Read berom Lɛlɛ 129 Bible Online

Lɛlɛ 129 - berom bible

Lɛlɛ 129

¹Lwɛlɛ de bê ra e gwong vɔk e Yɛrusalɛm Ba ga tak a me ding-ding yimo nebot hom, Tik Israyɛl a ha.

²Ba ga tak a me ding-ding yimo nebot hom, ba ga sang di wɛng e ra me wɛt.

³Ba vugus a me rama, sede bemât cap be how nerɔ.

⁴Dagwi Darwey a sé wo tsak o, a ga tɛ̀ me washak yi e vɔ vê neves.

⁵Tik mwa vemo de be bɛ̀ɛ Siyɔn ves, be sɔ rekyen.

⁶Tik be tɛ́ ɛn sede sɔng de gwa ta e ra bushâ duk, de gwo hworok gyam gwo ras.

⁷Mwât yɛ̂t gwɛ e tɔk sila vwɔ wɛt, mwat rɔgɔ̂s bato mo ê sɛ̀ pyɛ de ya vey rɔgɔs wɛt.

⁸Tik vemo de be kweres be kyɛ́ ɛn na ye: “Nerât Dagwi Darwey ne sè na yin!” Ko bemât yɛt o be toyo a yɛn, be tē, “Wot a tɛ̀ a yin nerat e ji rezâ Dagwi Darwey!” wɛt arɔng.