Read berom Lɛlɛ 122 Bible Online

Lɛlɛ 122 - berom bible

Lɛlɛ 122

¹Lwɛlɛ̂ Davit de bê ra e gwong vɔk e Yɛrusalɛm. Ma kana vɔk yey pyɛng, jeng de ba yang me, “Tik wot a wɔ e duk Dagwi Darwey.”

²A remo, wot a sé e tumal e ngamo e ri mō, à Yɛrusalɛm!

³Ba lɔk Yɛrusalɛm, gbɔng repomo de ra man, ko jwâ rɛ wa sé gak.

⁴E hwomo wɛ de yére BeIsrayɛl de ya sé yê Dagwi Darwey ye kyè vɔk ɛ. Yê somo Dagwi Darwey, sede remo de ba nɔng ɛn nu.

⁵E hwomo wɛ de gwofwa negwɔm gwa sé ɛ, gwofwa negwɔm de yerê Davit ye yɛt ɛ shɔt.

⁶Rá in won yaga netyâng Yɛrusalɛm: “Tik vemo de ba tɛ̀ yey na hwo be re nuyel.

⁷Tik kawɛ mwat a sangal tyang e ji mō, tik vemo de ba sé e nelɔ negwɔm, be sangal bɛs!”

⁸Yaga ma vɔk begwa na besa hom e yey, mê ye, “Netyang e ra Yɛrusalɛm!”

⁹Yaga ma vɔk duk Dagwi Darwey, Dagwi mot e yey, mê ra won, na a tɛ̀ Yɛrusalɛm wo re nuyel.