛshɛ.

³Yaa shɛ kaa bụtụ be elele banananɛ maa duma tigesere, bishi bwa no bino bwa na meci bu zhɛ hiɛŋ bụ, Ga a bụ kwụnɛ iwɛnɛ ta aba dwa-ụzagwụ ni izeci ya AGWANGWAMA, nazhɛ bishi bwa no bino bwa na meci bu zhɛ a sapa bụ iyi ye pushe geri ye, iwɛnɛ tu baa jɛmɛ waa tigesere ta ata.

⁴Ezuye zhɛ a sha hwuŋ bigesere be elele na aka ata, iwɛ ozobu ubwa, na aka na baa jɛmɛ tigesere, iwɛnɛ tu baa zha shɛ bo urugono i'wɛŋnɛ i tigesere nɛ 'yajɛ tihiŋzhe maa halakaka atwa.

⁵Ama bi zhɛ bɛ hiɛŋ, N shɛ shɛ bigesere o, bufwashɛ Ngaa shɛ, iwɛnɛ po itimɛ ibɛ shɛ iyi mi[21] te kwune taa na aka na te e m meci.

⁶Yaa shɛ bụtụ be elele unseni bu, bɛɛ hiɛŋ, Andala imbe kwuŋ namɛ ni i'ɛlɛ bụụ?[22] Bi zhɛ bɛ hiɛŋ, Ni ihwɛ ye eyejilo mi ɛɛ n gwucinjɛ.

⁷AGWANGWAMA na Hwuri Kpaaŋ hiɛŋ, Oo gabụ utokwobi, zhinjɛ maa sukakanɛ bi'iywa-ba-agwụdụ, maa sukakanɛ bụtụ ata gwumwongonu ne mi. Pa bi'iywa-ba-agwụdụ iyi maa agwụdụ garatagwụ. N zhɛ mɛ jishirijɛ u'ala maa ma sukakana oywoywo.

⁸AGWANGWAMA hiɛŋ, Ɛ zhɛ a kwụna orubwo eyebi, ɛɛ zhɛ a ganga urubwo uko na amɛ cɛnjɛ tu ga hwɛɛ.

⁹N zhɛ ma manga urubwo ata utatụ nu ulwa, N zhɛ ma nyashɛnga aŋ, gana na bụtụ ba nyashɛnga azhɛnarɛya, N zhɛ ma manga aŋ gana na aa manga azụrụfa nu ulwa. Ɛ zhɛ a suyana izeci mi na adua, nazhɛ Ngɛɛ zhɛ mɛ jishijɛ aŋ. N zhɛ mɛ hiɛŋ aŋ, Ahiɛba hiɛ shɛ atwa mi, ɛɛ zhɛ ɛ hiɛŋ, AGWANGWAMA ubwa shɛ Agwatana tu.