Read berom Lɛlɛ 125 Bible Online

Lɛlɛ 125 - berom bible

Lɛlɛ 125

¹Lwɛlɛ de bê ra e gwong vɔk e Yɛrusalɛm Vemo de ba tɛ̀ gap e ra Dagwi Darwey ba sé sede Raku Siyɔn de bê tɔk sek wɛ wɛt, ko wa sé gbak-gbak.

²Sede remo de beraku ba gwɔrɔ Yɛrusalɛm, ano de Dagwi Darwey e gwɔrɔ bemɛ, yi a remo gbak-gbak.

³E tik vê neves be re negwɔm kayɛ jeng e vwel de a nɔng bemat mɛ wɛt; ka ano wɛt, bemat mɛ mo bê tɛ̀ vɔ mɛn e râ neves arɔng.

⁴À Dagwi Darwey, dura nerat na vemo de ba sé berat, na vemo de neyey mɛn na sé yɛt.

⁵Ko vemo de ba doyo vɔk e begwong beves mɛn, tɛ̀ ɛn, be kyè tanga vemo de be ragas neves. Netyang na nerat ne sè e ra Israyɛl!