Read bassa JOSHUA 19 Bible Online

JOSHUA 19 - bassa bible

JOSHUA 19

¹Cɛnjɛ ti yebi tu na ee hwoŋ-shi, tɛ shɛ iwɛ amwamwa ụlamụ Simion. Tugwungwu ta aba ti teni ashashɛ cɛnjɛ tu na ee peni ụlamụ Juda.

²Ashɛpwụ na cɛnjɛ ta aba ti imɛ na: Biɛ-shiba, (kwo kaa Shiba), nu Molada,

³nu Haza-shual, nu Bala, ni Izɛm,

⁴ni Iltolad, ni Bitul, nu Homa,

⁵ni Ziklag, ni Bɛt-makabot, nu Haza-susa,

⁶Bɛt-lɛbiot, keeni Sharuhɛn: a na ata namɛ ashɛpwụ umpwa-na-ba-atatụ, medenji ekpekpe aba.

⁷Ni Ɛn-rimon, ni Itɛ keeni Ashan: a na ata namɛ ashɛpwụ eneshi medenji ekpekpe aba;

⁸medenji ekpekpe elele na rungwutwonu ashɛpwụ ata a'wụtụ tutu i ci Bealat-biɛ, kwo kaa Rama nụ ụzalụ tuta. Ma tu ta tuba tɛ shɛ cɛnjɛ tu na amwamwa ụlamụ Simion 'yajɛ.

⁹Cɛnjɛ tu na ụlamụ Simion 'yajɛ tu banɛ no tugwungwu tụ ụlamụ Juda. Iwɛnɛ po cɛnjɛ tu uzajɛ na ụlamụ Juda 'yajɛ tu hwuleji aŋ, ibɛ po ụlamụ Simion gwushiji cɛnjɛ na ashashɛ cɛnjɛ ta aba.

¹⁰Cɛnjɛ tụ tatụ tu na ee hwoŋshi, tɛ shɛ iwɛ amwamwa ụlamụ Zɛbulon. Tugwungwu ta cɛnjɛ ta aba ti zhe tutu tee ce Serid.

¹¹Tugwungwu ta aba ti beni apata tee zhe Marial geri bu uwaŋna-twonuo, tee zhe tee kwume Dabɛshɛt, nazhɛ tee ce isese ɛtɛ namɛ geri bu uwaŋna-banụ bu Jokniam.

¹²Taa banɛ ni Serid tee hwuri tee ringeni na bụ'aŋbụ bi yebi geri bu uwaŋna-banụ tutu i ci tugwungwu ti Kislot-tabo. Too to tuhwulo tee zhe Dabɛrat, nazhɛ tee munji tee zhe Jafia.

¹³Tee beni apata too to tuhwulo geri bu uwaŋna-banụ tee zhe Gat-hɛfɛ, tutu i ci Ɛt-kazin, tee mwe ni Rimon, nazhɛ tee ringeni geri bi Nia.

¹⁴To tugwungwu ta aba ti beni apata tee ringengeni tuzuba tee zhe Hanaton, taa kwunanjɛ nu Ulomu Iftahɛl.

¹⁵Tɛɛ imɛ du Katat, nu Nahalal, ni Shimron, ni Idala keeni Bɛtlɛhɛm: a na ata shɛ ashɛpwụ umpwa-na-ba-eyebi, medenji ekpekpe aba.

¹⁶Ashɛpwụ ata medenji ekpekpe aba, aba shɛ cɛnjɛ ta amwamwa ụlamụ Zɛbulon.

¹⁷Cɛnjɛ ti neshi tu na ee hwoŋshi, tɛ shɛ iwɛ amwamwa ụlamụ Isaka.

¹⁸Tugwungwu ta cɛnjɛ ta aba ti imɛ Jɛzrɛl, ni Kɛsulot, nu Shunem,

¹⁹nu Hafaram, ni Shion, nu Anaharat,

²⁰nu Rabit, ni Kishion, ni Ibɛz,

²¹ni Rɛmɛt, ni Ɛn-ganim, ni Ɛn-hada, ni Bɛt-pazɛz.

²²Tugwungwu ta ata du ti zhe tee kwume Tabo, nu Shahazuma, keeni Bɛt-shɛmɛsh, taa kwunanjɛ nu Jodan, a na ata namɛ ashɛpwụ umpwa-na-ba-ecihiŋ, medenji ekpekpe aba.

²³Ashɛpwụ ata medenji ekpekpe aba, aba shɛ cɛnjɛ ta amwamwa ụlamụ Isaka.

²⁴Cɛnjɛ tu tana tu na ee hwoŋshi, tɛ shɛ iwɛ amwamwa ụlamụ Ashɛ.

²⁵Tugwungwu ta cɛnjɛ ta aba ti imɛ Hɛlkat, nu Hali, ni Bɛtɛn nu Akshaf,

²⁶nu Alamɛlɛk, na Amad, keeni Mishal, geri bu uwaŋna-twonuo. Tugwungwu ta aba ti zhe tee kwume Kamɛl keeni Shiho-libnat nụ ụzalụ tuzuba.

²⁷Nazhɛ taa vwụrɛ geri bu uwaŋna-banụ tee zhe Bɛt-degon, tee kwume Zɛbulon keeni ukpekpe Iftahɛl geri bu tuzuba, tee zhe tee ce Bɛt-ɛmɛk keeni Nɛiɛl, too to tuhwulo nụ ụzalụ tuzuba tee ce Kabul.

²⁸Tee hwuri tee zhe Ibron,[20] ni Rihob, nu Hamon, ni Kena, tutu Saidụn ata ụ'wụtụ.

²⁹Nazhɛ tugwungwu ta aba ti yinjɛ tee zhe Rama, tee kwume ụshɛpwụ ụ'wụtụ u Taya, unaa na ee kepi nu uba, tee ringeni tee zhe Hosa, tee mwe ni itekwu Mehalab keeni Akzib,

³⁰nu Uma, na Afɛk keeni Rihob: a na ata namɛ ashɛpwụ woshi-na-ba-eyebi medenji ekpekpe aba.

³¹Ashɛpwụ ata medenji ekpekpe aba; aba shɛ cɛnjɛ ta amwamwa ụlamụ Ashɛ.

³²Cɛnjɛ ti cihiŋ tu na ee hwoŋshi, tɛ shɛ iwɛ amwamwa ụlamụ Naftali.

³³Tugwungwu ta cɛnjɛ ta aba tu kwune ni Hilɛf Ukpekpeshi ata namɛ ni Zeananim, keeni Adami-nɛkɛb keeni Jabniɛl tutu i ci Lakum, taa kwunanjɛ nu Jodan.

³⁴Nazhɛ tugwungwu ta aba ti yinjɛ geri bu uwaŋna-twonuo tee zhe Aznot-tabo, tee mwe nu Hukok, tee zhe tee kwume tuzuba tu Zɛbulon keeni Ashɛ geri bu uwaŋna-twonuo keeni Juda geri bu uwaŋna-banụ Jodan.

³⁵Ashɛpwụ na ee kepi nu uba na: Zidim, ni Zɛ, nu Hamat, nu Rakat, ni Kinɛrɛt,

³⁶na Adama, nu Rama, nu Hazo,

³⁷ni Kɛdɛsh, ni Ɛdrɛi, ni Ɛn-hazo,

³⁸ni Yiron, ni Migdalɛl, nu Horɛm, ni Bɛt-anat, keeni Bɛt-shɛmɛsh: a na ata namɛ ashɛpwụ umpwa-na-ba-ecinjishi medenji ekpekpe aba.

³⁹Ashɛpwụ ata medenji ekpekpe aba, aba shɛ cɛnjɛ ta amwamwa ụlamụ Naftali.

⁴⁰Cɛnjɛ ti cenje tu na ee hwoŋshi, tɛ shɛ iwɛ amwamwa ụlamụ Dan.

⁴¹Tugwungwu ta cɛnjɛ ta aba ti imɛ, Zora, ni Ɛshtaol, ni Ir-shɛmɛsh,

⁴²ni Shealabin, na Aijalon, ni Itla,

⁴³ni Ilon, ni Timna, ni Ekron,

⁴⁴ni Ɛltekɛ, ni Gibɛton, ni Bealat,

⁴⁵ni Jehud, ni Bɛnɛbɛrak, nu Gatrimon,

⁴⁶ni Mɛjakon keeni Rakon medenji shɛngwuwa shɛ na shɛ ngbaracɛ geri bu Jopa.

⁴⁷Aka na to tugwungwu ta atwa Dan ti inanjɛ aŋ, ibɛ po ee munji ee zhe nụ ụshɛpwụ na ɛɛ hiɛŋ izeci ubwa Lɛshɛm; aa sukakanɛ uŋ nu ujasa, na aba na te e leshiji uŋ, aa kwụnɛ aŋ nu utokwobi. Nazhɛ aa jɛjɛ apata, ibɛ po ee sheyinji izeci ubwa, ɛɛ hiɛŋ uŋ ya Dan; gana na tɛ ɛɛ hiɛŋ izeci bishi ba aba.

⁴⁸Ashɛpwụ ga medenji ekpekpe aba, aba shɛ cɛnjɛ ta amwamwa ụlamụ Dan.

⁴⁹Aka na ta atwa Isrɛl hwuwi cɛnjɛ tudwotwogonu, nazhɛ ee peni Joshua yɛu Nụn cɛnjɛ tu bwa na ashashɛ aba.

⁵⁰E peni bu ụshɛpwụ ata ụ'wụtụ na ba lụpɛ gana na ta AGWANGWAMA pwonuo la unu ibɛ. Ụshɛpwụ ata, ubwa shɛ Timnat-sera na cɛnjɛ ti ishɛmɛ Ifrem. Ibɛ po bee meeneni ụshɛpwụ ata, baa jɛjɛ nu bwa.

⁵¹Cɛnjɛ tu gatata gɛ Ɛleaza bunongbo, no Joshua yɛu Nụn keeni ehiu amwamwa alamụ atwa Isrɛl hwoŋshi tedure ni icɛcɛ nɛ aa 'wɛŋ nu umbe AGWANGWAMA nu Shailo no odubo udulo tu'ulwatagwụ. Gana aa njɛ nazhɛ ee hwuwi cɛnjɛ ta ata tudwotwogonu ta.