Read berom Nɛhɛmiya 11 Bible Online

Nɛhɛmiya 11 - berom bible

Nɛhɛmiya 11

¹A vane ano, bemât nuyêl BeYuda ba wɔ̀ sangal e Yɛrusalɛm, ko bwang bemat ba masa sesek, na be kasa bemât lɔ hining e ji nelɔ kuru, na be wɔ̀ sangal e Yɛrusalɛm, gbɔng pomo hê jɛrɛ, ko bwang o ba sangal e bapomo mɛn.

²Ba somo kawɛ mwat de a nɔng to mɛ na a wɔ̀ sangal e Yɛrusalɛm.

³BeIsrayɛl behak, na bepiris, na BeLevi, na bemât fwôm Gbɔng Duk Re Fongol tanga yére bemât fwôm Sɔlɔmɔn ba sangal e benap mɛn e bapomo mɛn,

⁴ko bemat behak yi e Yuda na Bɛnyamin ba wɔ̀ sangal e Yɛrusalɛm. Bemât nuyêl vwêl Yuda ba sangal e Yɛrusalɛm. Baza mɛn a vemo: Yi e yerê Yuda: Ataya Uziya Zɛkarya Amariya Shefatiya Mahalalɛl, yi e ruhûp Pɛrɛs

⁵Maaseya Baruk Kɔlhɔzɛ Hazaya Adaya Yoyarip Zɛkarya, yi e ruhûp Shela.

⁶Yi e ruhûp Pɛrɛs bemat naga benaas kuru batyiimin na vɛ rwit (468) ba sangal e Yɛrusalɛm. Mwa hɛn ba sé bemât yey ting.

⁷Yi e yerê Bɛnyamin: Salu Mɛshulam Yowet Pedaya Kolaya Maaseya Itiyɛl Yɛshaya

⁸Gabai tanga Salai BeBɛnyamin mwa de ba sangal e Yɛrusalɛm ba sé naga shabetat kuru baba na vɛ rwit (928).

⁹Yɔwɛl Zikri a sé mwât nuyel mɛn, ko Yuda Hasenuwa a sé mwat de a raa mwât nuyêl repomo mo.

¹⁰Bepiris: Yɛdaya Yoyarip, na Yakin

¹¹Sɛraya Hilkiya Mɛshulam Zadɔk Mɛrayɔt Ahitup, yɛ womo de a sé darwêy bepiris.

¹²Ko bemat naga rwit kuru baba na vɛ beba (822) yi e ruhup mɛn ba ra fwom e ji Gbɔng Duk Re Fongol Adaya Yɛrɔham Pɛlaliya Amzi Zɛkarya Pash-hur Malkiya,

¹³bemat naga beba kuru banaas na vɛ beba (242) ba sé bedanelɔ ruhup mɛn Amashisai Azarɛl Mɛshilɛmɔt Imer.

¹⁴E ruhup mɛn ba sɛ̀ bemat naga gwining kuru baba na vɛ rwit (128), de ba sé bemât yey ting e de como. Mwât nuyel mɛn à Zabdiyɛl Hagɛdɔhim.

¹⁵BeLevi de ba sé e hwomo: Shɛmaya Hashup Azrikam Hashabiya Buni

¹⁶Shabetai na Yozabat ba sé begbɔng o e ji BeLevi, ko e yɛn vɛ de ba bɛrɛng fwom de ba ragas e majêy Gbɔng Duk Re Fongol

¹⁷Mataniya Mika Zabdi yerê Asaf. E yɛ de a sé mwât nuyel bemât lwɛlɛ̂ Gbɔng Duk o e jeng râ lwɛlɛ̂ won gwo feng a Dagwi, ko Bakbukiya a sé mwât sɛlɛ mɛ Abda Shamuwa Galal Yɛdutun a sé hwak e ji mɛn arɔng

¹⁸Mwa BeLevi de ba sé e ji gbɔng pomô Yɛrusalɛm rê jɛrɛ ba sé naga beba kuru rwit na vɛ benaas (284).

¹⁹Bemât gyeng ri Gbɔng Duk Re Fongol: Akup na Talmɔn tanga cáng mɛn, mwa hɛn ba sé naga gwining kuru bataama na vɛ beba (172)

²⁰Bwang BeIsrayɛl, na bwang bepiris na bwang BeLevi ba sangal e benap mɛn e bwang bapomô Yuda.

²¹Bemât fwôm Gbɔng Duk o ba sangal e bàk Yɛrusalɛm de ba tâng wɛ a Ɔfɛl, ko yɛn a ra fwom e nɛ̂n Ziha tanga Gishpa de be bɛrɛng hɛn.

²²Mwât bɛrɛng fwôm BeLevi de ba sangal e Yɛrusalɛm à Uzi Bani Hashabiya Mataniya Mika. Yɛ Uzi mo a sé yi e yerê Asaf, ko e yɛn vɛ de be ragas lɛlɛ e jeng rê fongol e Gbɔng Duk Re Fongol.

²³Gbɔng gwɔ̀m a kana nɔng ɛn badu de ba dura begwong de rùhup o bê segsa ragâs lɛlɛ ve kahɛ tuk.

²⁴Pɛtahiya Mɛshɛzabɛl wo ruhûp Zɛra gwô yerê Yuda yɛ de a sé gwelê BeIsrayɛl vɔk na Da Vwel wo BePɛrsya.

²⁵Behak e ji bemât yerê Yuda ba sangal e Kiriyat-Arba, na Dibɔn, na Yɛkabzɛɛl tanga e nebapomo de na gwɔrɔ rɛ.

²⁶Behak ba sangal e bapomô Yɛshuwa, na Molada, na Bet-Pɛlɛt,

²⁷na Hazar-Shuwal tanga e Bɛɛr-Sheba na nebapomo de na gwɔrɔ rɛ,

²⁸behak e repomô Ziklak, na e Mekona tanga e nebapomo rɛ,

²⁹behak arɔng e Ɛn-Rimɔn, na Zora, na Yarmut,

³⁰na Zanowa, na Adulam tanga e nebapomo de na sé bagat na rɛ, ko behak e Lakish na e ji hiri de ba gwɔrɔ rɛ, tanga e Azeka na nebapomô rɛ arɔng. Ano kwong, BeYuda ba sangal e yɛnɛ̂ vwel de ha sé yi e Bɛɛr-Sheba e rwa batin vɔk e Nɛk Hinɔm e rwa bato.

³¹Bemât yerê Bɛnyamin ba sangal e Geba, na Mikmash, na Aya, na Bet-Ɛl na nebapomo ne bagat,

³²tanga e Anatot, na Nɔp, na Ananiya,

³³na Hazor, na Rama, na Gitayim,

³⁴na Hadit, na Zeboyim, na Nɛbalat,

³⁵na Lɔt, na Ono tanga e Nɛk Bemât Sekwɛl.

³⁶Bagyɛng BeLevi bahak de ba kana sangal e vwel Yuda ba wɔ̀ sangal tanga BeBɛnyamin.