Read berom 1 Neha-Raane 6 Bible Online

1 Neha-Raane 6 - berom bible

1 Neha-Raane 6

¹Nèy Levi bewen o à, Gɛrshɔn, na Hohat tanga Mɛrari.

²Nèy Kohat bewen o à, Amram, na Izhar, na Hɛbrɔn tanga Uziyɛl.

³Nèy Amram à Aharon, na Mose, tanga hwong gwining de za mɛ a Miryam. Nèy Aharon bewen o à Nadap, na Abihu, na Ɛlɛyazar tanga Itamar.

⁴Yerê Ɛlɛyazar e bezamang mɛn à Finɛhas na Abishuwa,

⁵na Buki, na Uzi,

⁶na Zerahiya, na Mɛrayɔt,

⁷na Amariya na Ahitup,

⁸na Zadɔk, na Ahimaas,

⁹na Azarya, na Yohanan,

¹⁰na Azarya de a ra fwom e Gbɔng Duk Rê Fongol de Gbɔng Gwɔ̀m Sɔlɔmɔn a lɔk e Yɛrusalɛm.

¹¹Ba raa na Amariya, na Ahitup,

¹²na Zadɔk na Shalum,

¹³na Hilkiya na Azarya

¹⁴na Seraya na Yɛhɔzadak.

¹⁵Da Vwel Nɛbukadnɛzar a kyè na Yɛhɔzadak na mwa BeYuda na bemât Yɛrusalɛm de Dagwi Darwey a nɔng ɛ hɛn vɔk e de sesam.

¹⁶Nèy Levi bewen o à Gɛrshɔn, na Kohat tanga Mɛrari.

¹⁷Bazâ bewên Gɛrshɔn à Libni na Shimei;

¹⁸Nèy Kohat bewen o à Amram, na Izhar, na Hɛbrɔn, tanga Uziyɛl;

¹⁹ko nèy Mɛrari bewen o à Mali na Mushi. Yɛn vemo vɛ à yerê Levi e bezamang mɛn.

²⁰Bazâ yerê Gɛrshɔn e bezamang mɛn à Libni, na Yahat, na Zima;

²¹na Yɔwan, na Zɛra tanga Yeyaterai.

²²Yerê Kohat e bezamang mɛn à, Aminadap, na Kora, na Asir,

²³na Ɛlkana, na Ɛbiyasaf, na Asir,

²⁴na Tahat, na Uriyɛl, na Uziya tanga Saul.

²⁵Nèy Ɛlkana bewen o à Amasai na Ahimot.

²⁶Yerê Ahimot e bezamang mɛn à Ɛlkana, na Zɔfai na Nahat,

²⁷na Ɛliyap, na Yɛrɔham tanga Ɛlkana.

²⁸Nèy Samwɛl bewen o à Yɔwɛl, kunat o tanga Abiya, swɛl o.

²⁹Yerê Mɛrari e bezamang mɛn à Mali, na Libni, na Shimei, na Uza,

³⁰na Shimeya, na Hagiya tanga Asaya.

³¹Bemat a vemo de Gbɔng Gwɔ̀m Davit a nɔng ɛn fwôm bɛrɛng râ lwɛlɛ e Gbɔng Duk Rê Fongôl Dagwi Darwey e Yɛrusalɛm, e bama de ba ga vey na Kundung Wuna-na-Sirâ Dagwi e hwomo.

³²Yɛn á ragas lwɛlɛ e kwɔ̂n tula e nuyêl bûk Dagwi Darwey yi e jeng de Gbɔng Gwɔ̀m Sɔlɔmɔn á rɔngɔl nà lɔk Gbɔng Duk Re Fongol e Yɛrusalɛm.

³³Bazâ bedanelɔ de ba vɔk fwom râ lwɛlɛ mo na nèy mɛn à vemo: Yi e yerê Kohat, Heman a sé mwât nuyêl regyɛng bemat lwɛlɛ rê mɛsɛng o. Yɛ a sé hwêy Yɔwɛl, hwêy Samwɛl,

³⁴hwêy Ɛlkana, hwêy Yɛrɔham, hwêy Ɛliyɛl, hwêy Towa;

³⁵hwêy Zuf, hwêy Ɛlkana, hwêy Mahat, hwêy Amasai;

³⁶hwêy Ɛlkana, hwêy Yɔwɛl, hwêy Azarya, hwêy Tsefanya;

³⁷hwêy Tahat, hwêy Asir, hwêy Ɛbiyasaf, hwêy Kora;

³⁸hwêy Izhar, hwêy Kohat, hwêy Levi, na hwêy Israyɛl.

³⁹Asaf a sé mwât nuyêl regyɛng bemat lwɛlɛ re neba. Yɛ a sé hwêy Bɛrɛkya, hwêy Shimeya;

⁴⁰hwêy Mikayɛl, hwêy Baaseya, hwêy Malkiya;

⁴¹hwêy Etni, hwêy Zɛra, hwêy Adaya;

⁴²hwêy Ɛtan, hwêy Zima, hwêy Shimei;

⁴³hwêy Yahat, hwêy Gɛrshɔn, na hwêy Levi.

⁴⁴Ɛtan wo ruhûp Mɛrari a sé mwât nuyêl regyɛng bemat lwɛlɛ re netat. Yɛ a sé hwêy Kishi, hwêy Abdi, hwêy Maluk;

⁴⁵hwêy Hashabiya, hwêy Amaziya, hwêy Hilkiya;

⁴⁶hwêy Amzi, hwêy Bani, hwêy Shemar;

⁴⁷hwêy Mali, hwêy Mushi, hwêy Mɛrari, na hwêy Levi.

⁴⁸Ba nɔ̂ng bwang begwa mɛn BeLevi tom o hak e Gbɔng Duk Rê Fongol o.

⁴⁹Ko a sé e Aharon na nèy mɛ bewen de be nása nenɔrɔ e ra gàgbang rangâs yas tanga e ra gàgbang rangâs pyɛ̂ nesang hyɔɔlɔl, na mwa fwôm kwɔn de ha dal na nejɛrɛ, yaga na be ra a BeIsrayɛl talâ-nɛn tyɛng na nu de Mose, sam Dagwi a nɔng ɛn.

⁵⁰Bazâ yerê Aharon bewen o à Ɛlɛyazar, na Finɛhas, na Abishuwa,

⁵¹na Buki, na Uzi, na Zerahiya,

⁵²na Mɛrayɔt, na Amariya, na Ahitup,

⁵³na Zadɔk tanga Ahimaas.

⁵⁴Yɛnɛ̂ vwel de ba nɔ̂ng yerê Aharon ye ruhûp Kohat à hemo: Bá tanga nɔng ɛn bak o mwɛn wo vwel de ba tik yaga BeLevi.

⁵⁵Vwel o ha wuna na repomô Hɛbrɔn e yɛnɛ vwêl Yuda mwa na kwɔ̂n gyengês yas de ha gwɔrɔ repomo mo.

⁵⁶Ko ba nɔ̂ng Kalɛp Yɛfunɛ cāp na nebapomo de na gwɔrɔ gbɔng pomo mo.

⁵⁷Ba nɔ̂ng yerê Aharon bapomo dál vemo ngan: Hɛbrɔn, na Libna, na Yatir, na Ɛshtɛmɔwa, na Hilɛn, na Debir, na Ashan, tanga Bet-Shɛmɛsh, mwa na nekwɔn gyengês yas mɛn.

⁵⁸

⁵⁹

⁶⁰E bak yɛnɛ̂ vwêl Bɛnyamin ba nɔng ɛn bapomô Geba, na Alɛmɛt, tanga Anatot na nekwɔn gyengês yas mɛn. Mwa bapomo de ba nɔng ɛn ba sé kuru na vɛ betat.

⁶¹Ba gas a bwang bemat ruhûp Kohat e nelɔ mɛn bapomo kuru rining na masâ sesek e yɛnɛ̂ vwêl Manase rwa ta.

⁶²E jeng o, ba nɔ̂ng ruhûp Gɛrshɔn e nelɔ mɛn, bapomo kuru na vɛ betat e yɛnɛ̂ bavwêl Isakar, na Ashɛr, na Naftali tanga Manase rwa rak e vwêl Bashan.

⁶³Ano arɔng, ba nɔ̂ng bemat ruhûp Mɛrari bapomo kuru na vɛ beba e yɛnɛ̂ bavwêl Rubɛn, na Gat, tanga Zɛbulun.

⁶⁴E gwong a gwomo de BeIsrayɛl ba nɔ̂ng BeLevi bapomo de yɛn e sangal ɛ, mwa na nekwɔn gyengês yas de na gwɔrɔ vɛ.

⁶⁵Ko bapomô yɛnɛ̂ bavwêl Yuda, na Simɛyɔn tanga Bɛnyamin ba kana gas a yɛn vɛ na masâ sesek arɔng.

⁶⁶Ba nɔ̂ng nelɔ nehak ne ruhûp Kohat bapomo mo bamɛn tanga nekwɔn gyengês yas mɛn e yɛnɛ̂ vwêl Ɛfrayim, vɛ à,

⁶⁷Shɛkɛm, repomo — dál de ra sé e berahwôl Ɛfrayim, na Gɛzɛr,

⁶⁸na Yɔkmɛyam, na Bet-Hɔrɔn,

⁶⁹na Ayalɔn tanga Gat Rimɔn.

⁷⁰E yɛnɛ̂ vwêl Manase rwa ta, ba nɔ̂ng bwang yerê Kohat bapomô Anɛr, na Bilɛyam mwa tanga nekwɔn gyengês yas vɛ.

⁷¹Ba nɔ̂ng nelɔ ruhup Gɛrshɔn bapomo vemo mwa na nekwɔn gyengês yas vɛ. E yɛnɛ̂ vwêl Manase rwa ta ba nɔng ɛn, Golan e vwêl Bashan tanga Ashtarɔt.

⁷²E yɛnɛ̂ vwêl Isakar ba nɔng ɛn Kɛdɛsh, na Daberat;

⁷³na Ramɔt tanga Anɛm.

⁷⁴E yɛnɛ̂ vwêl Ashɛr, ba nɔng ɛn, Mashal, na Abdɔn,

⁷⁵na Hukɔk tanga Rehop.

⁷⁶E yɛnɛ̂ vwêl Naftali, ba nɔng ɛn, Kɛdɛsh wo Galili, na Hamɔn na Kiriyatayim.

⁷⁷Bwâng nelɔ ruhûp Mɛrari ba nɔng ɛn bapomo vemo mwa na nekwɔn gyengês yas vɛ: E yɛnɛ̂ vwêl Zɛbulun, ba nɔng ɛn Rimɔnɔ, na Tabɔr.

⁷⁸E yɛnɛ̂ vwêl Rubɛn, e rwa rak na Rɔt Yɔrdan, e nuyêl Yeriko, ba nɔng ɛn, Bɛzɛr wo vwel de ha sé tas na Yaza,

⁷⁹na Kɛdɛmɔt tanga Mefat.

⁸⁰E yɛnɛ̂ vwêl Gat, ba nɔng ɛn Ramɔt wo Gileyat na Mahanayim;

⁸¹na Itɛshbɔn tanga Yazɛr.