Read berom Lɛlɛ 111 Bible Online

Lɛlɛ 111 - berom bible

Lɛlɛ 111

¹Somo hin Dagwi Darwey! Mê somo Dagwi Darwey na yey hom mwa, e kwɔ̂n tulâ bemat de ba sé tɛk.

²Tomông Dagwi Darwey ba sé rey o, mwa vemo de ba vɔk cwey vɛ, bê ngyɛgɛt vɛ.

³Tomong mɛ ba vɔk gbɔng nerat na gbɔng nerey, e dura a bemat nerat kayɛ jeng.

⁴A ga sɛ̀ reza yaga tomông langat mɛ, Dagwi Darwey a sé wo toshô reyɔm, wo nemwishish.

⁵E nɔngɔ̂s vemo de be sap ɛ pyɛ̂ re, ê sang ye bam na wuna-na-sira mɛ wɛt.

⁶A dura a bemat mɛ gbɔng reto mɛ, a nɔng ɛn bavwêl yére dyuk.

⁷Mwa pyɛ́ de e ra ya sé ryat ko ya sé tyɛng. Be tɔk tɛ̀ gap e ra mwa badu mɛ,

⁸ba sé tsak o, ba sé tyɛng, ba yong vɛ yaga neshey gbak-gbak.

⁹A tɛ̀ bemat mɛ washak, a wuna sira hê nesheneshey na yɛn. A sé wo jɛrɛ. Bé wok bengyip mɛ!

¹⁰Sap in Dagwi Darwey. Yemo yɛ a pyɛ ye mɛsɛng ye sɛ̂ netsitsɛng. Mwa vemo de be ra ano bê sɛ̀ tɔk. Tik be re nuyel na somô Dagwi nesheneshey!