Read berom Lɛlɛ 12 Bible Online

Lɛlɛ 12 - berom bible

Lɛlɛ 12

¹Lwɛlɛ̂ Davit. Bē ra gwɛ na yerê yom de ya vɔk neshwey rwit. Gwá sè e vwɔ̂ mwât kyé na lɛlɛ. À Dagwi Darwey, sɛlɛ me! Vit a mwat de a sé pang na hwo de a tɛt ɛ. Bê to sɛ̀ mwat tsak o bɛ̀!

²Mwa hɛn be yɛt a bemɛn nebɔs, be kwɛlɛng bemɛn na rwâk nu.

³À Dagwi Darwey, bang nenu bemât rwâk nu mo! Tɛ̀ vê dak nu be sǎ yuu!

⁴Be tâng bato mɛn, “Wot ê di wɛng yaga nenu mot. Wà na wot ɛ? Sɛ̌ pyɛ́ de ya nusu yi e nenu mot!”

⁵Ko Dagwi Darwey a ye, “Mê ra pyɛ cak a remo: Yaga ták de be tak a bepɛng, na rûs vemo de be simo sɛlɛ, mê sey bemat o, sede remo de ba jama me ra.”

⁶À Dagwi Darwey, há mō ha sé tsak o, vit a bɔs e hɛ. Ha sé sede dyām de ba rugut yɛ zang taama, vit a yapyi e yɛ̄.

⁷Hwà rɔda gyeng ot, hwô dul ot yi na bemat beves vane nesheneshey,

⁸mwa ano de yɛn e tos bato e kagwa, ko bemat mwa be somo pyɛ́ vyes mɛn o.