Read berom Lɛlɛ 132 Bible Online

Lɛlɛ 132 - berom bible

Lɛlɛ 132

¹Lwɛlɛ de bê ra e gwong vɔk e Yɛrusalɛm À Dagwi Darwey bare na Davit, na mwa reyɔm mɛ,

²na sira de a sira a hwo, na sira de a sira a Dagwi wo Yakɔp.

³Mwin mê yel e bûk lɔ hom wɛt; kɛ me dyɛng e gwat hom.

⁴Mê ro a bayis hom nevwa, mê tē gumat wɛt,

⁵sɛ̌ ma sɛ̀ a Dagwi Darwey kwɔn, kwɔ̂n sangal yaga Dagwi wo Yakɔp de a dal na nerey!

⁶Mwin, wot a wok rehâ Kundung Wuna-na-Sira e Ɛfrata, wot a sɛ̀ gwɛ e hêy Yaar.

⁷Wot ê yel e buk mɛ, wot re fongol e nuyel mɛ.

⁸À Dagwi Darwey, sogo vɔk e kwɔ̂n pɔngɔ mo, hwo na kundung mo.

⁹Tik bepiris mo be sila na tsak o, tik na vemo de ba nɔng bato mɛn na hwo be ra biibi.

¹⁰Yaga mwât fwom mo Davit, hwo kwon ye zak a womo de hwà ga shushu a yɛ něy wɛt.

¹¹Dagwi Darwey a ga sira a Davit, sirâ mwin, e to ɛ re bama wɛt, “Mê tɛ̀ hwak e ji nèy bewen mo e gwofwa negwɔm mo.”

¹²Ka sede nèy bewen mo nê gyeng wuna-na-sira na nuha de mê basa a yɛn, ano besɔ mɛn bê tut e ra gwofwa negwɔm mo gbak-gbak arɔng.

¹³Dagwi Darwey a ga kasa Siyɔn, a simo wɛ yaga kwɔ̂n sangal mɛ.

¹⁴Hemo hɛ a kwɔ̂n sangal hom gbak-gbak, e ngamo de mê sangal ɛ yaga ma ga simo ano.

¹⁵Mê tɛ̀ nerat e gban wɛ yɔkyɔk, mê nɔ̂ng bepɛ̂ng wɛ pyɛ̂ re.

¹⁶Mê kyiri bepiris mɛn na sêy neken sede pyɛ banga, vê nɔ̂ng bato mɛn bê ra biibi.

¹⁷E Siyɔn o mê tɛ̀ hwak e ji yerê Davit gbɔng gwɔ̀m, e hwomo kawɛ gbɔng gwɔ̀m de ma kasa ê nɛp sede negbey.

¹⁸Mê kyiri vê repugu mɛ na rekyen, e ra yɛ kpîn negwɔm mɛ wô tē bwerep.