Read berom Lɛlɛ 101 Bible Online

Lɛlɛ 101 - berom bible

Lɛlɛ 101

¹Lwɛlɛ̂ Davit À Dagwi Darwey, ma rɔda ra a hwo lwɛlɛ, mê ra lwɛlɛ̂ somo e ra nerat na gâs shɔt mō e tē.

²Ma rɔda tē ngyɛ́k na me raa gwông bemat de ba sila gyat. E yɛ̌ jeng de hwô vey sɛlɛ me ɛ? Mê sangal e gwong de gwa sila gyat e yɛnɛ̂ negwɔm hom.

³Me simo pyɛ hom cak ye se na neves wɛt. Mê kyɛ́ me tomông vemo de ba ga ye rɛng yi e raà Dagwi, pyɛ cak yê wuna me na yɛn wɛt.

⁴Mê kyɛ́ me nà se kang-gang, ko pyɛ hom cak yê sè na râ neves wɛt.

⁵Mê wey na mwat de e hat mwât vwara mɛ, mê niri na mwât tos to kɛ mwât paà kwas wɛt.

⁶Mê jama vemo de ba sé vê tsak o e vwel o, na yɛn a sangal tanga me. Womo de e kyè e gwông bemat de ba sila gyat a rɔda ra a me fwom.

⁷Vit a mwat de e ragas bɔs de ê nàra e lɔ hom, vit a mwât kwɛlsɛng de ê sangal na me.

⁸Kanɛ nagasi mê weres na vemo de ba sé beves e vwel o, mê kàsa bemât râ neves yi e gbɔng repomô Dagwi Darwey.