Read berom 1 Neha-Raane 24 Bible Online

1 Neha-Raane 24 - berom bible

1 Neha-Raane 24

¹Ba gas nèy Aharon bewen o bagyɛng vemo ngan: Aharon a tɔ nèy bewen benaas, yɛn à Nadap, na Abihu, na Ɛlɛyazar tanga Itamar.

²Nadap na Abihu ba tanga ku e ra da mɛn, ko yɛn a vɔk nèy wɛt. Yaga ano, Ɛlɛyazar na Itamar ba ra fwom bepiris.

³Gbɔng Gwɔ̀m Davit na Zadɔk yi e yere Ɛlɛyazar tanga Ahimɛlɛk yi e yere Itamar ba gas ɛn bagyɛng o tyɛng na jeng de ba tɛ̀ a yɛn yaga tom mɛn.

⁴A remo de ba vɔk begbɔng bemat e ji yerê Ɛlɛyazar ba dal vê yerê Itamar, ko ba gas ɛn ngan, bedanelɔ kuru na vɛ betyiimin yi e yere Ɛlɛyazar, ko bedanelɔ rwit yi e yere Itamar.

⁵Ba gas ɛn ano yi na masa sesek, yaga ba vɔk bemat fwôm bûk Dagwi na bemat fwôm Dagwi yi e yere Ɛlɛyazar na yerê Itamar mwa yɛ.

⁶Shemaya Nɛtanɛl WoLevi, mwat-jɛk, a jɛk baza mɛn e bayis gbɔng gwɔ̀m na bemat badu mɛ, na Zadɔk piris, na Ahimɛlɛk Abiyatar, na bemat nuyel yére bepiris tanga BeLevi. Ba jut lɔ hining yi e yere Ɛlɛyazar, ko ba jut lɔ hining yi e yere Itamar arɔng.

⁷Ngyɛrɛ̂ baza bagyɛng nelɔ kuru baba na vɛ benaas (24) de ba gas a yɛn tom à vemo: (1) Yɛhɔyarip; (2) Yɛdaya; (3) Harim; (4) Sɛyɔrim; (5) Malkiya; (6) Miyamin; (7) Hakɔs; (8) Abiya; (9) Yɛshuwa; (10) Shɛkaniya; (11) Ɛliyaship; (12) Yakim; (13) Hupa; (14) Yɛshɛbɛyap; (15) Bilga; (16) Imer; (17) Hɛzir; (18) Hapizɛs; (19) Pɛtahiya; (20) Yɛhɛzikɛl; (21) Yakim; (22) Gamul; (23) Delaya; (24) Maaziya.

¹⁹Vemo vɛ à tom de ba nɔng ɛn na yɛn a ragas e Gbɔng Duk Re Fongol Dagwi Darwey, tyɛng na redu de dâ beda mɛn Aharon a tɛ̀ a yɛn, sede remo de Dagwi Darwey, Dagwi Israyɛl a nɔng ɛ nu.

²⁰Bwang nèy Levi bewen a vemo: Yi e yere Amram à Shubayɛl. Yi e yerê Shubayɛl, à Yɛdaya.

²¹Yi e yerê Rɛhabya, Ishiya à kunat mɛn.

²²Yi e yerê Izhara, yɛ à Shɛlɔmɔt. Yi e yerê Shɛlɔmɔt à Yahat.

²³Yi e yerê Hɛbrɔn, yɛn à Yɛriya, yɛ à kunat mɛn, na Amariya, na Yahaziyɛl tanga Yɛkamɛyam e nemakuk mɛn.

²⁴Yi e yerê Uziyɛl à Mika. Yi e yerê Mika à Shamir.

²⁵Gwa Mika à Ishiya. Yi e yerê Ishiya à Zɛkarya.

²⁶Yi e yere Mɛrari a Mali na Mushi. Yi e yerê Yaaziya à Beno.

²⁷Yi e yerê Mɛrari wɔgɔ, yi e yerê Yaaziya à Beno, na Shoham, na Zakur tanga Ibri.

²⁸Yi e yerê Mali à Ɛlɛyazar de a vɔk nèy bewen wɛt.

²⁹Yi e yerê Kish, hwêy Kish o à Yɛramɛɛl.

³⁰Yi e yerê Mushi à Mali, na Ɛdɛr tanga Yɛrimɔt. Vemo vɛ à BeLevi yi e yére mɛn.

³¹Yɛn arɔng ba gas a yɛn tom ano na masâ sesek tyɛng sede remo de begwa mɛn yere Aharon ba ra, e bayis Gbɔng Gwɔ̀m Davit, na Zadɔk, na Ahimɛlɛk, na bedanelɔ bepiris tanga ve BeLevi. Yerê kunat mɛn ya masa sesek tyɛng na yerê tashal mɛn.