Read berom 1 Neha-Raane 7 Bible Online

1 Neha-Raane 7 - berom bible

1 Neha-Raane 7

¹Nèy Isakar bewen o, ba sé benaas, yɛn à, Tola, na Puwa, na Yashup tanga Shimrɔn.

²Nèy Tola bewen o ba sé betyiimin yɛn à Uzi, na Refaya, na Yɛriyɛl na Yamai, na Ibsam tanga Shɛmwɛl. Mwa hɛn yɛn a sé beda nelɔ ruhup Tola, ko yɛn a to sé besuga arɔng. E jeng negwɔm Gbɔng Gwɔ̀m Davit, nepyak yere mɛn na wul bemat gu kuru baba na vɛ baba, na naga betyiimin viisis (22,600).

³Uzi a tɔ wen gwining de ba tang ɛ à Izrahiya, ko yɛ a tɔ bewen benaas, yɛn à Mikayɛl, na Obadya, na Yɔwɛl tanga Ishiya; yɛn mwa ba sé bedanelɔ mɛn.

⁴Yɛn a vɔk beha na nèy sizɔng, yi ano, yere mɛn ya tɔk nɔng bemat como gu kuru batat na vɛ batyiimin (36,000).

⁵Nepyak bemat nelɔ yere Isakar de ba jɛk baza beras de ba ga vey tô como ba sé gu kuru rwit na vɛ bataama (87,000).

⁶Nèy Bɛnyamin bewen o ba sé betat, yɛn à Bela, na Bɛkɛr tanga Yɛdayɛl.

⁷Nèy Bela bewen ba sé betungun yɛn à, Ɛzbɔn, na Uzi, na Uziyɛl, na Yɛrimɔt tanga Iri. Yɛn mwa hɛn ba sé bedanelɔ ruhup mɛn ko yɛn a sé besuga. E yere mɛn, yɛn a vɔk beras gu kuru baba na vɛ baba, na kuru batat na vɛ benaas (22,034) de ba ga vey tô como.

⁸Nèy Bɛkɛr bewen o ba sé shabetat, yɛn à Zɛmira, na Yɔwash, na Ɛliyɛzɛr, na Ɛlɛyɔwɛnai, na Ɔmri, na Yɛrɛmɔt, na Abiya, na Anatot, tanga Alɛmɛt.

⁹Ba jɛk nepyak bedanelɔ e yere mɛn, e bezamang mɛn ko ba sɛ besuga gu kuru baba na naga beba (20,200).

¹⁰Yɛdayɛl a tɔ wen gwining de ba tang ɛ à Bilhan ko yɛ a tɔ bewen betaama, yɛn à Yewush, na Bɛnyamin, na Ehut, na Kenaana, na Zɛtan, na Tarshish, tanga Ahishahar.

¹¹Yɛn a sé bedanelɔ ruhup mɛn, ko yɛn a sé besuga arɔng. Yere mɛn ya vɔk beras gu kuru rining na vɛ bataama na naga beba (17,200) de ba sé e yong ɛn yaga tô como.

¹²Shupim na Hupim ba sé nèy Ir bewen o. Hushim a sé hwêy Ashɛr wen o.

¹³Naftali a tɔ nèy bewen benaas, yɛn à Yaziyɛl, na Guni, na Yɛzɛr, tanga Shalum. Neng-gwɔ mɛn kunat à Bilha.

¹⁴Nèy Manase bewen o na jɛn-hwā mɛ wo BeAram, à Asriyɛl na Makir. Makir a tɔ Gileyat.

¹⁵Ko yɛ a vo a Hupim na Shupim beha. Reza gwa mɛ hwong o à Maaka. Hwêy Makir o hê neba à Zelofehat, ko yɛ a tɔs behwong zɔng.

¹⁶Maaka, hwâ Makir a tɔ bewen beba, de ba vo a yɛn baza Pɛrɛs na Shɛrɛsh. Kunat o a tɔ Ulam na Rakɛm.

¹⁷Ulam a tɔ wen de ba tang ɛ à Bedan. Mwa yɛn vemo ba sé yere Gileyat Makir Manase.

¹⁸Gwa Gileyat hwong o de ba tang ɛ à Hamoleket a tɔ bewen betat, yɛn à Ishɔt, Abiyɛzɛr, na Malah.

¹⁹Shɛdima a tɔ bewen benaas, yɛn à Ahiyan, na Shɛkɛm, na Likhi tanga Aniyam.

²⁰Yere Ɛfrayim e bezamang mɛn à yemo: Shutela, na Bɛrɛt, na Tahat, na Ɛlɛyada, na Tahat;

²¹na Zabat, tanga Shutela. Bewen o behak à Ɛzɛr na Ɛlɛyat de bedâ vwel Gat ve mɛsɛng o ba mɔbɔs hɛn jeng de yɛn a wɔ jugu yas mɛn.

²²Da mɛn Ɛfrayim a ra sesin mɛn nepɔlɔ pyak, ko cáng mɛ ya wɔ̀ wɔrɔk hɛ.

²³E bama mo, Ɛfrayim a to dyɛng na hwā mɛ, a sey jim, ko a tɔ a yɛ wen, a vo a yɛ reza Beriya yaga reyɔm de ra kana hwo e ra lɔ mɛ.

²⁴Ɛfrayim a vɔk hwóng mɛ de ba tang ɛ à Shɛɛra. E yɛ de a lɔk bapomo Bet-Hɔrɔn wo rak o na wo vwel o tanga Uzɛn Shɛɛra.

²⁵Ɛfrayim a to tɔ wen o hwak de a vo a yɛ reza Refa, ko yere mɛ à: Rɛshɛf, na Tɛla na Tahan;

²⁶na Ladan, na Amihut, na Ɛlishama;

²⁷na Nun tanga Yɔshuwa.

²⁸Yɛnɛ vwel de yɛn a re na como na be sangal ɛ ha wuna na Bet-Ɛl tanga bapomo de ba gwɔrɔ hɛ. Vwel o ha raa rwa rak pere vɔk e Naaran, ko e rwa ta ha raa pere vɔk e Gɛzɛr na bapomo de ba gwɔrɔ hɛ. Ha wɔ wuna mɛ bagbɔng bapomo Shɛkɛm na Aya tanga bapomo de ba gwɔrɔ vɛ.

²⁹Yere Manase ya vɔk reto e ra bagbɔng bapomo Bet-Shan, na Taanak, na Megido, tanga Dor, mwa na bapomo de ba gwɔrɔ vɛ. Yere Yɔsɛf Yakɔp ba sangal e nekwɔn nemo mwa.

³⁰Nèy Ashɛr bewen o à Imna, na Ishva, na Ishvi, na Beriya, tanga hwong gwining, de reza mɛ à Sera.

³¹Nèy Beriya bewen o à Hɛbɛr na Malkiyɛt de a bene repomo Birzayit.

³²Nèy Hɛbɛr bewen o à Yaflɛt, na Shɔmɛr, na Hotam, tanga hwong gwining de reza mɛ a Shuwa.

³³Nèy Yaflɛt bewen o à Pasak, na Bimhal, tanga Ashvat.

³⁴Nèy Shɔmɛr bewen o à Roga, na Yɛhuba, tanga Aram.

³⁵Nèy gwa mɛ Helem bewen o à Zofa, na Imna, na Shɛlɛsh tanga Amal.

³⁶Nèy Zofa à Suwa, na Harnefer, na Shuwal, na Beri, na Imra;

³⁷na Bɛzɛr, na Hɔt, na Shama, na Shilsha, na Itran tanga Bɛɛra.

³⁸Nèy Yɛtɛr à Yɛfunɛ, na Pispa tanga Ara.

³⁹Nèy Ula bewen o à Ara, na Hanyɛl tanga Risiya.

⁴⁰Yere Ashɛr à yemo mwa, ko mwa hɛn yɛn a sé bedanelɔ mɛn, mwa hɛn ba sé besuga, ko yɛn a sé bemat nuyel de ba tɛ̀ baza. Yere Ashɛr ya vɔk beras gu kuru baba na vɛ batyiimin (26,000) de ba vey tô como.