Read berom 1 Neha-Raane 8 Bible Online

1 Neha-Raane 8 - berom bible

1 Neha-Raane 8

¹Bɛnyamin a vɔk bewen betungun. Baza mɛn à vemo e nemakuk mɛn: Bela, na Ashbɛl, na Ahara,

²na Nɔha tanga Rafa.

³Nèy Bela bewen o à Ada, na Gera, na Abihut,

⁴na Abishuwa, na Naaman, na Ahowa;

⁵na Gera, na Shɛfufan tanga Huram.

⁶Yere Ehut à Naaman, na Ahiya tanga Gera. Yɛn a sé bedanelɔ mɛn, yɛn á sangal e Geba, ko bá paa ɛn yi e hwomo na retek, ba wɔ̀ tik ɛn e Manahat. A sé e Gera, dâ Uza na Ahihut de a sè dalɔ mɛn jeng de yɛn a sogo.

⁸Shaharayim a tɛ̀ beha mɛ beba vemo, Hushim na Baara e gwong. E bama mo, jeng de a wɔ̀ sangal e sevwel Mowap, a to vo Hodesh, ko yɛn a tɔ nèy bewen o betaama na yɛ, yɛn à Yɔbap, na Zibiya, na Mesha, na Malkam;

¹⁰na Yewush, na Sakiya tanga Mirma. Nèy mɛn na tɛ́ ɛn bedanelɔ mɛn arɔng.

¹¹Shaharayim o a kana vɔk nèy bewen o beba na hwā mɛ Hushim, yɛn à Abitup na Ɛlpaal.

¹²Nèy Ɛlpaal bewen o à Ɛbɛr, na Misham tanga Shɛmɛt. A sé e Shɛmɛt de a lɔk bapomô Ono na Lot na nebapomo de na gwɔrɔ vɛ.

¹³Beriya na Shema ba sé bedâ nelɔ bemat de ba sangal e repomo Ayalɔn, ko yɛn a wɔ̀ ro bemat de ba sangal e repomo Gat.

¹⁴Behak e ji yere Beriya à Ahiyo, na Shashak, na Yɛrɛmɔt,

¹⁵na Mikayɛl, na Ishpa tanga Yoha.

¹⁶Nèy Ɛlpaal bewen o à Zɛbadya, na Mɛshulam, na Hizki, na Hɛlɛr;

¹⁸na Ishmɛrai, na Izliya tanga Yobap.

¹⁹Nèy Shimei bewen o à Yakim, na Zikri, na Zabdi;

²⁰na Ɛliyɛnai, na Ziletai, na Ɛliyɛl;

²¹na Adaya, na Beraya tanga Shimrat.

²²Nèy Shashak bewen o à Ishpan, na Ɛbɛr, na Ɛliyɛl;

²³na Abdɔn, na Zikri, na Hanan;

²⁴na Hananiya, na Ɛlam, na Antɔtiya;

²⁵na Ifdeya tanga Pɛnuwɛl.

²⁶Nèy Yɛrɔham bewen o à Shamshɛrai, na Shɛharya na Ataliya,

²⁷na Yaarɛshiya, na Eliya tanga Zikri.

²⁸Yɛn vemo mwa ba sé bedâ nelɔ bedabeda mɛn tanga ve yere mɛn de yɛn a sangal e Yɛrusalɛm.

²⁹Yɛyɛl wɛ de a bene repomo Gibɛyɔn, ko a sangal ɛ. Ba tang hwā mɛ à Maaka,

³⁰Hwey negel mɛ à Abdɔn. Bwang nèy mɛ bewen o à Zur, na Kish, na Baal, na Nɛr, na Nadap;

³¹na Gɛdɔr, na Ahiyo, na Zɛkarya

³²tanga Miklɔt dâ Shimeya. Yere mɛn ya sangal e Yɛrusalɛm bagat na bwang nelɔ rùhup mɛn.

³³A sé e Nɛr de a sé dâ Kish, ko yɛ arɔng a sé dâ Saul. Saul a sé dâ Yɔnatan, na Malkishuwa, na Abinadap tanga Ɛshbaal.

³⁴Yɔnatan a sé dâ Mɛribaal womo de a sé dâ Mika.

³⁵Nèy Mika bewen o à Piton, na Mɛlɛk, Tareya tanga Ahas.

³⁶Ahas a sé dâ Yɛhɔyada de a sé dâ Alɛmɛt, na Azmavɛt tanga Zimri, Zimri a sé dâ Moza,

³⁷Moza a sé dâ Binewa, Binewa a sé dâ Rafa, Rafa a sé dâ Ɛlasa, ko Ɛlasa a sé dâ Azel.

³⁸Nèy Azel bewen o betyiimin à Arzikam, na Bokeru, na Ishmayɛl, na Sheyarya, na Obadya tanga Hanan.

³⁹Nèy Ɛshɛk gwa Azel bewen o betat à Ulam, na Yewush tanga Ɛlifɛlɛt.

⁴⁰Nèy Ulam bewen o ba sé besuga, ko ba tabas na ket. Yɛ mo a vɔk nèy mɛ tanga nèy nèy mɛ mwa hɛn ba sé naga na kuru batungun (150). Mwa hɛn ba sé yere Bɛnyamin.