Read berom 1 Neha-Raane 27 Bible Online

1 Neha-Raane 27 - berom bible

1 Neha-Raane 27

¹Ngyɛrɛ̂ baza bemat nuyel BeIsrayɛl a vemo de ba sé bedanelɔ, na ve rùhup tanga ve bemat nuyel tom mɛn vemo de ba kyè na fwom e yɛnɛ negwɔm o. E ji kagwɛ pwɛl e shey, ba segsa bagyɛng o, ko karɛ regyɛng o ra vɔk bemat gu kuru baba na vɛ banaas (24,000) de be ra fwom e nɛ̂n dâ regyɛng wo pwɛl o.

²Bazâ bedâ bagyɛng ve kagwɛ pwɛl a vemo: Pwɛl gwô mɛsɛng: Yashobeyam Zabdiyɛl, a sé yi e ruhup Pɛrɛs gwo yerê Yuda. Pwɛl gwo neba: Dodai yerê Aholi, mwat de e raa hɛ à Miklɔt. Pwɛl gwo netat: Bɛnaya Yɛhɔyada piris. Yɛ a sé mwat nuyel besuga kuru batat (30). Hwey mɛ Amizabat ha sey ɛ́ e de fwom o. Pwɛl gwo naas: Asahɛl gwa Yowap. Hwey mɛ Zɛbadya ha sey ɛ́ e de fwom o. Pwɛl gwo netungun: Shamhut wo ruhup Izhar. Pwɛl gwo netyiimin: Ira Ikɛsh yi e Tekowa. Pwɛl gwo netaama: Heles, wo yere Ɛfrayim yi e Pɛlɔn. Pwɛl gwo rwit: Sibɛkai yi e Husha. A sé yi e ruhup Zɛra wo yerê Yuda. Pwɛl gwo shanetat: Abiyɛzɛr yi e Anatot e yɛnɛ vwel yere Bɛnyamin. Pwɛl gwo kuru: Maharai yi e Netofa. A sé yi e ruhup Zɛra. Pwɛl gwo kuru na gwɛ gwining: Benaya yi e Piratɔn e yɛnɛ vwel yerê Ɛfrayim. Pwɛl gwo kuru na vɛ ba: Hɛldai yi e Netofa. A sé yi e ruhup Ɔtniyɛl.

¹⁶Baza bemat de ba kyè na negwɔm yére Israyɛl à vemo: Yere mwat kyé na negwɔm Rubɛn à Ɛliyɛzɛr Zikri, wo Simɛyɔn à Shefatiya Maaka, wo Levi à Hashabiya Kɛmwɛl wo Aharon à Zadɔk, WoYuda à Ɛlihu gwa Gbɔng Gwɔ̀m Davit, wo Isakar à Omri Mikayɛl, wo Zɛbulun à Yɛshaya Obadya, wo Naftali à Yɛrɛmɔt Asriyɛl, wo Ɛfrayim à Hosheya Azaziya, wo Manase rwa ta à Yɔwɛl Pedaya, wo Manase rwa rak à Ido Zɛkarya, wo Bɛnyamin à Yaasiyɛl Abnɛr, wo Dan à Azarɛl Yɛrɔham.

²³Gbɔng Gwɔ̀m Davit a tɛ̀ be bara nepyak bemat de neshey tɔ mɛn na radɛn kuru baba (20) wɛt, yaga Dagwi Darwey a ga kana sira na a tɛ̀ BeIsrayɛl be sè pyak sede netangacɛn e lagwi.

²⁴Yowap de neng mɛ à Zɛruya, a kana hwo bara nepyak bemat o, ko a tɔk yɛnɛ wɛt. Dagwi a tabak BeIsrayɛl yaga bara nepyak bemat hane mo, yaga ano, ba tɔk jɛk neyɛnɛ nepyak bemat o e ji bebok-neha raane ve Gbɔng Gwɔ̀m Davit wɛt.

²⁵Baza bemat de ba kyè na pyɛ̂ gbɔng gwɔ̀m à vemo: Begban gwɔ̀m: Azmavɛt Adiyɛl. Negban nesɛl o: Yɔnatan Uziya. Fwom cāp: Ɛzri Kɛlup. Bě batin anap: Shimei wo Rama-Beduk tikis nshi anap: Zabdi yi e Shefam-Batin pwat na vê regwi e nɛk beraku rwa ta: Baal Hanan yi e Gɛdɛr-Beduk tikis něy pwat: Yɔwash-Berɔndɔng e tyɛl Sharon: Shitrai wo Sharon-Berɔndɔng e benɛk: Shafat Adlai Bemaryat: Ɔbil wo Ishmayɛl. Bemadung: Yedeya yi e Meronot, Vyēl: Yazis wo Hagri.

³²Yɔnatan, gwasha Davit a sé mwat vos a gbɔng gwɔ̀m badu, a vɔk netsitsɛng tyɔng wɛt, ko a to sé mwat-jɛk. Yɛn tanga Yɛhiyɛl Hakmoni ba sé bemat basa a nèy bewen gbɔng gwɔ̀m.

³³Ahitɔfɛl a sé mwat vos a gbɔng gwɔ̀m badu, ko Hushai wo Arki a sé sâ gbɔng gwɔ̀m, de e nɔngɔs hɛ badu barat.

³⁴E bama reku Ahitɔfɛl, ko Abiyatar na Yɛhɔyada Bɛnaya ba sey fwom mɛ. Yowap a sé gwɔ̀m como gbɔng gwɔ̀m Davit.