Read berom Nɛhɛmiya 10 Bible Online

Nɛhɛmiya 10 - berom bible

Nɛhɛmiya 10

¹Mwat wo mɛsɛng de a tɛ̀ vwɔ yɛ a gwɔmna mot, yɛ Nɛhɛmiya Hakaliya. Bemat de ba tɛ̀sɛ vɔ arɔng vɛ à:

²Zɛdɛkiya, na Seraya, na Azarya Yirmiya, na Pash-hur na Amariya Malkiya, na Hatush na Shɛbaniya Maluk, na Harim na Mɛrɛmɔt Obadya, na Danyɛl na Ginɛtɔn Baruk, na Mɛshulam na Abiya Miyamin, na Maaziya na Bilgai tanga Shemaya. Yɛn á sè bepiris.

⁹BeLevi à vemo: Yɛshuwa Azaniya, na Binuwi wo ruhûp Hɛnadat na Kadmiyɛl Shɛbaniya, na Hodiya na Kɛlita Pelaya, na Hanan na Mika Rehop, na Hashabiya na Zakur Shɛrɛbiya, na Shɛbaniya na Hodiya Bani tanga Bɛninu.

¹⁴Bemât nuyêl bemat à vemo: Parɔsh, na Pahat Mowap na Ɛlam Zatu, na Bani na Buni Azgat, Bebai na Adoniya Bigvai, na Adin na Ater Hɛzɛkiya, na Azur na Hodiya Hashum, na Bezai na Harif Anatot, na Nebai na Magpiyash Mɛshulam, na Hezir na Mɛshɛzabɛl Zadɔk, na Yaduwa na Pelatiya Hanan, na Anaya na Hosheya Hananiya, na Hashup na Halɔhɛsh Pilha, na Shɔbɛk na Rehum Hashabna, na Maaseya na Ahiya Hanan, na Anan na Maluk Harim tanga Baana.

²⁸Bwang bemat mwa de ba wuna hɛn, yɛn vɛ a bepiris, BeLevi, bemât gyeng ri Gbɔng Duk Re Fongol, na vê lwɛlɛ tanga vê fwôm Gbɔng Duk o tanga bwang bemat de ba kang bato mɛn yi na bemât yére dyuk de ba sangal e vwel o yaga na be gyeng badu Dagwi. Beha mɛn na nèy mɛn de na ga vey neshey tɔ̂k pyɛ́ ba wuna hɛn arɔng.

²⁹Yɛn mwa, yɛn a wuna hɛn tanga bemât nuyel mɛn o na sira wɔgɔ, wot ê ra sangal mot tyɛng na Badu Dagwi, vemo de a nɔng ot yi na mwat mɛ Mose. Wot ê gyeng kayɛ pyɛ de Dagwi Darwey, Darwey mot, a nɔng ot nu e ra yɛ, wot a rɔda gyeng mwa Badu mɛ tanga pyɛ de a simo wot ra. Ka sede hwak e ji mot a gyili sira hemo, ko gawey hê hwo e ra yɛ. Badu ma vemo:

³⁰Wot ê ragas weneng na bemât yére dyuk de ba sangal e vwel mot wɛt.

³¹Ka sede bemât yére dyuk ba vey na pyɛ̂ yeneng kɛ pyɛ́ mo cak ayi, na yɛn a vey rɛsɛl a wot e Tuk Shábat kɛ e Tuk Wusal hak, ko wot ê sey yɛ wɛt. Wot a rɔda how cāp mot e shey hê taama wɛt, ko wot a rɔda hala a bemat mwa badu de wot e rangal hɛn.

³²Kahɛ shey, kawɛ e ji mot a rɔda nɔng bak gwining e ji bebak betat wo shɛkɛl dyam pyɛng[5] yaga pyɛ̂ râ fwôm Gbɔng Duk Re Fongol,

³³pyɛ́ mo yɛ a kpam-tuk de be nára a Dagwi, na nɔrɔ̂ nemuk hê kahɛ tuk, na yas de be rangas yɛ burang vɔk na Dagwi ye kahɛ tuk, na nenɔrɔ de be nɔngɔ̂s Dagwi kahɛ Tuk Shábat, na hê nzem pwɛl pwas na hê bwang nzem o nehak, na bwang nenɔrɔ nehak de na sé yaga Dagwi, na nenɔrɔ̂ halâ banɛ̂n yaga talâ-nɛn BeIsrayɛl tanga kayɛ pyɛ de be simo yaga Gbɔng Duk Re Fongol.

³⁴Wot, bepiris na BeLevi, tanga bwang bemat wot a rɔda masa sesek kahɛ shey, na wot tɔk bemât rùhup tanga jeng de bê vey na cɔ́gɔt de bê rangas mɛ nenɔrɔ vɔk na Dagwi Darwey, Dagwi mot, tyɛng na pyɛ de ba jɛk e ji Badu Dagwi.

³⁵Kahɛ shey arɔng, wot ê vɛ̀sɛ na nɔrɔ̂ pyɛ̂ yeneng yê susu mo de wot a yɛt bwal o tanga hê nèy cɔ́gɔt de na tanga vel e ra batîn cɔ́gɔt mot e Gbɔng Duk Re Fongol.

³⁶Nèy negel de ba tɔs a kawɛ e ji mot, wot a rɔda wɔ mɛ na bepiris e Gbɔng Duk o, ko wot a rɔda tik ne jaram yaga Dagwi tyɛng na pyɛ́ de ba jɛk e ji Badu Dagwi. Ano arɔng, wot a rɔda nɔ̂ng Dagwi nèy ne susu mo ne ngyī tanga ne vyēl mot.

³⁷Wot a rɔda wɔ̀ nɔ̂ng bepiris nemuk de ba hwongo nɛ yi e pyɛ̂ yeneng yê susu mo de wot a yɛt bwâl yɛ kahɛ shey, mwa na nenɔrɔ̂ nshî anap nepas o, na něy pwat nepas o arɔng, tanga nèy cɔ́gɔt de na dal na nerat. Yɛn a rɔda tik yɛ e ji begban Gbɔng Duk Re Fongol. Ano arɔng, wot a rɔda nɔ̂ng BeLevi vemo de be tula pyɔlɔ e nebapomo mot pyɔlɔ̂ pyɛ́ de wot e how e vwel mot.

³⁸Bepiris de ba sé yi e ruhûp Aharon ba rɔda sè na BeLevi jeng de yɛn ê kyese seres pyɔlɔ mo BeLevi mo ba rɔda wɔ̀ tik pyɔlɔ̂ pyɔlɔ mo mwa e begban Gbɔng Duk o.

³⁹BeIsrayɛl tanga BeLevi ba rɔda wɔ̀ tik pyɛ́ mo myɛn yê pyɛ̂ yeneng, na nshî anap, tanga něy pwat e begban o. E bak kwɔn a hane arɔng de be tikis ɛ pyɛ̂ fwôm Gbɔng Duk o, ko bepiris de ba vɔk fwom e jeng o be sangal ɛ, yɛn na bemât gyengês ri Gbɔng Duk Re Fongol, tanga bemât lwɛlɛ. Wot ê kyini Gbɔng Duk Re Fongol Dagwi mot wɛt.