Read berom Lɛlɛ 110 Bible Online

Lɛlɛ 110 - berom bible

Lɛlɛ 110

¹Lwɛlɛ̂ Davit Dagwi Darwey a yâng darwey hom, gbɔng gwɔ̀m, “Sangal e vwɔ yege hom, mê tɛ̀ vê repugu mō be se e nɛ̂n negwɔm mō, mê tɛ̀ ɛn sede kwɔ̂n tikîs bol mō.”

²Dagwi Darwey ê gwɛ̌ nerey negwɔm mō yi e Siyɔn. A ye, “Rē negwɔm e ra vê repugu mō.”

³E tûk tô como bemat mō bê nɔng bato mɛn pyɛ mɛn. Sede mwɛngɛ gwô bop nagasi, bewen mō bê vey tula hɛn na hwo, ba tɔrɔ hɛn na yɔ̀m nzem.[39]

⁴Dagwi Darwey a ga sira, ko ê sege yey mɛ wɛt: “Hwà sé piris nesheneshey sede vemo de ba raa Mɛlkisɛdɛk.”

⁵Darwey a sé e vwɔ yege mō, ko tuk shom mɛ, ê bugut begbɔng begwɔ̀m.

⁶E ra a yére bemât jey shɔt, ê mɔbɔs bato mɛn, bagwɔ̂t bavin bê se e kahɛ kwɔn e jey.

⁷E sɔ nshî rɔt de ha sé e gwong, ê tɛ́ ɛ kaskas, ko ê re nuyel na dî wɛng.