Read berom Lɛlɛ 113 Bible Online

Lɛlɛ 113 - berom bible

Lɛlɛ 113

¹Somo hin Dagwi Darwey! À yin bemât fwom mɛ, somo hin Dagwi Darwey, somo hin reza mɛ,

²Tik be somo reza mɛ, yi e remo vɔk e neshey gbak-gbak!

³Yi e nusû gwi vɔk e gabâ gwɛ, tik na be somo rezâ Dagwi Darwey!

⁴Dagwi Darwey e re segwɔm e ra mwa yére bemât jey, gbɔng nerey mɛ na dal ne lagwi.

⁵Vit a mwat de a sé sede Dagwi Darwey, Dagwi mot. Gwofwa negwɔm mɛ gwa sé e rak o,

⁶ko e tē det na a bɛrɛng lagwi na jey.

⁷E pat bepɛng yi e nepɛng mɛn, e pat vemo de vit a hɛn na sɛlɛ yi e reyɔm mɛn,

⁸ko e tɛ̀ ɛn be sangal na nèy lɔ gwɔ̀m, nèy lɔ gwɔ̀m bemat mɛ.

⁹E nɔ̂ng sang-gwon lɔ, e tɛ̀ ɛ a vɔk yey pyɛng yi na nɔng ɛ tɔ̂s nèy. Somo hin Dagwi Darwey!