Read berom 1 Neha-Raane 2 Bible Online

1 Neha-Raane 2 - berom bible

1 Neha-Raane 2

¹Nèy Israyɛl bewen o à Rubɛn, na Simɛyɔn, na Levi, na Yuda, na Isakar na Zɛbulun;

²na Dan, na Yɔsɛf, na Bɛnyamin, na Naftali, na Gat tanga Ashɛr.

³Nèy Yuda bewen o à Ɛr, na Oman tanga Shela. Yɛn betat, e hwā mɛ Batshuwa wo Kanaan de a tɔ ɛn. Hwey kinat mɛ, Ɛr a ra neves sizɔng e bayîs Dagwi Darwey, yaga ano a wey na yɛ.

⁴Gwel mɛ Tamar a vɔk a yɛ nèy neba bewen o, yɛn à Pɛrɛs na Zɛra, Yuda a vɔk nèy netungun bewen o.

⁵Nèy Pɛrɛs bewen o à Hɛzrɔn na Hamul,

⁶ko gwa mɛ Zɛra nèy mɛ bewen o betungun à Zimri, na Ɛtan, na Heman, na Kalkɔl, tanga Darda.

⁷Akan Karmi, hwak e ji yerê Zɛra á tɛ̀ gbɔng rezot re hwo e ra BeIsrayɛl yaga á vɔk pyɛ̂ jugu cak de ba ga kana tik yɛ jaram yaga Dagwi.

⁸Ɛtan a vɔk hwey hining de rezâ hɛ à Azarya.

⁹Nèy Hɛzrɔn bewen o à Yɛramɛɛl, na Ram na Kalɛp.

¹⁰Ngyɛrɛ̂ nelɔ negwɔm o yi e Ram vɔk e Yɛsɛ à hemo: Ram a tɔ Aminadap, Aminadap a tɔ Nashon de a sé mwât nuyêl BeYuda.

¹¹Nashon a tɔ Salmon, Salmon a tɔ Bowas.

¹²Bowas a tɔ Ɔbɛt, ko Ɔbɛt a tɔ Yɛsɛ.

¹³Yɛsɛ a tɔ nèy netaama bewen o. Hwêy negel mɛ à Ɛliyap, ko behak à Abinadap, na Shama,

¹⁴na Nɛtanɛl, na Radai,

¹⁵na Ozem tanga Davit.

¹⁶A vɔk behwong beba arɔng, yɛn à Zɛruya na Abigɛl. Nèy Zɛruya, hwông Yɛsɛ bewen o betat à Abishai, na Yowap tanga Asahɛl.

¹⁷Ko hwóng mɛ mo wòt, Abigɛl a ra weneng na Yɛtɛr, yerê Ishmayɛl, ko yɛn a vɔk hwey wen hining de ba tang ɛ à Amasa.

¹⁸Kalɛp, hwêy Hɛzrɔn a ra wenêng Azuba; yɛn a tɔ hwêy hwong de ba tang ɛ à Yɛriyɔt. Yɛn a to vɔk nèy netat bewen o, yɛn à Yɛshɛr, na Shɔbap, tanga Ardɔn.

¹⁹E bamâ rekû Azuba, Kalɛp a to ra wenêng Ɛfrat, ko yɛn a tɔ hwêy wen de ba tang ɛ à Hur.

²⁰Hur a tɔ Uri ko Uri a tɔ Bɛzalɛl.

²¹Jeng de neshey tɔ̂ Hɛzrɔn na wul kuru batyiimin, ko a ra wenêng hwông Makir, gwa Gileyat. Yɛn a tɔ hwey wen de ba tang ɛ à Sɛgup.

²²Sɛgup o a tɔ Yayir. Ko Yayir a re negwɔm bapomo kuru baba na vɛ betat (23) e yɛnɛ̂ vwêl Gileyat.

²³Ko begwɔ̀m Gɛshur tanga Aram ba re bapomo kuru batyiimin (60) e hwomo na como, ba pere wɔ̀ wuna ɛ nebapomô Yayir na Kenat tanga bapomô bagat na yɛn. Mwa bemat de ba sé sangal e hwomo ba sé yére Makir dâ Gileyat.

²⁴E bamâ rekû Hɛzrɔn, ko hwey mɛ Kalɛp a ra wenêng Ɛfrat kuma da mɛ. Yɛn a tɔ hwey wen de ba tang ɛ à Ashur, dâ Tekowa.

²⁵Yɛramɛɛl hwey negel Hɛzrɔn a tɔ nèy bewen o, yɛn a Ram, hwey kinat, na Buna, na Oren, na Ozem tanga Ahiya.

²⁶Nèy Ram à Maas, na Yamin tanga Ɛkɛr. Yɛramɛɛl a vɔk hwā mo hwak de ba tang ɛ à Atara. A tɔ hwêy wen hining na yɛ, ko ba tâng hɛ à Onam.

²⁷

²⁸Onam o a tɔ bewen beba, yɛn à Shamai na Yada, ko Shamai a tɔ bewen o beba arɔng, yɛn à Nadap na Abishur.

²⁹Abishur a ra wenêng Abihail, ko yɛn a tɔ bewen beba, yɛn à Ahbam na Mɔlit.

³⁰Nadap gwa Abishur o a tɔ bewen beba, yɛn à Sɛlɛt na Apayim, ko Sɛlɛt a ku sana sɛ̀ hwey.

³¹Apayim a tɔ Ishi, Ishi a tɔ Shɛshan, Shɛshan a tɔ Ahlai.

³²Yada gwa Shamai a tɔ bewen beba, yɛn à Yɛtɛr na Yɔnatan, ko Yɛtɛr a ku sana sɛ̀ hwey.

³³Yɔnatan a tɔ bewen beba; Pɛlɛt na Zaza. Mwa ngyɛrɛ̂ bemat vemo ba sé yére Yɛramɛɛl.

³⁴Shɛshan a vɔk hwey wen wɛt, sɛ̌ behwong zɔng. A vɔk sam wo Misra de ba tang ɛ à Yarha,

³⁵Shɛshan o a nɔng ɛ hwóng mɛ hwak e weneng. Yɛn a tɔ hwey wen de ba tang ɛ à Atai.

³⁶Atai a tɔ Natan, Natan a tɔ Zabat;

³⁷Zabat a tɔ Ɛflal, Ɛflal a tɔ Ɔbɛt,

³⁸Ɔbɛt a tɔ Yehu, Yehu a tɔ Azarya,

³⁹Azarya a tɔ Heles, Heles a tɔ Ɛlɛyasa,

⁴⁰Ɛlɛyasa a tɔ Sismai, Sismai a tɔ Shalum,

⁴¹Shalum a tɔ Yekamya, ko Yekamya a tɔ Ɛlishama.

⁴²Bazâ nèy Kalɛp, gwa Yɛramɛɛl à vemo: Mesha, hwey kinat a tɔ Zif, de a tɔ Maresha, de a tɔ Hɛbrɔn arɔng.

⁴³Hɛbrɔn a tɔ bewen benaas: Kora, na Tapuwa, na Rɛkɛm tanga Shema.

⁴⁴Shema a tɔ Raham, ko yɛ arɔng a tɔ Yɔrkɛyam. Rɛkɛm gwa Shema a tɔ Shamai.

⁴⁵Shamai a tɔ Mawon, ko yɛ arɔng a tɔ Bet-Zur.

⁴⁶Kalɛp a vɔk jɛn-hwā de ba tang ɛ à Ɛfa, ko yɛn a tɔ bewen betat: Haran, na Moza tanga Gazes, a gwɛ̌ mɛ e ra nèy o nere. Haran arɔng a tɔ hwey wen de ba tang ɛ à Gazes.

⁴⁷Mwat o hwak de ba tang ɛ à Yadai a tɔ Rɛgɛm, na Yɔtam, na Gɛshan, na Pɛlɛt, na Ɛfa tanga Shaaf.

⁴⁸Kalɛp o a to vɔk jɛn-hwā mo hwak de ba tang ɛ à Maaka, ko a tɔ a yɛ Shɛbɛr na Tirhana.

⁴⁹E bama mo a to vɔk nèy o nehak, yɛn à Shaaf dâ Madmana tanga gwa mɛ Sheva dâ Makbena na Gibeya. Ano arɔng, Kalɛp a vɔk hwêy hwong, ko a vo a yɛ reza Aksa.

⁵⁰Yerê Kalɛp à yemo. Hwêy negel mɛ na hwā mɛ Ɛfrat à Hur, ko Shobal, hwêy Hur a dâ Kiriyat-Yɛyarim.

⁵¹Hwêy Hur o hê neba à Salma dâ Bet-Lɛhɛm. Sɔ̄ mɛ wo netat à Harɛf dâ Bet-Gader.

⁵²Shɔbal dâ Kiriyat-Yɛyarim a sé dâ bemat Haroye tanga wo rebit bemat Mɛnuhɔt.

⁵³Yɛ á to sé dâ bemat rùhup de ba sé e Kiriyat-Yɛyarim o, rùhup BeItri, na BePuti, na BeShumati tanga BeMishrai. Ko bemat bapomô Zɔra na Ɛshtawɔl ba sé yi e yére yemo mo.

⁵⁴Salma dâ Bet-Lɛhɛm a sé dâ BeNɛtɔfat, na Atrot Bet Yowap na BeZɔri de ba sé bemat rùhup ba ve Manahat.

⁵⁵Rùhup bemat de ba tɔk jɛ́k tyɔng wɛt, vemo de ba sangal e repomô Yabɛs, à ve BeTira, na BeShimeya, tanga BeSuka. Yɛn a sé BeKeni de ba wuna weneng na BeRekap.