Read berom Iyɔp 40 Bible Online

Iyɔp 40 - berom bible

Iyɔp 40

¹Dagwi Darwey a hanat a Iyɔp a ye,

²“Mwat de e simo na a tɛ̀ a mwat hwak renɛn, e tɔk tó ding na Wo Reto Mwa arɛt? Mwat de e ra nenan na Dagwi, tik a hanat.”

³Iyɔp a hanat a Dagwi Darwey a ye,

⁴“Mwin ma vey pyɛ cak wɛt, sɛ́ de mê hanat a hwo ɛ? Ma tɛ̀ vwɔ e nu yuu.

⁵Ma ga kana hanat zang hining, zang ba mwa ko mê to gwɛ re nuyel na ha wɛt.”

⁶E bama mo Dagwi Darwey a hanat a Iyɔp e ji sombabos, a yang ɛ,

⁷“Rɔgɔs gyindi gak à rwas; Mê ra a hwo rangal, ko hwo, hwô hanat a me.

⁸Hwo hwô tɛ̀ a me renɛn a? Hwô wey na me, na hwo tɛ́ o wo cik arɛt?

⁹Hwà vɔk gap sede Dagwi a? Hwô tɔk moklo na fwɔ sede yɛ a?

¹⁰Tɔrɔ hwo na gbɔng nerey na nedyɛt nerat, bang o na nerey na negwɔm.

¹¹Tɛ̀ shom mō ye tē puu, bɛrɛng kawɛ mwat de e dak kaa e tɛ̀ ɛ a dyɛng to.

¹²Bɛrɛng mwat de e tos to, tɛ̀ ɛ a dyɛng hɛ, ko hwo wey na bemat beves, e kwɔn mɛn.

¹³Lɛrɛ hɛn mwa e vwel, rɔgɔs hɛn e kwɔ̂n bevuvwel.

¹⁴Ano kwong me arɔng mê sey ha mō, wɔgɔ vwɔ yege mō gwó tɔk nɔng o wɛng.

¹⁵Di, gworubɛt de ma yong gwɛ, sede remo de ma yong o, gwó re sɔng sede rɔndɔng.

¹⁶Gap gwɛ ha sé e rawit retô gwɛ ra sé e ji banama jîm gwɛ.

¹⁷Gwó nàta rûm gwɛ gwo sè tabat sede cɔgɔ̂t kugul, banama bol gwɛ ba vɔk gap.

¹⁸Bekup gwɛ ba sé sede wɔ́rɔ dyam pama, nedem gwɛ sede dyam.

¹⁹Gwɛ à gwo mɛsɛng e ji tomong Dagwi, sɛ̌ mwat de a yong gwɛ zɔng, ê tɔk wey na gwɛ.

²⁰Beraku be nɔngɔ̂s gwɛ pyɛ̂ re, e kwɔn de mwa ngyāma yɛ ra ɛ jɔgɔ.

²¹Gwó dyɛngɛs e tê cɔ́gɔt wùrum, gwo lɛrɛ hɛ e ji sere.

²²Necam batîn wùrum ne kyiri gwɛ, nelang babɔnɔng né gwɔrɔ gwɛ.

²³Ka sede gwɔrɔt gwó ha yol, gwo tē funglang, gwo ye lot wɛt, gwó tik yêy gwɛ bes zɔng sede nshi Rɔt Yɔrdan na yel a gwɛ mɛf e nu.

²⁴Mwat a sé de e vo gwɛ na guk, kɛ a boro wôl gwɛ na sòro a?”