Read berom Susumo 36 Bible Online

Susumo 36 - berom bible

Susumo 36

¹Hâ Esau, de ba to tang ɛ, à Ɛdɔm, a het ngan:

²Esau a ra wenêng beha betat yi e sevwêl Kanaan, hwak ba tang ɛ à Ada, hwêy Ɛlɔn WoHiti; gwining o ba tang ɛ à Oholibama de da mɛ à Ana ko da kunat mɛ à Zibɛyɔn, WoHivi;

³tanga Basemat, hwêy Ishmayɛl, de gwà mɛ à Nɛbayɔt.

⁴Ada a tɔ Elifas, Basemat a tɔ Rɛyuwɛl,

⁵ko Oholibama a tɔ Yewush, na Yalam tanga Kora. Mwa nèy nemo na sé nèy de behâ Ishmayɛl ba tɔs a yɛ e sevwêl Kanaan.

⁶E bama mo, Esau a jut beha mɛ, na besɔ mɛ, na behwóng mɛ, tanga mwa bemât lɔ mɛ, na mwa yas mɛ, tanga pyɛ̂ nedanerey mɛ mwa de a sɛ̀ e sevwêl Kanaan, ko a gas ɛ na gwà mɛ Yakɔp vɔk e vwel o hak.

⁷A hàla kwɔn o, yaga vwel o de yɛn a sé ɛ na sangal tanga gwà mɛ, ha tɔk jut ɛn mwa wɛt, yaga yas mɛn ya sé pyak sizɔng.

⁸Yaga ano, Esau, yɛ à Ɛdɔm, a sangal e vwêl bahwôl Seyir.

⁹Yére Esau, dâ bedâ BeƐdɔm, de ya sé sangal e vwêl bahwôl Seyir, a yet ngan:

¹⁰Bazâ nèy bewên Esau a vet, Elifas, de neng mɛ à Ada, ko Rɛyuwɛl de neng mɛ à Basemat.

¹¹Elifas a vɔk nèy netungun, nɛ à Teman, na Omar, na Zefo, na Gatam tanga Kenas.

¹²Elifas a vɔk jɛn-hwā, reza mɛ à Timna. A tɔ a yɛ hwey, rezâ hɛ à Amalɛk. Yɛn à yére Ada, hwâ Esau.

¹³Rɛyuwɛl, de neng mɛ à Basemat, a vɔk nèy nenaas, nɛ à Nahat, na Zɛra, na Shama tanga Miza. Yɛn vɛ à yére Basemat, hwâ Esau.

¹⁴Oholibama, hwâ Esau, hwêy Ana de da mɛ a Nɛbayɔt, a tɔ a Esau nèy netat, nɛ à Yewush, na Yalam tanga Kora.

¹⁵Vemo ba sé bedanelɔ yére Esau. Elifas, hwêy mɛsɛng mɛ, yɛ wɛ à dâ rùhup Teman, na Omar, na Zefo, na Kenas,

¹⁶na Kora, na Gatam tanga Amalɛk. Yɛn vɛ à bedanelɔ vê Elifas de ba sangal e vwêl Ɛdɔm, yɛn vɛ à nèy nèy Ada, hwâ Esau.

¹⁷Rɛyuwɛl, hwêy Esau, yɛ wɛ à dâ rùhup Nahat, na Zɛra, na Shama tanga Miza. Yɛn vɛ, à bedanelɔ vê Rɛyuwɛl de ba sangal e vwêl Ɛdɔm, yɛn vɛ à nèy nèy Basemat, hwâ Esau.

¹⁸Ko vemo ba sé nedanelɔ Esau yi na hwā mɛ Oholibama: yɛn vɛ, a Yewush, na Yalam tanga Kora. Yɛn vɛ a bedanelɔ vê Oholibama, hwâ Esau, de neng mɛ à Ana.

¹⁹Vemo yɛn vɛ à nèy Esau, yɛ à Ɛdɔm. Ko ba to sé bedanelɔ rùhup mɛ.

²⁰Bemat de ba kana sé sangal e vwêl Ɛdɔm, yɛn à yerê Seyir WoHori. Nèy mɛ, nɛ à Lotan, na Shobal, na Zibɛyɔn, na Ana, na Dishɔn, na Ɛzɛr tanga Dishan. Yɛn vɛ a bedanelɔ rùhûp BeHori.

²²Nèy Lotan, nɛ à Hori tanga Heman, ko gwà Lotan hwong o reza mɛ a Timna.

²³Nèy Shobal nɛ à Alvan, na Manahat, na Ɛbal, na Shefo tanga Onam.

²⁴Nèy bewên Zibɛyɔn, nɛ à Aya tanga Ana. (Yɛ Ana de a ye puu e ra lwêl nshi e hey de gwo nunus na nshi nepep, jeng de a sé e de gyêng bemadûng da mɛ Zibɛyɔn.)

²⁵Nèy Ana, nɛ à Dishɔn tanga hwey hwong o de reza mɛ à Oholibama.

²⁶Nèy Dishɔn nɛ à Hemdan, na Ɛshban, na Yitran tanga Keran.

²⁷Nèy Ɛzɛr nɛ à Bilhan, na Zaavan tanga Akan.

²⁸Ko nèy Dishan nɛ à Us tanga Aran.

²⁹Yɛn vemo ba sé bedanelɔ rùhup ve BeHori, Lotan, na Shobal, na Zibɛyɔn, na Ana,

³⁰na Dishɔn, na Ɛzɛr tanga Dishan. Yɛn vɛ a bedanelɔ rùhup e nekwɔn sangal mɛn e vwêl Seyir.

³¹Vemo vɛ a bazâ begwɔ̀m de ba re negwɔm e sevwêl Ɛdɔm gyam be rɔngɔl nà sɛ̀ gwɔ̀m e sevwêl Israyɛl:

³²Bela Beyor, repomo mɛ à Dinhaba.

³³Ko jeng de a ku, Yobap Zɛra yi e Bɔsra, a re negwɔm o.

³⁴Jeng de a ku, Husham wo sevwêl BeTeman a re negwɔm o.

³⁵Jeng de a ku, Hadat Bedat, de a re BeMidyan na como e ji sevwêl Mowap, a re negwɔm o; repomo mɛ a Avit.

³⁶Jeng de a ku, Samla yi e Masreka a re negwɔm o.

³⁷Jeng de a ku, Saul yi e Rɛhɔbɔt de ha vɔk gwɔrɔt a re negwɔm o.

³⁸Jeng de a ku, Baal-Hanan Akpor, a re negwɔm o.

³⁹Ko jeng de a ku, Hadar a re negwɔm o; rezâ repomo mɛ a Pawu, ko hwā mɛ à Mɛhɛtabɛl Matrɛt Me-Zahap.

⁴⁰Vemo ba sé bedanelɔ rùhup yére Esau: Timna, na Alva, na Yɛtɛt, na Oholibama, na Ɛla, na Pinon, na Kenas, na Teman, na Mipsar, na Magdiyɛl tanga Iram. Kagwɛ ruhup na belɔ̂ gwɛ gwa vɔk nekwɔn sangal mɛn e vwêl Ɛdɔm. Esau a sé dâ bedâ BeƐdɔm mwa.