Read berom Nɛhɛmiya 7 Bible Online

Nɛhɛmiya 7 - berom bible

Nɛhɛmiya 7

¹Bama de ba ga yɛnɛ lɔ̂k jwâ-pomo, ko ba ga tɛ̀sɛ ri rùhup o mwa, ba nɔ̂ng bemât gyeng gbɔng rùhup o, na bemât lwɛlɛ̂ Dagwi, tanga bwang BeLevi tom mɛn.

²Ma tɛ̀ bemat beba be vɔk reto e ra gbɔng repomô Yɛrusalɛm, yɛn vɛ à gwa hom Hanani tanga Hananiya, mwât nuyêl kwɔ̂n dal. Yɛ Hananiya mo a sé mwat de be tó yey na yɛ wɛt, ko a sap Dagwi, ba sɛ̀ mwat hwak sede yɛ wɛt.

³Ma ha a yɛn, yɛn a kwon tɛ̀ be wuma ri rùhup Yɛrusalɛm bop nagasi wɛt sɛ̌ e zang-gwi e ngyen, ko bé to bangas vɛ, be manas vɛ kpá, gyam na bemât gyeng o be sogo yi e de fwom jeng de gwi gwa ga gaba. Ma to ha a yɛn, be tɛ̀sɛ bemât gyeng o yi e ji bemat de ba sé sangal e ji repomo mo. Ba tɛ̀ behak e ji mɛn be bɛrɛng nekwɔn de ba nɔng ɛn, ko bwang o be kyě kyè be bɛrɛng bebak nelɔ mɛn arɔng.

⁴Gbɔng repomô Yɛrusalɛm ra sé rerey, ko nepyak bemat e ji mo na de sé tyɔng zɔng. Ba ga kana lɔk nelɔ pyak e ji rɛ wɛt.

⁵Yaga ano, Dagwi a tɛ̀ e ji yey hom na me tula bemât nuyel repomo, na bemât nuyêl tom, na bwang bemat o na wot jɛk baza mɛn e rùhup mɛn. Ma sɛ̀ bwok-basâ bazâ bemât rùhup ve susu mo de ba tanga toyo yi e de sesam, ko pyɛ de ma di ba jɛk e ji mo à yemo:

⁶Yi e ji bemât nelɔ de Nɛbukadnɛzar á kana hashe vɔk e de sesam, bemat ba sè pyak de ba to ɛn vey e Yɛrusalɛm na vwêl Yuda. Kawɛ e ji mɛn a kwey vɔk e repomo mɛ.

⁷Bemât nuyel mɛn vɛ a Zɛrubabɛl, na Yɔshuwa, na Nɛhɛmiya, na Azarya, na Raamiya, na Nahamani, na Mordɛkai, na Bilshan, na Mispɛrɛt, na Bigvai, na Nehum tanga Baana.

⁸Ngyɛrɛ̂ nepyak BeIsrayɛl ma nemo e rùhup mɛn, mwa na nepyak bemat de ba toyo yi e kagwɛ ruhup. Ruhûp Parɔsh — bemat gu baba, na naga gwining kuru bataama na vɛ beba (2,172)

⁹Ruhûp Shefatiya — bemat naga betat kuru bataama na vɛ beba (372)

¹⁰Ruhûp Ara — bemat naga betyiimin kuru batungun na vɛ beba (652)

¹¹Ruhûp Pahat-Mowap, yi e lɔ Yɛshuwa na hê Yowap — bemat gu baba, na naga rwit kuru rining na vɛ rwit (2,818)

¹²Ruhûp Ɛlam — bemat gu rining, na naga beba kuru batungun na vɛ benaas (1,254)

¹³Ruhûp Zatu — bemat naga rwit kuru banaas na vɛ betungun (845)

¹⁴Ruhûp Zakai — bemat naga betaama na kuru batyiimin viisis (760)

¹⁵Ruhûp Binuwi — bemat naga betyiimin kuru banaas na vɛ rwit (648)

¹⁶Ruhûp Bebai — bemat naga betyiimin kuru baba na vɛ rwit (628)

¹⁷Ruhûp Azgat — bemat gu baba, na naga betat kuru baba na vɛ beba (2,322)

¹⁸Ruhûp Adonikam — bemat naga betyiimin kuru batyiimin na vɛ betaama (667)

¹⁹Ruhûp Bikvai — bemat gu baba kuru batyiimin na vɛ betaama (2,067)

²⁰Ruhûp Adin — bemat naga betyiimin kuru batungun, na vɛ betungun (655)

²¹Ruhûp Ater, de ba to yila hɛ a Hɛzɛkiya — bemat kuru shabatat na vɛ rwit (98)

²²Ruhûp Hashum — bemat naga betat kuru baba na vɛ rwit (328)

²³Ruhûp Bezai — bemat naga betat kuru baba na vɛ benaas (324)

²⁴Ruhûp Harif — bemat naga gwining kuru rining na vɛ beba (112)

²⁵Ruhûp Gibɛyɔn — bemat kuru shabatat na vɛ betungun (95)

²⁶Bemat de bedabeda mɛn bá kana sangal e bapomo vemo ba vɛ̀sɛ hɛn arɔng: Bemât Bet-Lɛhɛm na Netofa ba sé naga gwining na kuru rwit na vɛ rwit (188)

²⁷Bemât Anatot ba sé naga gwining kuru baba na vɛ rwit (128)

²⁸Bemât Bet-Azmavɛt ba sé kuru banaas na vɛ beba (42)

²⁹Bemât Kiriyat Yɛyarim, na Kefira tanga Bɛɛrɔt ba sé naga betaama kuru banaas na vɛ betat (743)

³⁰Bemât Rama na Geba ba sé naga betyiimin kuru baba na wɛ gwining (621)

³¹Bemât Mikmash ba sé naga gwining kuru baba na vɛ beba (122)

³²Bemât Bet-Ɛl na Ai ba sé naga gwining kuru baba na vɛ betat (123)

³³Bemât Nebo mo hwak ba sé kuru batungun na vɛ beba (52)

³⁴Bemât Ɛlam o hwak ba sé gu rining na naga beba kuru batungun na vɛ benaas (1,254)

³⁵Bemât Harim ba sé naga betat na kuru baba viisis (320)

³⁶Bemât Yeriko ba sé naga betat kuru banaas na vɛ betungun (345)

³⁷Bemât Lɔt, na Hadit tanga Ono ba sé naga betaama kuru baba na wɛ gwining (721)

³⁸Bemât Senaa ba sé gu batat, na naga shabetat na kuru batat viisis (3,930)

³⁹Ngyɛrɛ̂ rùhup bepiris de ba toyo a vemo: Yi e ruhûp Yɛdaya, yi e lɔ Yɛshuwa — bemat ba sé naga shabetat kuru bataama na vɛ betat (973)

⁴⁰Ruhûp Imer — bemat ba sé gu rining kuru batungun na vɛ beba (1,052)

⁴¹Ruhûp Pash-hur — bemat ba sé gu rining, na naga beba kuru banaas na vɛ betaama (1,247)

⁴²Ruhûp Harim — bemat ba sé gu rining kuru rining na vɛ betaama (1,017)

⁴³Ngyɛrɛ̂ rùhup BeLevi de ba toyo a vemo: Yi e rùhup Yɛshuwa na Kadmiyɛl, yi e lɔ Hodaviya — bemat ba sé kuru bataama na vɛ benaas (74)

⁴⁴E ji bemât lwɛ̄lɛ Gbɔng Duk Re Fongol: Yi e ruhûp Asaf, bemat de ba toyo ba sé naga gwining kuru banaas na vɛ rwit (148)

⁴⁵E ji bemât gyeng Gbɔng Duk Re Fongol: Yi e rùhup Shalum, na Ater, na Talmɔn, na Akup, na Hatita, tanga Shobai, bemat ba sé naga gwining kuru batat na vɛ rwit (138)

⁴⁶E ji bemât fwôm Gbɔng Duk Re Fongol, ngyɛrɛ̂ bazâ rùhup bemat de ba toyo a vemo: Rùhup Ziha, na Hasufa, na Tabayɔt

⁴⁷Kɛrɔs, na Siya na Padɔn

⁴⁸Lɛbana, na Hagaba na Shalmai

⁴⁹Hanan, na Gidɛl na Gahar

⁵⁰Reyaya, na Resin na Nekoda

⁵¹Gazam, na Uza na Paseya

⁵²Besai, na BeMewun na BeNefush

⁵³Bakbuk, na Hakufa na Harhur

⁵⁴Bazlut, na Mehida na Harsha

⁵⁵Barkɔs, na Sisera na Tema

⁵⁶Neziya tanga Hatifa

⁵⁷E ji bemât fwôm Sɔlɔmɔn ngyɛrɛ̂ bazâ rùhup bemat de ba toyo a vemo: Rùhup Sotai, na Sɔfɛrɛt na Perida

⁵⁸Yaala, na Darkɔn na Gidɛl

⁵⁹Shefatiya, na Hatil, na Pɔkɛrɛt-Hazɛbayim tanga Amɔn

⁶⁰Nepyak yére bemât fwôm Gbɔng Duk Re Fongol, tanga ne bemât fwôm Sɔlɔmɔn de ba toyo na sé naga betat kuru shabatat na vɛ beba (392).

⁶¹Bemat naga betyiimin kuru banaas na vɛ beba (642) yi e rùhup Delaya, na Tobiya, na Nekoda ba vey yi e bapomô Tel Mela, na Tel Harsha, na Kɛrup, na Adɔn tanga Imer, ko yɛn a tɔk dura wɛt wɔgɔ, belɔ mɛn ba sé yi e ji yerê BeIsrayɛl.

⁶²

⁶³Ko e ji rùhup bepiris, behak ba sè arɔng de ba tɔk sɛ̀ kwɔn de ba jɛk ɛ bazâ nelɔ mɛn wɛt, vɛ a rùhup Habaya, na Hakos na Barzilai. Dâ ruhup Barzilai á kana ra wenêng hwông Barzilai wo Gileyat, ko a jut zâ lɔ tya mɛ. Ko yaga rùhup tat vemo ba tɔk dura wɛt wɔgɔ, bedabeda mɛn ba sé yi e yére bepiris, bemât nuyel ba ye, yɛn a jam na be se bepiris wɛt, ko ba paa ɛn yi e ji mo.

⁶⁴

⁶⁵Ano kwong, gwɔmna a nɔng ɛn nu be kwon re pyɛ́ de ba nára a Dagwi yɛ wɛt, sɛ̌ ba sɛ̀ piris de e tɔk pyɛ de Dagwi e simo yi na râ fwom na Urim na Tumim e ngyen.

⁶⁶Mwa nepyak regyɛng bemat de ba toyo mo na sé gu kuru banaas na vɛ baba, na naga betat na kuru batyiimin viisis (42,360),

⁶⁷sana tɛ̀ bemât fwom mɛn beras na beha gu bataama, na naga betat kuru batat na vɛ betaama (7,337). Yɛn a vɔk bemât lwɛlɛ naga beba kuru banaas na vɛ betungun (245) beras na beha mo arɔng.

⁶⁸Yɛn a to vɔk bedwa naga betaama kuru batat na vɛ betyiimin (736) tanga bedwa-madung naga beba kuru banaas na vɛ betungun (245),

⁶⁹tanga bemaryat naga benaas kuru batat na vɛ betungun (435), tanga bemadung gu batyiimin, na naga betaama na kuru baba viisis (6,720).

⁷⁰Pyak e ji bemat ba nɔng sɛlɛ yaga fwôm yông Gbɔng Duk Re Fongol! Gwɔmna a nɔng yaga fwôm gban dyām negat dyam shinang gu rining (1,000), na neshǐ ne Gbɔng Duk o kuru batungun, tanga berugu naga betungun na kuru batat viisis (530) yaga bepiris.

⁷¹Behak e ji bedanelɔ rùhup ba nɔng yaga fwôm gban dyām o arɔng negat dyam shinang gu kuru baba (20,000) na dyam pyɛng de nedirik o na wul kilo gu rining na naga beba na kuru batungun (1,250).

⁷²Ko bwang bemat o ba nɔng negat dyam shinang gu kuru baba (20,000), na kilo gu rining na naga gwining na kuru banaas (1,140) vê dyam pyɛng tanga berugu kuru batyiimin na vɛ betaama (67) yaga bepiris.

⁷³Ano kwong, bepiris, na BeLevi, tanga behak e ji bemat o, vɛ a bemât gyeng ri Gbɔng Duk Re Fongol, na vê râ lwɛlɛ, na vê fwôm Gbɔng Duk o tanga bwang BeIsrayɛl ba wɔ̀ sangal e bapomo mɛn. E ji pwɛl gwo netaama, BeIsrayɛl mwa ba ga kana sangal e bapomo mɛn.