Read berom Iyɔp 17 Bible Online

Iyɔp 17 - berom bible

Iyɔp 17

¹“Neken hom na ga wey, nepɔlɔ hom na ga tala hɛn, ma sé e nû reku.

²Mwin, ba ga jut me e nû pyɛ cak wɛt, be shok a me yey, be tabas a me nengyas.

³À Dagwi tumal a me, wa a sé de e vo nu yaga me ɛ?

⁴Hwà ga lɛrɛ a yɛn tɔk e ji neyey mɛn, yaga ano, de hwó gwɛ̌ a yɛn nerey wɛt.

⁵Mwat de a re gwɔ̄m vwen na a sɛ nû nedanelɔ sa mɛ, nèy mɛ nê ba sɔ reyɔm.

⁶Dagwi ê tɛ̀ me pyɛ byɛs e bayis bemat, be tulus a me netey e bayis.

⁷Bayis hom ba ga tɛ́ ɛn shǔt yaga sesin, ma ga sɔ́ me hywiri.

⁸Bemat de ba sé tɛk be langat hɛn e ra pyɛ yemo; vemo de vit a nɛn, ba ga sogo cik e ra vê kyɛ́ ɛn Dagwi.

⁹Wo tsak o e tumal gak e gwong mɛ, womo de yey mɛ ya sé haalal ê gwɛsɛ ɛ gap.

¹⁰Ko mwa hin tik na yin a to vey, mê tɔk sɛ̀ mwât netsitsɛng e ji min wɛt.

¹¹Nepɔlɔ hom na ga tala hɛn, pyɛ́ de ma yong yɛ mwa ya ga raa nshi, ma vɔk cwey pyɛ́ cak e yey hom wɛt.

¹²Ko besa hom, yɛn a yâng naturuk à nagwi, ba to ye, negbey na sɛ́ bagat na lwil.

¹³Ka me bɛrɛng kwɔ̂n bevuvwel sede lɔ hom; Ka ma lasha bemat hom e lwil;

¹⁴Ka ma yang sak, ‘À da hom’, ko pyongol, ‘À neng-gwɔ kɛ gwa hom hwong o’.

¹⁵E gwa de ma vɔk ɛ sɛ̂t yey arɛt? Ko sɛ̂t yey hom, wà a ga di hɛ ɛ?

¹⁶Hê yel e vwel vɔk e ri reku a! Wot ê gyirik mwa vɔk e sak a?”