Read berom Lɛlɛ 130 Bible Online

Lɛlɛ 130 - berom bible

Lɛlɛ 130

¹Lwɛlɛ de bê ra e gwong vɔk e Yɛrusalɛm À Dagwi Darwey, ma tosho a hwo, yi e ji neciwil.

²À Darwey wet betong na sesin hom, wet betong na dâk gabɔk hom yaga toshô reyɔm.

³À Dagwi Darwey, ka hwó jɛkɛs banɛn, à Darwey, wa ê hywit ɛ ɛ?

⁴Retô halsâ banɛn ra sé na hwo, ano bê sap o.

⁵Me bɛrɛng a Dagwi Darwey, me bɛrɛng a yɛ, Ma sɛt yey hom e ra ha mɛ.

⁶Me bɛrɛng a Dagwi Darwey a dal vê bɛɛ̀ nekanang de be gyeng, gasi he ye gbey, me dal vê bɛɛ̀ nekanang de be gyeng gasi he ye gbey.

⁷À Israyɛl, sɛt yey e ra Dagwi Darwey, yaga na Dagwi Darwey, tɛ̂ yey ha sé, na yɛ, gbɔ̂ng retô vibis ra sé.

⁸A rɔda viri Israyɛl yi e banɛn mɛn mwa.