Read berom Iyɔp 26 Bible Online

Iyɔp 26 - berom bible

Iyɔp 26

¹Iyɔp a hanat a ye,

²“Di de hwà ga sɛlɛ womo de vit a hɛ na gap, hwo, hwà sey womo de a sé gbɛrɛk.

³Hwà ga vo redu á womo de vit a hɛ na tɔk redu, ko hwó vos a me byǎ vit a yɛnɛ.

⁴E wa de a ha a hwo neha de hwà ha ɛ, ko e hê gabik de ha tɛ̀ hwà ha yerê neha nemo ɛ?

⁵Bevuvwel be vow ding-ding, retîs nshi na pyɛ́ de ya sé sangal e ji mo.

⁶Sak, wa sé pyot e nuyêl Dagwi, kwɔ̂n wey ha vɔk pyɛ bâng hɛ wɛt.

⁷Dagwi a lasha lagwi e rwa bato, a tɛ̀ retîs jey e ra vit à pyɛ.

⁸A tula nshi e ji relê rwak mwangalang, ko rele mo, re ka sāta hɛ wɛt.

⁹Dagwi e kyiri gwofwa sangâl negwɔm mɛ, ko e ra rak gwɛ e lasha ɛ bale.

¹⁰A wɔrɔ yɛnɛ̂ nshi na a dura mɛ yɛnɛ̂ negbey na lwil.

¹¹Sesêk lagwi ba vow, bà digis yaga gyong mɛ.

¹²Yi na reto mɛ a tɛ̀ gworep gwo sǎ yuu, na netsitsɛng a bunut gwalwêl nshi.

¹³Na nesong mɛ, larwak wa rɛng ɛ, vwɔ̂ gap mɛ gwa ló mazɛrɛ gworep.

¹⁴Ko yēmo, ya sé tyɔng e ji tomong mɛ, hyet zɔng de wot e wokos e ra yɛ; Wa e kyɛm a tɔk gap reto mɛ ɛ?”