Read berom Lɛlɛ 136 Bible Online

Lɛlɛ 136 - berom bible

Lɛlɛ 136

¹Feng a Dagwi Darwey yaga a sé wo nerat, tɛ̂ yey mɛ ha sé gbak-gbak.

²Feng in a Dagwi de a dal mwa ci na reto, tɛ̂ yey mɛ ha sé gbak-gbak.

³Feng a Darwey de a dal bedarwey mwa; tɛ̂ yey mɛ ha sé gbak-gbak.

⁴Yɛ nju mɛ de e ragas gbɔng pyɛ̂ langat, tɛ̂ yey mɛ ha sé gbak-gbak.

⁵Womo de a yong lagwi na netsitsɛng; tɛ̂ yey mɛ ha sé gbak-gbak.

⁶Womo de a lasha jey e ra nshi, tɛ̂ yey mɛ ha sé gbak-gbak.

⁷Womo de a tɛ̀ gbɔng negbey, tɛ̂ yey mɛ ha sé gbak-gbak.

⁸Womo de a tɛ̀ gwi gwo vɔk reto e ra wosho, tɛ̂ yey mɛ ha sé gbak-gbak.

⁹Womo de a tɛ̀ pwɛl na netangacɛn ne vɔk reto e ra naturuk; tɛ̂ yey mɛ ha sé gbak-gbak.

¹⁰Womo de a wey na nèy negel BeMisra, tɛ̂ yey mɛ ha sé gbak-gbak.

¹¹A nusu na BeIsrayɛl yi e Misra, tɛ̂ yey mɛ ha sé gbak-gbak.

¹²Na vwɔ̂ gap mɛ, na reto mɛ, tɛ̂ yey mɛ ha sé gbak-gbak.

¹³Womo de a gas Rep Swinang; tɛ̂ yey mɛ ha sé gbak-gbak.

¹⁴A tɛ̀ BeIsrayɛl be kwey e ji wɛ; tɛ̂ yey mɛ ha sé gbak-gbak.

¹⁵Womo de a wey na Farawo tanga regyeng bemât como mɛ; tɛ̂ yey mɛ ha sé gbak-gbak.

¹⁶Womo de a kyè na bemat mɛ e hey; tɛ̂ yey mɛ ha sé gbak-gbak.

¹⁷Womo de a wey na begbɔng begwɔ̀m; tɛ̂ yey mɛ ha sé gbak-gbak.

¹⁸A mɔbɔs begbɔng begwɔ̀m de ba vɔk za; tɛ̂ yey mɛ ha sé gbak-gbak;

¹⁹Sihɔn, gbɔng gwɔ̀m BeAmɔr; tɛ̂ yey mɛ ha sé gbak-gbak.

²⁰Ɔk, gbɔng gwɔ̀m Bashan; tɛ̂ yey mɛ ha sé gbak-gbak.

²¹A nɔng sevwel mɛn nap; tɛ̂ yey mɛ ha sé gbak-gbak;

²²nap na mwât fwom mɛ Israyɛl; tɛ̂ yey mɛ ha sé gbak-gbak.

²³Womo de a bare na wot e ji reyɔm mot, tɛ̂ yey mɛ ha sé gbak-gbak;

²⁴a sey ot yi e vê repugu mot, tɛ̂ yey mɛ ha sé gbak-gbak.

²⁵Womo de a nɔngɔ̂s pyɛ́ cen pyɛ̂ re; tɛ̂ yey mɛ ha sé gbak-gbak.

²⁶Feng a Dagwi wo lagwi, tɛ̂ yey mɛ ha sé gbak-gbak.