Read berom Lɛlɛ 13 Bible Online

Lɛlɛ 13 - berom bible

Lɛlɛ 13

¹Lwɛlɛ̂ Davit. Gwá sè e vwɔ̂ mwât kyé na lɛlɛ. Káa! À Dagwi Darwey! Vɔk e yɛ̌ jeng de hwô ye bam a me ɛ? Hwô kyɛ́ o nà wok ɛ?

²Vɔk e yɛ̌ jeng de hwô tik yey hom ye bɔrɔk hɛ ɛ? Mê sǎ yɔɔm kahɛ tuk vɔk e nayu ɛ? Vɔk e yɛ̌ jeng de hwô tik, bemât repugu hom be dopse di wɛng e ra me ɛ?

³Áaa! À Dagwi Darwey, di me! À Dagwi hom, hanat a me! To tɛ̀ me wɛng-wɛng! Ka ano wɛt, mê ku.

⁴Bemât repugu hom bê ye, ba ga di wɛng e ra me. Bê feng, yaga ma ga gaba.

⁵Ko me, ma tɛ̀ gap e ra hwo, yaga hwà tɛ̀ yey na me. Mê rɛ̌ na nzem, yaga hwà sey me!

⁶À Dagwi Darwey, mê ra a hwo lwɛlɛ, yaga hwà ga ra a me naka.