Read berom Susumo 5 Bible Online

Susumo 5 - berom bible

Susumo 5

¹E jeng de Dagwi a yong mwasi a yong ɛ sede yɛ. A yong ɛn rwas na hwā. A tɛ̀ a yɛn nerat, ko a vo a yɛn rezâ Mwasi. Ngyɛrɛ̂ bazâ yerê mwasi wo mɛsɛng, yɛ̀ Adam, a het ngan:

³Jeng de Adam a wul neshey naga na kuru batat (130) a vɔk hwey sede yɛ, a vo a hɛ rezâ Shɛt.

⁴E bama mo, Adam a ros neshey naga rwit (800); a vɔk nèy nehak bewen na behwong.

⁵Mwa neshey Adam na sé neshey naga shabetat na kuru batat (930), a ku.

⁶Jeng de Shɛt a wul neshey naga na nɛ netungun (105), a tɔ Ɛnɔsh.

⁷E bama mo, Shɛt a ros neshey naga rwit na kuru shabatat na nɛ netaama (807), a vɔk nèy nehak bewen na behwong.

⁸Mwa neshey Shɛt na sé naga shabetat na kuru na nɛ neba (912), a ku.

⁹Jeng de Ɛnɔsh a wul neshey kuru shabatat (90), a tɔ Kɛnan.

¹⁰E bama mo, Ɛnɔsh a ros neshey naga rwit na kuru na nɛ netungun (815), a vɔk nèy nehak bewen na behwong.

¹¹Mwâ neshey Ɛnɔsh na sé naga shabetat na nɛ netungun (905), a ku.

¹²Jeng de Kɛnan a wul neshey kuru bataama (70), a tɔ Mahalalɛl.

¹³E bama mo, Kɛnan a ros neshey naga rwit na kuru banaas (840), a vɔk nèy nehak bewen na behwong.

¹⁴Mwa neshey Kɛnan na sé naga shabetat na kuru (910), a ku.

¹⁵Jeng de Mahalalɛl a wul neshey kuru batyiimin na nɛ netungun (65), a tɔ Yarɛt.

¹⁶E bama mo, Mahalalɛl a ros neshey naga rwit na kuru batat (830), a vɔk nèy nehak bewen na behwong.

¹⁷Mwa neshey Mahalalɛl na sé naga rwit na kuru shabatat na nɛ netungun (895), a ku.

¹⁸Jeng de Yarɛt a wul neshey naga na kuru batyiimin na nɛ neba (162), a tɔ Ɛnɔk.

¹⁹E bama mo, Yarɛt a ros neshey naga rwit (800), a vɔk nèy nehak bewen na behwong.

²⁰Mwa neshey Yarɛt na sé naga shabetat na kuru batyiimin na nɛ neba (962), a ku.

²¹Jeng de Ɛnɔk a wul neshey kuru batyiimin na nɛ netungun (65), a tɔ Mɛtusɛla.

²²E bama mo, a sè sangal e ji nesa na Dagwi neshey naga betat (300); a vɔk nèy nehak bewen na behwong.

²³Mwa neshey Ɛnɔk na sé naga betat na kuru batyiimin na nɛ netungun (365).

²⁴Ɛnɔk a sè sangal e ji nesa na Dagwi, ko ba to di ɛ wɛt, yaga Dagwi a ga jut ɛ.

²⁵Jeng de Mɛtusɛla a wul neshey naga na kuru rwit na nɛ netaama (187), a tɔ Lamɛk.

²⁶E bama mo, Mɛtusɛla a ros neshey naga betaama na kuru rwit na nɛ neba (782), a vɔk nèy nehak bewen na behwong.

²⁷Mwa neshey Mɛtusɛla na sé naga shabetat na kuru batyiimin na nɛ shanetat (969), a ku.

²⁸Jeng de Lamɛk a wul neshey naga na kuru rwit na nɛ neba (182), a tɔ hwey.

²⁹Ko a ye, “Yi e vwel de Dagwi Darwey a kana kyini, hwey hemo hê vey a wot na pɔngɔ yi e reyɔ̂m fwom mot mwa.” Yaga ano, a vo a hɛ rezâ Nowa.[14]

³⁰E bama mo, Lamɛk a ros neshey naga betungun na kuru shabatat na nɛ netungun (595), a vɔk nèy nehak bewen na behwong.

³¹Mwa neshey Lamɛk na sé naga betaama na kuru bataama na nɛ netaama (777), a ku.

³²Jeng de Nowa a wul neshey naga betungun (500), a vɔk nèy netat Shɛm, na Ham tanga Yafɛt.